2Atha 17:31 - ÎVUKU RÎA ÛVORO MWARO

³¹ andû a Iva nao makîrûtha mîvuanano ya Nibihazi na Taritaki; nao andû a Sefarivati nîmaarutire ciana ciao magongoona irî matega ma kûvîvua kûrî ngai ciao, Adurameleki na Anameleki ngai cia Sefarivaimu.

2Atha 17:31 ပူးပေါင်းရင်းမြစ်များ

2Atha 17:17

Nîmaarutire ciana ciao cia anake na cia erîtu kûrî ngai cia maveeni, irî matega ma kûvîvua. Nîmaathiîcaga kwa ago na arogi. Nîmeerutîrîte viû gwîka maûndû marîa mataakenagia Ngai-Mûnene, na ûguo nîguo maarakaririe Ngai-Mûnene.

2Atha 17:24

Mûthamaki wa Asîria nîwarutire andû kuuma matûûrarî ma Babuloni, Kutha, Ava, Hamathi, na Sefarivaimu, na akîmavira matûûrarî manene ma Samaria kûrîa andû a Isiraeli maatûûraga mbere ya mavirwe îthamîriorî. Nîmegwatîre matûûra manene ma Samaria na magîtûûra kuo.

2Atha 19:37

Vîndî îmwe akîgooca arî hekarûrî ya Nisiroki, ngai yake, anake ake aîrî: Adurameleki na Sharezeri, nîmaamûragire na mviû na magîcoka makîûrîra vûrûrirî wa Ararati. Nake mwanake wake wetagwa Esarihadoni nîwatuîkire mûthamaki vuva wake.

Ezira 4:9

“Maarûa îno yumîte kûrî mûnene Rehumu, na Shimushai ûrîa mwandîki, na andû arîa engî arata ao. Kuuma kûrî atirîrîri vûrûri na anene onthe a andû kuuma Perisia, Ereki na Babuloni, na Susa îrîa îrî vûrûrirî wa Elamu,

Jeremia 2:28

Nwatî irîkû ngai cienyu icio mwîrûthîrîte? Nîciûkîre, ethîrwa nwa ivote kûmûtethia, vîndî îrîa mûrî thînarî. We Juda mwîgana wa ngai ciaku nîta mwîgana wa matûûra maku.

Alawi 18:21

Mûtikanenganîre ciana cienyu ciamûrîrwe ngai îrîa îtagwa Moleku, na mwaki, nîûndû kûu nî gûconorithia rîîtwa rîa Ngai-Mûnene, Ngai.

Gûco 12:28

Menyererani mûno kwathîkagîra maûndû monthe marîa ngûmwatha, nîguo maûndû menyu na ma njiarwa cienyu matûûre marî maro, nîûndû mûkeethagîrwa mûvingîtie ûrîa Ngai-Mûnene Ngai wenyu athanîte.

Gûco 12:31

Mûtikagoocage Ngai-Mûnene Ngai wenyu ta ûrîa magoocaga ngai ciao, nîûndû mekaga ngai ciao maûndû monthe marîa Ngai-Mûnene athûrîte. Wana nîmarutagîra ngai ciao magongoona ma kûvîvua ma anake na erîtu ao.