2Atha 17:28 - ÎVUKU RÎA ÛVORO MWARO

²⁸ Kwoguo ûmwe wa athînjîri-Ngai arîa maathiîte nao kuuma Samaria nîwathiîre na agîtûûra Betheli. Kûu nîkuo aathomithîrie andû ûrîa magîrîrwe nî kûgooca Ngai-Mûnene.

2Atha 17:28 ပူးပေါင်းရင်းမြစ်များ

2Atha 17:27

Mûthamaki wa Asîria nîwacokire akîathana atîrî, “Îra ûmwe wa athînjîri-Ngai arîa twaûkire nao marî mîgwate acoke agatûûre kuo, nîguo amathomithie watho wa ngai ya vûrûri ûcio.”

2Atha 17:29

Nwatî andû a mavûrûri monthe nwa maarûthire mîvuanano yao ene, wa andû marî îtûûrarî rîao, na makîmiga kûndû kûrîa gûtûgîru gwa kûgoocerwa kwarûthîtwe nî andû a Samaria.

Isaia 29:13

Mwathani aaugire atîrî, “Andû aya mamvecaga gîtîîo na mîromo, nwatî ngoro ciao irî kûraca nanie, gîtîîo kîrîa mamvecaga nî Kîam mawatho marîa mathondeketwe nî andû, na makamathoma.

Jona 1:9

Nake Jona nîwamacokerie atîrî, “Nie nîrî Mûhibirania, na ngoocaga Ngai-Mûnene, Ngai wa îgûrû ûrîa waûmbire îria na nthî nyûmû.”

Mathaayo 15:14

Tigani gûtangîka nîûndû wao! O nî atongoria atumumu. Mûtumumu agatongoria mûtumumu ûrîa wîngî, wa oîrî nîmagûcaga îrimarî.”

Johana 4:22

Mue Asamaria mûtiîcî nî ûrîkû mûgoocaga nwatî tue Ayahudi nîtwîcî nî ûrîkû tûgoocaga, nîûndû ûvonokio uumaga kwa Ayahudi.