Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2Atha 17:23 - ÎVUKU RÎA ÛVORO MWARO

23 nginya rîrîa Ngai-Mûnene aamengatire makiuma kûrî ke, wata ûrîa aaugîte na njîra ya arathi ndungata ciake cionthe, atî nîageka. Kwoguo andû a Isiraeli nîmaavirirwe îthamîriorî Asîria, kûrîa matwîre nginya ûmûnthî.

အခန်းကိုကြည့်ပါ။ ကော်ပီ




2Atha 17:23
29 ပူးပေါင်းရင်းမြစ်များ  

Mûndû ûcio nîwarumire metha ya kîgongoona, wata ûrîa Ngai-Mûnene aamwathîte akiugaga atîrî, “We metha ya kîgongoona, metha ya kîgongoona, Ngai-Mûnene augîte atî: Taroria kavîcî nîgagaaciarwa nyombarî ya Daudi; Nako gageetwa Josia. Nako nîgagaagûtegera athînjîri-Ngai arîa marutagîra magongoona kûndû kûrîa gûtûgîru, arîa marutagîra ngai cia mîvuanano magongoona îgûrû rîaku, na nîakaavîvîria mavîndî ma andû îgûrû rîaku.”


Ngai-Mûnene nîagaatiganîria Isiraeli nîûndû Jeroboamu nîwîvîtie na nîatûmîte andû a Isiraeli mevie.”


nîngaaruta andû akwa a Isiraeli kuuma vûrûrirî ûrîa namaveere. Nîngaacoka ndiganîrie hekarû îno nyamûrîte îgatuîka yakwa ya kûngoocagîra, nao Aisiraeli nîmakaavûthua na manyararwe nî andû a ndûrîrî cionthe.


Nwatî Ngai-Mûnene nîwamatugire na akîmeguîra ntha. Ndaamatiganîria macûkangue, nwatî nîwamatethirie nîûndû wa kîrîkanîro kîrîa aarûthîte na Iburahimu, Isaka na Jakovu. Ngai-Mûnene ndaanatiganîria andû ake nginya ûmûnthî.


Ngai-Mûnene nîwakaanîtie andû a Isiraeli na a Juda na njîra ya arathi onthe na oni akameera atîrî, “Tiganani na mîtugo yenyu mîcûku na mûrûmîrîre maathani makwa na irîra ciakwa, wata ûrîa mandîkîtwe wathorî ûrîa naveere methe menyu na marîa naamûtûmîre kûvîtûkîrîra kûrî arathi, ndungata ciakwa.”


Kwoguo Ngai-Mûnene nîwamengatire onthe. Aatigaririe andû a mûvîrîga wa Juda onga tu.


Ngai-Mûnene nîwaregire andû onthe a Isiraeli; nîwamaverithirie na akîmarekereria kûrî andû aganu mûno nginya akîmengata maume kûrî ke.


Andû a Isiraeli nîmeekire mevia monthe marîa Jeroboamu eekire; matiatigana namo,


Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.


Nîngaatiganîria andû akwa arîa magaatigara na nîmanenganîre kûrî nthû ciao, na nîikaamavoota na imatue mîgwate kûrî nthû ciao cionthe.


Ngai-Mûnene nîwaugire atîrî, “Nîngengata andû a Juda maume kûrî nie wata ûrîa nekire andû a Isiraeli, na nîngaatiganîria Jerusalemu îtûûra rîrîa nathuurire na hekarû, varîa naugire nîvo mbagîrîrwe nî kûgoocerwa.”


Ngai-Mûnene nîke wathanire ûndû ûcio wîkîke kûrî Juda, nîguo athirie andû a Juda nîûndû wa mevia monthe marîa mûthamaki Manase eekîte,


Nebukadinezarû nîwarivire andû acio na akîmaûragîra kûu Ribula vûrûrirî wa Hamathi. Kwoguo andû a Juda nîmaarutirwe vûrûrirî wao na makîvirwa îthamîriorî.


Nwatî nîwathiîre na mbere gwîka wîvia ûrîa wekagwa nî Jeroboamu, mûvîcî wa Nebati, ûndû ûrîa watûmire andû a Isiraeli mevie na ndaatigana naguo.


“Kwoguo, Ngai wetû ûrî Ngai mûnene na wî vinya! Wî Ngai wa kûmakania na nîûvingagia kîrîkanîro gîaku na wendo ûtathiraga. Mathîna marîa maûkîte kûrî tue na kûrî athamaki etû, kûrî anene etû na athînjîri-Ngai etû, arathi etû na kûrî methe metû, na andû onthe etû kuuma vîndî ya athamaki a Asîria, nginya ûmûnthî ndûkariganîrwe nîmo!


Nîngaacoka nthomithie andû arîa evia njîra ciaku, na nîmagaagûcokerera.


Nîûndû îtûûra rînene rîa vûrûri wa Sîria nî Damesiki na mûthamaki wa Damesiki nî Rezini. Kwa îvinda rîa mîaka mîrongo îtandatû na îtano (65) vûrûri wa Isiraeli ûkethîrwa ûcûkangîtue na ûtangîtuîka rûrîrî.


Nake Ngai-Mûnene nîwarakarire mûno nîûndû wa andû a Jerusalemu na a Juda nginya akîmengata maume vakuvî nake. Nake Zedekia nîwareganire na Nebukadinezarû, mûthamaki wa Babuloni.


Nîmwîngata mume mbere yakwa wata ûrîa nengatire andû enyu onthe, njiarwa cia Efiraimu.”


Mbere ya Jakovu aciarwe nîwagianire na mûrwang'ina; na atuîka mûndû mûgima nîwagianire na Ngai.


Kwoguo nîngaamûvira îthamîriorî vûrûri ûrî kûraca na Damesiki.” Ûguo nîguo Ngai-Mûnene, ûrîa wîtagwa Ngai mwene vinya wonthe arauga.


Maûndû mama monthe magekîka nîûndû wa mavîtia ma Jakovu, na nîûndû wa mevia ma andû a Isiraeli. Mavîtia ma Jakovu marî kû? Marî îtûûrarî rîa Samaria! Mevia ma andû a Juda nî marîkû? Nî Jerusalemu!


Kwoguo, Ngai-Mûnene augîte atîrî, “Nîngaatûma Samaria gûtuîke kîrûndo Kîam mathiga werûrî, kûndû gwa kûvandwa mîthavibu. Mathiga marîa magûtumîte nîngaamaikia Kîamndarî, na nthikûrie mîcingi ya kuo.


Kwoguo rîrîa andû a Ngai-Mûnene magaacokerua mîgûnda, gûtirî gîcunjî mûkagaîrwa na njîra ya kûthîra.


Nîwaugire atî, ‘Nîngaamathitha ûthiû wakwa,’ nîngaaroria mone ûrîa makaarîkîrîria, nîûndû nî rûciaro rûremi na andû matarî evokeku.


Mweka ûguo, menyani na ma atî Ngai-Mûnene, Ngai wetû ndakeengata ndûrîrî icio ciûre rîrîa mûkaaitharîkîra. Nwatî nîigaatuîka kîndû gîcûku gîa kûmûgucagîrîria mûtonye mûtegorî kana mûgwe îrimarî. Nîigaatuîka ta kîvoko gîa kûmûriva kana ta mîgua îrî methorî menyu nginya rîrîa muonthe mûkaathira vûrûrirî ûyû mwaro Ngai amûveete.


Andû a Dani nîmaarûthire mûvuanano wa kûgoocagwa. Jonathani mûvîcî wa Gerishomu, Gerishomu mûvîcî wa Musa na ndungata ciake nîo maatungataga marî athînjîri-Ngai kûu mûvîrîgarî wa Dani nginya rîrîa vûrûri ûcio watavirwe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ