2Atha 17:21 - ÎVUKU RÎA ÛVORO MWARO

²¹ Vuva wa Ngai-Mûnene kwamûrania andû a Isiraeli na andû a mûvîrîga wa Daudi, andû a Isiraeli nîmaatuire Jeroboamu, mûvîcî wa Nefati mûthamaki wao. Jeroboamu nîwatûmire andû a Isiraeli matiganîrie Ngai-Mûnene na agîtûma meke wîvia mûnene.

2Atha 17:21 ပူးပေါင်းရင်းမြစ်များ

Kîam 20:9

Abimeleki nîwacokire agîta Iburahimu na akîmûria atîrî, “Nîkwa ûtwîkire atîa? Nî ûndû ûrîkû mûcûku ngwîkire nîguo ûtûme ndeterwe mathîna nie wana andû arîa mbathaga. Nîûmbîkîte ûndû ûrîa ndagîrîrwe nî gwîkwa.

1Atha 11:11

Kwoguo Ngai-Mûnene nîwerire Solomoni atîrî, “Nîûndû nîûregete kwathîkîra kîrîkanîro gîakwa wana irîra cia watho wakwa, na ma nîngûgûcuna ûthamaki na nîûnenganîre kûrî ndungata îmwe yaku.

1Atha 11:31

Nîwacokire akîra Jeroboamu atîrî, “Îyocere tûcunjî îkûmi, nîûndû Ngai-Mûnene, Ngai wa Isiraeli akwîrîte atî, ‘Nîngûcuna Solomoni ûthamaki, na ngûve mîvîrîga îkûmi ya ûthamaki ûcio.

1Atha 13:34

Ûndû ûyû nîwatuîkire wîvia kûrî nyomba ya Jeroboamu na nîwatûmire nyomba îo îcûkangue na îthirue viû.

1Atha 14:16

Ngai-Mûnene nîagaatiganîria Isiraeli nîûndû Jeroboamu nîwîvîtie na nîatûmîte andû a Isiraeli mevie.”

1Atha 14:8

Nagaûrire ûthamaki kuuma kûrî njiarwa cia Daudi, na ngîkûnengera guo. Nwatî we ndûrethagîrwa wîkariî ta Daudi, ndungata yakwa ûrîa warûmagîrîra Watho wakwa na agekaga maûndû marîa nie noonaga magîrîrîte.

2Atha 17:22

Andû a Isiraeli nîmeekire mevia monthe marîa Jeroboamu eekire; matiatigana namo,

2Atha 3:3

Nwatî nîwathiîre na mbere gwîka wîvia ûrîa wekagwa nî Jeroboamu, mûvîcî wa Nebati, ûndû ûrîa watûmire andû a Isiraeli mevie na ndaatigana naguo.

2Maû 11:11

Nîwamairigîre na vinya na wa îtûûrarî, nîwaigire mûnene wa athigari a mbaara, nîwatumire nyomba ya kwigagwa irio, maguta ma ndamaiyû, na ndivei.

2Maû 11:15

Jeroboamu nîwathuurire athînjîri-Ngai ake a gûtungata kûndû kûrîa gûtûgîru kwagoocagîrwa ngai ciake cia mîvuanano ya mbûri na njaû irîa aarûthîte.

Thaburi 25:11

We Ngai-Mûnene, nîûndû wa rîîtwa rîaku, njovera mevia makwa nîûndû nî meengî mûno.

Ntha 32:21

Musa nîwaûririe Aroni atîrî, “Andû aya maragwîkire atîa atî nîguo ûmarekererie meke wîvia mûnene ûguo?”

Isaia 7:17

“Ngai-Mûnene nîagaakûretere we, andû aku, na andû a nyomba ya aguo yonthe mavinda ma thîna, îrîa îtanoneka rîngî kuuma rîrîa andû a Isiraeli maamûkanire na andû a Juda; thîna ûcio ûkaaumana na mûthamaki wa Asîria.

Johana 19:11

Nake Jesû nîwamûcokerie atîrî, “We ndûrî na ûvoti wa kûmbîka wanarî ûndû ethîrwa ûvoti ûcio ndûvetwe guo nî Ngai. Kwoguo mûndû ûrîa ûmindire kûrî we arî na wîvia mûnene makîria.”

1Sam 2:17

Kwoguo Ngai-Mûnene nîwonire atî, wîvia wa anake a Eli warî mûnene mûno, nîûndû matiavecaga iveo irîa ciarutagîrwa Ngai-Mûnene gîtîîo.

1Sam 2:24

Tigani gwîka maûndû mau rîngî anake akwa! Nîûndû ûvoro ûcio nîregua andû a Ngai-Mûnene makîaria îgûrû rîenyu tî mwaro!