2Atha 17:20 - ÎVUKU RÎA ÛVORO MWARO

²⁰ Ngai-Mûnene nîwaregire andû onthe a Isiraeli; nîwamaverithirie na akîmarekereria kûrî andû aganu mûno nginya akîmengata maume kûrî ke.

2Atha 17:20 ပူးပေါင်းရင်းမြစ်များ

2Atha 13:23

Nwatî Ngai-Mûnene nîwamatugire na akîmeguîra ntha. Ndaamatiganîria macûkangue, nwatî nîwamatethirie nîûndû wa kîrîkanîro kîrîa aarûthîte na Iburahimu, Isaka na Jakovu. Ngai-Mûnene ndaanatiganîria andû ake nginya ûmûnthî.

2Atha 13:3

Kwoguo Ngai-Mûnene nîwarakarirue nî andû a Isiraeli na nîwatûmire mekare makîvootagwa mbaararî nî Hazaeli, mûthamaki wa Sîria na mûvîcî Benihadadi.

2Atha 13:7

Jehoahazi ndaarî na athigari a mbaara maatigarîte tiga arûme mîrongo îtano (50) arîa mathiîcaga matwîte mbarathi, ikaari îkûmi (10) cia mbaara, na arûme ngiri îkûmi (10,000) arîa maathiîcaga na magûrû, nîûndû mûthamaki wa Sîria nîwacûkangîtie acio engî na akamakinyangîra nthî ta mûthetu.

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Atha 17:15

Nîmaaregire gûtîîa irîra ciake, nîmaaregire kûvingia kîrîkanîro kîrîa Ngai-Mûnene aarûthîte na methe mao ma tene, na matiegua maûndû marîa Ngai-Mûnene, Ngai wao aamakaanîtie. Nîmaagoocire mîvuanano îtarî vata na wanao o ene magîtuîka andû matarî vata rîngî. Nîmaarûmîrîre mîtugo ya mavûrûri marîa maamathiûrûkîrîtie. Ûguo nîguo maregire kwathîkîra maûndû marîa Ngai-Mûnene amaathîte matigeke.

2Atha 17:18

Kwoguo Ngai-Mûnene nîwamengatire onthe. Aatigaririe andû a mûvîrîga wa Juda onga tu.

2Atha 18:9

Mwakarî wa kana Hezekia arî mûthamaki, (ûcio nîguo warî mwaka wa mûgwanja, Hosea arî mûthamaki wa Isiraeli) Shalimaneseri, mûthamaki wa Asîria nîwatharîkîre itûûra rîa Samaria na akîrîrigicîria.

2Atha 21:14

Nîngaatiganîria andû akwa arîa magaatigara na nîmanenganîre kûrî nthû ciao, na nîikaamavoota na imatue mîgwate kûrî nthû ciao cionthe.

2Atha 23:27

Ngai-Mûnene nîwaugire atîrî, “Nîngengata andû a Juda maume kûrî nie wata ûrîa nekire andû a Isiraeli, na nîngaatiganîria Jerusalemu îtûûra rîrîa nathuurire na hekarû, varîa naugire nîvo mbagîrîrwe nî kûgoocerwa.”

2Atha 24:3

Ngai-Mûnene nîke wathanire ûndû ûcio wîkîke kûrî Juda, nîguo athirie andû a Juda nîûndû wa mevia monthe marîa mûthamaki Manase eekîte,

1Maû 16:13

Mue njiarwa cia Iburahimu ndungata yake, avîcî a Jakovu arîa Ngai aathuurire.

Nehemia 9:2

Andû onthe a Isiraeli nîmeeyamûranîtie na ageni. Nao nîmaarûngamire na nîmaambîrîrie kumbûra mevia mao na marîa methe mao ma tene meekîte.

Thaburi 51:13

Nîngaacoka nthomithie andû arîa evia njîra ciaku, na nîmagaagûcokerera.

Thaburi 53:5

Marî kûu nîmakaanyitwa nî guoya nyîngî mûno, guoya matarî magîa nayo rîngî, nîûndû Ngai nîakaanyagania mavîndî ma nthû cia andû ake. Andû acio nîmagaaconorithua nîûndû Ngai nîamaregete.

Thaburi 80:13

Ngûrûe cia kîthaka nîiûcûkangagia, nyamû cia kîthaka nîirîcaga matunda maguo.

Isaia 2:6

Rîu we Ngai, nîûtiganîrîtie andû aku, njiarwa cia Jakovu, nîûndû aringi a mbûgû kuuma mwena wa îrathîro mecûrîte kwao, na oni maûndû ta Afilisiti, na nîmanyitanagîra na andû ageni.

Isaia 45:25

Nie Ngai-Mûnene nîngaatethûra njiarwa cionthe cia Isiraeli, na nîikaavootana.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Jeremia 46:28

Ngai-Mûnene arauga atî: ndûgetigîre we Jakovu ndungata yakwa, nîûndû nîrî vamwe nawe. Nîngacûkangia mavûrûri monthe mathire, kûrîa kuonthe nakûnyaganîrie, nwatî we ndigaagûcûkangia ûthira. Nîngakûverithia ûrîa kwagîrîrîte, ndigaagûtiga ndakûverithîtie.”

Jeremia 52:3

Nake Ngai-Mûnene nîwarakarire mûno nîûndû wa andû a Jerusalemu na a Juda nginya akîmengata maume vakuvî nake. Nake Zedekia nîwareganire na Nebukadinezarû, mûthamaki wa Babuloni.

Jeremia 6:30

Magetagwa sîlûva îrîa îtarî na vata, nîûndû Ngai-Mûnene nîamaregete.”

Jeremia 7:15

Nîmwîngata mume mbere yakwa wata ûrîa nengatire andû enyu onthe, njiarwa cia Efiraimu.”

Hosea 1:6

Gomeri nîwagîre na îvu rîngî, na agîciara mwana wa kerîtu. Nake Ngai-Mûnene nîwerire Hosea atîrî, “Tuîra mwana ûcio rîîtwa ‘Ûtegucagîrwa ntha,’ nîûndû ndikeguîra Isiraeli ntha rîngî kana nîmovere.

Hosea 12:3

Mbere ya Jakovu aciarwe nîwagianire na mûrwang'ina; na atuîka mûndû mûgima nîwagianire na Ngai.

Jona 1:10

Jona nîwathiîre na mbere kûmeera atî nîkwa aûrîrîte Ngai-Mûnene. Amenyereri a meri nîmaathiîre na mbere kûmaka mûno na nîmaamwîrire atîrî, “Ûcio nî ûndû mûcûku mûno wîkîte.”

Jona 1:3

Jona nîwambîrîre rûgendo, nwatî aanyitire njîra erekerete Tarishishi nîguo aûrîre Ngai-Mûnene. Nîwathiîre nginya Jopa, kûrîa eethîrîrie meri îmwe îrî vakuvî kûthiî Tarishishi. Kwoguo nîwarîvire mbeca cia rûgendo na agîtwa merirî na makîthiî Tarishishi na andû acio engî, nîguo aûrîre Ngai-Mûnene.

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Gûco 11:12

Nî vûrûri ûmenyagîrîrwa nî Ngai-Mûnene Ngai wenyu vîndî cionthe; Ngai-Mûnene Ngai wenyu nîaûgitagîra vîndî cionthe kuuma Kîammbîrîria Kîam mwaka nginya kîrîkîro Kîam guo.

Gûco 32:20

Nîwaugire atî, ‘Nîngaamathitha ûthiû wakwa,’ nîngaaroria mone ûrîa makaarîkîrîria, nîûndû nî rûciaro rûremi na andû matarî evokeku.

2Ath 1:9

Nao nîmakaathînîka nîûndû Ngai nîakaamaverithia tene na tene. Nîmakaaigwa varaca na Mwathani na varaca na riiri wa ûnene wake.

Josh 23:13

Mweka ûguo, menyani na ma atî Ngai-Mûnene, Ngai wetû ndakeengata ndûrîrî icio ciûre rîrîa mûkaaitharîkîra. Nwatî nîigaatuîka kîndû gîcûku gîa kûmûgucagîrîria mûtonye mûtegorî kana mûgwe îrimarî. Nîigaatuîka ta kîvoko gîa kûmûriva kana ta mîgua îrî methorî menyu nginya rîrîa muonthe mûkaathira vûrûrirî ûyû mwaro Ngai amûveete.

Atir 18:30

Andû a Dani nîmaarûthire mûvuanano wa kûgoocagwa. Jonathani mûvîcî wa Gerishomu, Gerishomu mûvîcî wa Musa na ndungata ciake nîo maatungataga marî athînjîri-Ngai kûu mûvîrîgarî wa Dani nginya rîrîa vûrûri ûcio watavirwe.

Atir 2:14

Kwoguo Ngai-Mûnene nîwarakarire nîûndû wa Aisiraeli na akîmarekereria kûrî nthû, nacio nîciaîire indo ciao. Nîwarekererie nthû cionthe irîa ciamathiûrûrûkîrîtie imavoote, na Aisiraeli matingîavotire kwîgitîra.

1Sam 15:23

Kûregana na Ngai-Mûnene kwîganene na wîvia wa ûragûri, naruo rûng'athio nî wîvia wîganene na wîvia wa kûvoya mûvuanano. Nîûndû nîwaregire gwîka ûrîa Ngai-Mûnene aakwîrire wîke, wanake nîaregete ûtuîka mûthamaki.”

1Sam 15:26

Nake Samueli nîwerire Saûlo atîrî, “Nie ndigûcokania nawe, nîûndû nîûregete ûrîa Ngai-Mûnene akwathîte, nake nîakûregete ûrî ta mûthamaki wa Isiraeli.”

1Sam 16:1

Nake Ngai-Mûnene nîwaûririe Samueli atîrî, “Nîûtûûra ûrîragîra Saûlo nginya rî? Nie nînîmûregete athiî na mbere arî mûthamaki wa Isiraeli. Îcûria mûcuva waku maguta ma mîtamaiyû îrîa îciaraga matunda na ûthiî Bethilehemu kwa mûndû wîtagwa Jesii, nîûndû nie nî nthuurîte ûmwe wa anake ake atuîke mûthamaki.”