2Atha 17:13 - ÎVUKU RÎA ÛVORO MWARO

¹³ Ngai-Mûnene nîwakaanîtie andû a Isiraeli na a Juda na njîra ya arathi onthe na oni akameera atîrî, “Tiganani na mîtugo yenyu mîcûku na mûrûmîrîre maathani makwa na irîra ciakwa, wata ûrîa mandîkîtwe wathorî ûrîa naveere methe menyu na marîa naamûtûmîre kûvîtûkîrîra kûrî arathi, ndungata ciakwa.”

2Atha 17:13 ပူးပေါင်းရင်းမြစ်များ

1Atha 16:1

Ngai-Mûnene nîwatûmire mûrathi Jehu mûvîcî wa Hanani kûrî Baasha akamwîre atîrî,

1Atha 16:7

Ndûmîrîri îo yatûmanirwe nî Ngai-Mûnene kûrî Baasha na andû a nyomba yake, yavecanirwe nî mûrathi Jehu mûvîcî wa Hanani nîûndû wa mevia marîa Baasha eekîte mbere ya Ngai-Mûnene. Baasha aarakaririe Ngai-Mûnene nîûndû wa maûndû macûku marîa eekire wata marîa mûthamaki Jeroboamu eekîte, wa vamwe na kûûraga andû onthe a nyomba ya Jeroboamu.

2Atha 17:23

nginya rîrîa Ngai-Mûnene aamengatire makiuma kûrî ke, wata ûrîa aaugîte na njîra ya arathi ndungata ciake cionthe, atî nîageka. Kwoguo andû a Isiraeli nîmaavirirwe îthamîriorî Asîria, kûrîa matwîre nginya ûmûnthî.

2Atha 18:6

Hezekia nîwetîkîtie Ngai-Mûnene, na ndaanarega kûmwathîkîra, nwatî nîwavingagia maathani monthe marîa Ngai-Mûnene aaveete Musa.

2Atha 21:10

Ngai-Mûnene nîwaririe na njîra ya ndungata ciake, arathi akiuga atîrî,

1Maû 29:29

Maûndû marîa Daudi eekire arî mûthamaki kuuma Kîammbîrîria, nginya mûthiia nîmandîke mandîkorî ma arathi athatû. Arathi acio nî Samueli, Nathani na Gadi.

Ayubu 11:14

Ethîrwa ûrî na mevia mate kûraca, ndûgetîkîre maûndû matarî ma kîvooto gwaku nyomba.

Ayubu 36:10

Nîatûmaga mathikîrîrie mataaro make, na akathana matigane na waganu.

Thaburi 50:7

“Tathikîrîriani mue andû akwa, ûrîa nîrauga! Nîngûruta ûira îgûrû rîaku, we Isiraeli. Nie nînie Ngai, Ngai waku.

Jeremia 11:7

Nîûndû rîrîa narutire methe mao Misiri, nînamerire na kinyi mambathîkîre na nginya ûmûnthî nînîmeraga mambathîkîre.

Jeremia 18:11

Kwoguo rîu, îra andû a Juda na atûûri a Jerusalemu atî nie Ngai-Mûnene, nînîravanga maûndû macûku îgûrû rîao. Nînîravanga ûrîa ngûmaverithia. Garûrûkani muonthe, wa mûndû atigane na mîthiîre yake mîcûku, mûrûngarie mîthiîre yenyu na ciîko cienyu.

Jeremia 25:3

“Îvinda rîa mîaka mîrongo îîrî na îthatû (23) kuuma mwaka wa îkûmi na îthatû Josia mûvîcî wa Amoni, arî mûthamaki wa Juda nginya ûmûnthî, Ngai-Mûnene ethîrîtwe akîmbarîria. Vîndî îo yonthe mbîthîrîtwe ngîmûva ndûmîrîri îo ndagûtigithîrîria, nwatî mue nîmwaregire kûmîthikîrîria.

Jeremia 3:7

Nie neciririe atî, ‘Vuva wa Isiraeli gwîka maûndû mau monthe, nîakûnjokerera;’ nwatî nîwaregire kûnjokerera, na Juda mwarwang'ina ûrîa mûthani nîwonire ûndû ûcio.

Jeremia 34:14

‘Wa mîaka mûgwanja yathira, nwa nginya mûrekagîrîrie Mûhibirania ûcio wendetue arî ngombo na ûgûtungatîte mîaka îtandatû. Mwagîrîrwe nî kûmarekereria matikarute wîra kwenyu rîngî.’ Nwatî methe menyu matianthikîrîria kana mambîgua.

Jeremia 35:15

Nînîmûtûmîrîte arathi ndungata ciakwa, na nîo arathi mavinda kwa mavinda nîguo meere wa ûmwe wa cienyu atigane na waganu wake, arûnge mîthiîre yake na atige kûgooca ngai cia mîvuanano nîguo mûtûûre na thayû vûrûrirî ûrîa namûveere mue wana methe menyu, nwatî mûtianthikîrîria kana mûmbîgua.

Jeremia 42:19

Jeremia nîwathiîre na mbere kwîra andû atîrî, “Mue andû a Juda arîa mwatigarire, Ngai-Mûnene aramwîra mûtikathiî Misiri. Menyani atî ûmûnthî nînamûkania

Ezek 18:31

Tecanîriani mevia marîa monthe mûmbîtîrîtie, na mûgîe na ngoro njerû na mwoyo mûcerû. Mue nyomba ya Isiraeli, mûngîkua nîkî?

Ezek 3:19

Nwatî ûngîkaania mûndû mwaganu na arege gûtiga waganu wake na mîthiîre yake mîcûku, mûndû ûcio mwaganu nîagaakua nîûndû wa waganu wake, nwatî we nîûkaavonokia mwoyo waku.

Danieli 9:10

Nîtwaregire gûkwathîkîra we, Ngai-Mûnene, Ngai wetû. Twekire ûguo na njîra ya kûrega kwathîkîra mawatho marîa watûveere na njîra ya arathi, ndungata ciaku.

Hosea 11:2

Wa ûrîa nathiî na mbere kûmeta, nwa guo maathiîcaga varaca nanie. Nîmaathiîre na mbere kûrutîra ngai cia Baali magongoona, na kûvîvîria mîvuanano ûbani.

Hosea 12:10

Nie nînaririe na arathi; nînie namaveere cioneki nyîngî na njîra yao, nînîranîrîra mûvango wakwa.

Hosea 12:11

Nwatî Gileadi gwîcûrîte evia arîa magocaga ngai cia maveeni, na kûu Gileadi marutaga magongoona ma ndegwa, kwoguo metha ciao cia magongoona cigîtwe mûvari ta irûndo cia mathiga, mîtarorî ya mîgûnda mîrîme.

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Hosea 4:15

Wana ethîrwa nama mue andû a Isiraeli nîmûvûraga ûmaraa! mûtigatûme andû a Juda methîrwa na mavîtia! Mûtikathiî vandû varîa vatheru kûu Giligali, wana mûtikathiî Bethiaveni, na ndakevîte akiugaga, “Wa ta ûrîa Ngai-Mûnene atûûraga mwoyo.”

Ciîko 20:21

Nie nînarutire ûira kûrî Ayahudi na andû a Ndûrîrî ngîmeera merire mevia mao, macokerere Ngai na metîkie Mwathani wetû Jesû Kristû.

Gûco 31:21

Nîmakaanyitwa nî mîthiro mîîngî na mathîna. Nwatî rwîmbo rûrû rûkaainagwa nî andû a Isiraeli rûrî ûira kûrî o, na njiarwa ciao itikaariganîrwa nî ruo. Nie nîmbicî meciria mao wana mbere ya nîmavira vûrûrirî ûrîa nameerîre na mwîvîtwa atî nîngaamava.”

Gûco 4:26

Ûmûnthî nîngwîta îgûrû na nthî ituîke aira atî, mwarega kûmbathîkîra mûrî vûrûrirî ûcio mûthiîte gûtûûra, nîmûkaathirua viû. Mûtigaatûûra kuo îvinda îraca, nwatî nîmûkaathirua viû.

Gûco 8:19

Na ethîrwa nîmûkaariganîrwa nî Ngai-Mûnene, Ngai wenyu, na mwambîrîrie gûcaria ngai ciîngî cia gûtungatîra na kûigooca, nîramwîra nama atî mweka ûguo nwanginya mûkaathira viû.

Josh 23:16

ethîrwa mûtikaarûmîrîra maathani make. Maathani mau nî marîa Ngai-Mûnene, Ngai wenyu aamwîrire mûrûmagîrîre. Na ethîrwa nîmûgaatungatîra na mûgooce ngai ciîngî na mûciînamîrîra, nîakaarakara nîmue na amûverithie. Na vuvarî gûtirî mûndû wana ûmwe gatagatîrî kenyu ûgaatigara vûrûrirî ûyû mwaro Ngai-Mûnene, Ngai wenyu amûveete.”

2Pet 3:9

Mwathani ndavingagia ciîranîro ciake arî na ûtururu ta ûrîa andû amwe meciragia. Vandû va ûguo nîamûkiragîrîria nîûndû gûtirî mûndû wana ûmwe endaga akaaûra, nwatî endaga andû onthe merire mevia mao.

Atir 6:10

Naamwîrire atî, Nînie Ngai-Mûnene, Ngai wenyu na mûtikagooce ngai cia Aamoni, arîa ene vûrûri ûyû mûtûîre. Nwatî mûtianthikîrîria.’ ”

Atir 6:8

Ngai-Mûnene nîwamatûmîre mûrathi ameere atîrî, “Ngai-Mûnene, Ngai wa Isiraeli arauga atîrî, ‘Nînie naamûrutire ûkomborî vûrûrirî wa Misiri.

1Sam 9:9

Mbererî vûrûrirî wa Isiraeli mûndû akîthiî kûria ûndû kûrî Ngai augaga atîrî, “Ûka tûthiî tûkone mwoni maûndû” nîûndû mûndû ûrîa wîtagwa mûrathi, tene etagwo mwoni maûndû.