2Atha 16:9 - ÎVUKU RÎA ÛVORO MWARO

⁹ Mûthamaki wa Asîria nîwathîkîre Ahazi, na nîwathiîre marî na athigari ake a mbaara na makîtharîkîra îtûûra rîa Damesiki. Nîwarînyitire, akîûraga mûthamaki Rezini na akîvira andû Kiri marî mîgwate.

2Atha 16:9 ပူးပေါင်းရင်းမြစ်များ

2Maû 16:4

Nake mûthamaki Benihadadi nîwetîkîre ûrîa mûthamaki Asa aamwîrire, na nîwatûmire anene a athigari ake a mbaara mathiî makatharîkîre matûûra marîa manene ma Isiraeli. Nîmaavootire Ijoni, Dani, Abeli-bethi-maaka vamwe na matûûra monthe ma vûrûri wa Nafutali kûrîa kwaigagwa indo.

2Maû 28:21

Ahazi nîwocire indo kuuma hekarûrî na ciîngî kuuma nyomba ya mûthamaki na nyomba cia anene na akîinengera mûthamaki wa Asîria, nwatî ûguo ndwanamûtethia.

2Maû 28:5

Kwoguo Ngai-Mûnene, Ngai wake nîwamûrekererie na akîvootwa nî mûthamaki wa Sîria. Mûthamaki wa Sîria nîwacokire akînyita andû eengî a Juda na akîmavira Damesiki marî mîgwate. Mûthamaki Ahazi nwa warekererue kûrî mûthamaki wa Isiraeli, ûrîa wamûvootire na akîûraga andû eengî mûno a Juda.

Isaia 10:9

Nîmvoota Kalino wata ûrîa nekire Karikemishi. Nîmvoota Hamathi wata ûrîa nekire Aripadi, na mvoote Samaria wata ûrîa nekire Damesiki.

Isaia 17:1

Îno nî ndûmîrîri ya Ngai-Mûnene îgiî Damesiki. “Damesiki ndîgaatuîka îtûûra rîngî; îgaatuîka îganjo.

Isaia 22:6

Athigari a mbaara a Elamu nîmaaûkire na mota na mîguî, marî na ikaari cia mbaara na andû matwîte mbarathi, nao athigari a Kiri nîmaavarîrie ngo ciao.

Isaia 37:18

Ûûi Ngai-Mûnene, nîma atî athamaki a Asîria nîmacûkangîtie ndûrîrî cionthe, wana mavûrûri mao,

Isaia 7:16

Mbere ya kaana kau kamenya kûthuura maûndû maro na kûrega maûndû macûku, mavûrûri ma athamaki aîrî arîa mamwîguithagia guoya makethîrwa marî matiganîrie.

Isaia 9:10

“Nthingo cia matuvarî nî nyomomoku, nwatî tue nîtûituma rîngî na mathiga marî maumie. Itugî cia mîtî ya mîkûyû nî njûkangie, nwatî vandûrî va cio nîtûtuma na cia mîtarakwe.”

Isaia 9:11

Kwoguo, Ngai-Mûnene nîakaarete nthû ciao nîguo imatharîkîre.

Amosi 9:7

Ngai-Mûnene arauga atîrî, “Mue andû a Isiraeli, nîmwîciragia wata ûrîa nîîciragîria andû a Ethiopia. Nînarutire andû a Isiraeli vûrûrirî wa Misiri, na ngîruta Afilisiti kuuma Kirete, na andû a Sîria ngîmaruta Kiru.