2Atha 16:4 - ÎVUKU RÎA ÛVORO MWARO

⁴ Ahazi nîwarutagîra magongoona na akavîvîria ûbani kûndû kûrîa gûtûgîru, irîmarî, na rungu rwa mîtî îrîa mîruru.

2Atha 16:4 ပူးပေါင်းရင်းမြစ်များ

1Atha 14:23

Nîmeerûthîrîte kûndû kûrîa kwagoocagîrwa ngai cia mîvunano, itugî na mîvuanano ya Ashera mîenarî yonthe ya irîma irîa ndaca na rungu rwa mîtî yonthe îrîa yarî na iruru.

2Atha 12:4

Joashi nîwerire athînjîri-Ngai atîrî, “Ocanagiani mbeca cionthe irîa ikaretagwa hekarûrî. Nacio nî: mbeca irîa ciumanaga na kwendia indo irîa nyamûre, mbeca irîa mûndû eranîrîte, mbeca cia gwîtara, na mbeca irîa irutagwa nî mûndû na njîra ya kwîyendera.

2Atha 14:4

Ndaacûkangia kûndû kûrîa kwagoocagîrwa mîvuanano, na andû nîmaathiîre na mbere kûruta magongoona na kûvîvîria ûbani kuo.

Thaburi 78:58

Nîwarakarirue nî kûndû kûrîa maagoocagîra ngai cia mîvuanano, na nîweguire wîru nîûndû wa mîvuanano îo maaumîtie.

Isaia 65:4

Mekaraga mbîîrîrarî na makararaga methithîte. Marîcaga nyama cia ngûrwe na makanyunyaga mûthûri wa nyama irîa irî mûgiro.

Isaia 66:17

Ngai-Mûnene arauga atîrî, “Andû arîa metheragia na makethambia makathiî marûmanîrîrîte na mûruti magongoona mathiîte mîgûndarî kûrîa mîvuanano îrutagîrwa magongoona, arîa marîcaga nyama cia ngûrwe na cia mbîa, na irio irîa irî mûgiro, makaathiranîrua vamwe onthe.

Jeremia 17:2

Andû enyu magoocagîra metharî cia kîgongoona, na mîvuanano ya ngai cia Ashera, îrîa iigîtwe mîtîrî îrîa mîruru na tûrîmarî,

Ezek 43:7

akiuga atîrî, “Mûndû, gîkî nîkîo gîtî gîakwa Kîam ûthamaki na nîvo mbigaga magûrû makwa. Nîndûûra gatagatî ka andû a Isiraeli na nîmathamakîre tene na tene. Andû a Isiraeli kana athamaki ao matigacoka kûgwatia rîîtwa rîakwa rîtheru gîko rîngî makîgooca mîvuanano kana makîthika ciimba cia athamaki ao kûndû gûkû kûtheru.

Ezek 6:13

Ciimba ikaanyagania kûrîa ngai ciao cia mîvuanano irî mîenarî yonthe ya metha ciao cia magongoona, tûrîmarî tuonthe na irîmarî cionthe; mîtîrî yonthe mînene na mîtî îrîa mîruru ya mîvuru kûrîa maarutagîra magongoona marîa maanungaga waro ma gûkenia ngai ciao cia mîvuanano.

Gûco 12:2

Nwanginya mûgaacûkangia viû kûndû kuonthe kûrîa andû a mavûrûri marîa mûkeegwatîra magoocagîra ngai ciao; îgûrû rîa irîma, kûndû kûrîa gûtûgîru, na rungu rwa mîtî îrîa mîruru.