2Atha 16:1 - ÎVUKU RÎA ÛVORO MWARO

¹ Mwakarî wa îkûmi na mûgwanja (17) Peka, mûvîcî wa Remalia arî mûthamaki wa Isiraeli, Ahazi mûvîcî wa Jothamu nîwatuîkire mûthamaki wa Juda

2Atha 16:1 ပူးပေါင်းရင်းမြစ်များ

2Atha 15:38

Jothamu nîwakwire na akîthikwa mbîrîrarî cia athamaki kûu îtûûrarî rînene rîa Daudi; nake mûvîcî Ahazi nîwatuîkire mûthamaki vuva wake.

2Atha 17:1

Mwakarî wa îkûmi na îîrî (12), Ahazi arî mûthamaki wa Juda, Hoshea, mûvîcî wa Ela nîwatuîkire mûthamaki wa Isiraeli na nîwathanire arî Samaria îvinda rîa mîaka kenda (9).

1Maû 3:13

Jothamu aarî îthe wa Ahazi, Ahazi aarî îthe wa Hezekia, Hezekia aarî îthe wa Manase,

Isaia 1:1

Ino nî cioneki irîa Ngai aaguûrîrie Isaia, mûvîcî wa Amozu, ciîgiî Juda na Jerusalemu vîndî îrîa Uzia, Jothamu, Ahazi na Ezekia maarî athamaki a Juda.

Isaia 7:1

Rîrîa mûthamaki Ahazi, mûvîcî wa Jothamu aathanaga Juda, Jothamu aarî mûvîcî wa Uzia, Rezini mûthamaki wa Sîria na Peka mûvîcî wa Remalia, mûthamaki wa Isiraeli, nîmaatharîkîre îtûûra rîa Jerusalemu, nwatî matiarîvoota.

Isaia 7:10

Ngai-Mûnene nîwerire Ahazi rîngî atîrî,

Isaia 7:3

Ngai-Mûnene nîwerire Isaia atîrî, “Oca mûvîcîguo Shearijashubu, na mûthiî nake mûgatûnge mûthamaki Ahazi. Nîûgûtûngana nake njîrarî kûrîa nguo itumagîrwa, mûthiiarî wa mûtaro ûrîa ûretaga manjî kuuma kariarî ka mwena wa îgûrû.

Hosea 1:1

Ndûmîrîri ya Ngai-Mûnene nîyakinyîre Hosea mûvîcî wa Beeri vîndî îrîa Uzia, Jothamu, Ahazi na Hezekia maarî athamaki a Juda, nake Jeroboamu mûvîcî wa Joashi arî mûthamaki wa Isiraeli.

Mika 1:1

Ndûmîrîri ya Ngai-Mûnene nîyakinyîre Mika vîndî îrîa Jothamu, Ahazi, na Hezekia maarî athamaki a vûrûri wa Juda. Mûrathi Mika aarî wa kuuma îtûûra rîa Moreshethi, na nîwaguûrîrue maûndû marîa maarî mekîke Samaria na Jerusalemu.