2Atha 15:5 - ÎVUKU RÎA ÛVORO MWARO

⁵ Ngai-Mûnene nîwaverithirie mûthamaki Azaria na njîra ya gûtûma anyitwe nî mûrimû mûcûku wa ngothi, ûrîa aarwarire nginya vîndî îrîa aakwire. Aatûûraga nyomba arî wenga. Mûvîcî Jothamu ûrîa warûngamagîrîra mûciî wa mûthamaki nîke watongoragia andû a vûrûri ûcio.

2Atha 15:5 ပူးပေါင်းရင်းမြစ်များ

2Sam 3:29

Ûru ûcio ûrocokerera Joabu na andû onthe a mûciî wake! Mûciî wake ûrogîa na mûndû ûrwarîte mûrimû wa gîcûnûnû kana mûndû ûrwarîte mûrimû mûcûku mûno wa ngothi, kana mûndû ûkûruta mawîra ma gûtuma vurana ta aka, kana mûndû ûragîrîtwe mbaararî, kana mûndû ûtarî na kîndû gîa kûrîa.”

2Sam 8:15

Daudi nîwathanire Isiraeli kuonthe na agatwithanagia maciira kûrî andû ake onthe na kîvooto.

1Atha 3:28

Rîrîa andû a Isiraeli meegwire ûrîa Mûthamaki Solomoni aatwire ciira ûcio, nîmaamûtîire mûno nîûndû nîmaamenyire atî Ngai nîwamûvete ûûgî wa gûtua ciira na kîvooto.

1Atha 3:9

Kwoguo mva ûûgî ûrîa mvatarîte nîguo mvote gûtongoria andû aku, na mvotage gûkûûranagia maûndû maro na maûndû macûku, nîûndû nîûrîkû ûngîvota gûtongoria andû aya aku eengî ûguo?”

2Atha 15:32

Mwakarî wa kaîrî Peka, mûvîcî wa Remalia arî mûthamaki wa Isiraeli, Jothamu mûvîcî wa Uzia nîwatuîkire mûthamaki wa Juda

2Atha 15:6

Maûndû mengî monthe marîa Uzia eekire nîmandîke Îvukuurî rîa Maûndû ma Tene ma Athamaki Juda.

2Atha 5:27

Kwoguo we, na njiarwa ciaku nî mûnyitwa nî mûrimû ûcio mûcûku wa ngothi wa Namani na mûtûûre naguo tene na tene!” Nake Gehazi nîwaumire kûrî Elisha arî mûrwaru mûrimû mûcûku wa ngothi, mwîrî wake ûcerûvîte ta îra.

2Atha 7:3

Arûme ana arîa mekaraga kîvingorî marî arwaru mûrimû mûcûku wa ngothi nîmeranire atîrî, “Nîtwîkara ava nginya rîrîa tûgaakua nîkî?

1Maû 3:12

Joashi aarî îthe wa Amazia, Amazia aarî îthe wa Uzia, Uzia aarî îthe wa Jothamu,

1Maû 5:17

Andû aya onthe maandîkirwe mûtaratararî wa njiarwa cia Gadi vîndî îrîa Jothamu aarî mûthamaki wa Juda, nake Jeroboamu arî mûthamaki wa Isiraeli.

Ayubu 34:19

Ndonanagia kîmenyano kûrî anene, ndarûmbûyanagia na itonga gûkîra athîni, nîûndû onthe maûmbirwe nîke.

Thaburi 72:1

Onagîrîria mûthamaki gûtua ciira na kîvooto, we Ngai; na ûmûgaagîre ûthingu waku,

Hosea 1:1

Ndûmîrîri ya Ngai-Mûnene nîyakinyîre Hosea mûvîcî wa Beeri vîndî îrîa Uzia, Jothamu, Ahazi na Hezekia maarî athamaki a Juda, nake Jeroboamu mûvîcî wa Joashi arî mûthamaki wa Isiraeli.

Alawi 13:46

Mûndû ûcio akethagîrwa atarî mûtheru rîrîa rîonthe akethagîrwa arûarîte mûrimû ûcio, kwoguo agaatûûraga nja ya kûrîa andû acio engî matûûraga.

Mika 1:1

Ndûmîrîri ya Ngai-Mûnene nîyakinyîre Mika vîndî îrîa Jothamu, Ahazi, na Hezekia maarî athamaki a vûrûri wa Juda. Mûrathi Mika aarî wa kuuma îtûûra rîa Moreshethi, na nîwaguûrîrue maûndû marîa maarî mekîke Samaria na Jerusalemu.

Ndari 12:10

Rîrîa îtu rîaumire vau îgûrû rîa îgema, Miriamu nîwonekire arî na mûrimû mûcûku wa ngothi, na mwîrî wake wonthe ûcerûvîte ta îra. Rîrîa Aroni evûgûrire na akîona Miriamu arî na mûrimû mûcûku wa ngothi,

Ndari 12:14

Nwatî Ngai-Mûnene nîwacokerie Musa atîrî, “Kethîrwa îthe nîwamûtuîrîre mata ûthiû, Miriamu angîagîîre gîconoko îvinda rîa mîthenya mûgwanja. Kwoguo nîengatwe kuuma kûrîa mûtûûraga îvinda rîa kiumia kîmwe, na vuva wa ûguo acokue.”

Gûco 24:8

“Rîrîa mûndû arwara mûrimû mûcûku wa ngothi, nîathiî kûrî mûthînjîri-Ngai Mûlawi na amenyerere eke maûndû monthe marîa mûthînjîri-Ngai akaamwîra wata ûrîa namaathire.