2Atha 15:25 - ÎVUKU RÎA ÛVORO MWARO

²⁵ Mûtongoria ûmwe wa athigari a mbaara a mûthamaki Pekahia wetagwa Peka, mûvîcî wa Remalia nîwavangire marî na arûme mîrongo îtano (50) a kuuma Gileadi, ûrîa makûraga Pekahia. Peka nîwaûragîre Pekahia nyombarî yake ya ndaarî, na agîtuîka mûthamaki vuva wake.

2Atha 15:25 ပူးပေါင်းရင်းမြစ်များ

1Atha 16:18

Rîrîa Zimuri oonire atî îtûûra rîrîa rînene rîarî rîtave, nîwatonyire nyomba ya ndaarî ya mûthamaki, akîmundia nyomba ya mûthamaki mwaki, akîvîîra kuo na agîkua.

1Atha 16:9

Ndungata yake Zimuri, ûrîa warî mûnene wa nuthu ya ikaari ciake cia mbarathi nîwavangire ûrîa akûmûraga. Mûthenya ûmwe mûthamaki Ela arî kûu Tiriza nîwanyuire ndivei arî mûciî kwa Ariza na akîrîwa. Ariza aarî mûmenyereri wa mûciî wa mûthamaki kûu Tiriza.

2Atha 15:10

Shalumu, mûvîcî wa Jabeshi nîweciririe ûrîa akûraga mûthamaki Zakaria na nîwamûragîre kûu Ibileamu na agîtuîka mûthamaki vuva wake.

2Atha 15:24

Nîwevîrie Ngai-Mûnene na njîra ya gwîka maûndû macûku ta marîa meekagwa nî mûthamaki Jeroboamu mûvîcî wa Nefati ûrîa watûmire andû a Isiraeli mevie.

2Atha 15:26

Maûndû marîa mengî monthe marîa Pekahia eekire nîmandîke Îvukuurî rîa Maûndû ma Tene ma Athamaki Isiraeli.

2Atha 15:27

Mwakarî wa mîrongo îtano na îîrî (52) Azaria arî mûthamaki wa Juda, Peka, mûvîcî wa Remalia nîwatuîkire mûthamaki wa Isiraeli, na nîwathanire arî Samaria îvinda rîa mîaka mîrongo îîrî (20).

2Atha 9:14

Jehu nîwacokire akîvanga ûrîa akûragithia mûthamaki Joramu. (Vîndî îo, Joramu vamwe na anene acio engî onthe maarangîrîte îtûûra rîa Ramothu kûu Gileadi nîûndû wa Hazaeli, mûthamaki wa Sîria;

2Atha 9:5

na akîthîra anene a athigari macemanîtie. Nîwaugire atîrî, “Mûnene, nîrî na ndûmîrîri yaku.” Nake Jehu nîwamûririe atîrî, “Gatagatîrî getû tuonthe-î, ûrarîria ûrîkû?” Nake mûrathi nîwamûcokerie atîrî, “Nîwe mûnene nîrarîria.”

2Maû 28:6

Mûthamaki Peka mûvîcî wa Remalia nîwaûragire athigari ngiri îgana rîmwe rîa mîrongo îîrî (120,000) a Juda arîa maarî njamba mûthenya ûmwe, nîûndû nîmaatiganîrîtie Ngai-Mûnene, Ngai wa methe mao.

Isaia 7:1

Rîrîa mûthamaki Ahazi, mûvîcî wa Jothamu aathanaga Juda, Jothamu aarî mûvîcî wa Uzia, Rezini mûthamaki wa Sîria na Peka mûvîcî wa Remalia, mûthamaki wa Isiraeli, nîmaatharîkîre îtûûra rîa Jerusalemu, nwatî matiarîvoota.