2Atha 15:20 - ÎVUKU RÎA ÛVORO MWARO

²⁰ Menahemu nîwacunire andû onthe a Isiraeli arîa maarî itonga wa mûndû tûcunjî mîrongo îtano twa sîlûva (50) na vinya. Kwoguo Tigilathi Pilesa nîwacokire vûrûrirî wake.

2Atha 15:20 ပူးပေါင်းရင်းမြစ်များ

2Sam 19:32

Barizilai aarî mûthuuri mûkûrû mûno, nîûndû aarî na ûkûrû wa mîaka mîrongo înana. Aarî mûtongu mûno na nîke wavecaga mûthamaki irio vîndî îrîa aarî Mahanaimu.

2Atha 15:19

Tigilathi Pilesa, mûthamaki wa Asîria nîwatharîkîre vûrûrirî wa Isiraeli, na Menahemu Nîwamûvere kilo ngiri mîrongo îthatû na inya (34,000) cia sîlûva, nîguo Tigilathi Pilesa amûtethie gûtûma ûthamaki wake wîvande na athiî na mbere kwathana.

2Atha 15:21

Maûndû marîa mengî monthe marîa Menahemu eekire nîmandîke Îvukuurî rîa Maûndû ma Tene ma Athamaki Isiraeli.

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Atha 23:35

Mûthamaki Jehoiakimu nîwaûnganirie gooti ya sîlûva na thaavu kuuma kûrî andû nîguo avote kûgîa na gooti mbîganu ûrîa mûthamaki wa Misiri eendaga. Wa mûndû aarutaga kûringana na ûtonga wake.

Ayubu 1:3

Aarî na ûtonga wa ng'ondu ngiri mûgwanja (7,000), ngamîîra ngiri ithatû 3,000, ndegwa cia mûraû ngiri îmwe (1,000), na mvunda magana matano (500). Ayubu aarî na ndungata nyîngî mûno, na nîke warî gîtonga kînene mûno gûkîra andû onthe mwena wa îrathîro.

Ruthu 2:1

Naomi aarî na mûndû wao wa nyomba ya mûthuuriwe Elimeleku wetagwa Boazu. Boazu aarî gîtonga na aarî îgweta.