2Atha 14:9 - ÎVUKU RÎA ÛVORO MWARO

⁹ Nwatî Jehoashi mûthamaki wa Isiraeli nîwatûmire anjaama acio kûrî Amazia, mûthamaki wa Juda makamwîre atîrî, “Vîndî îmwe mwîgua wa Lebanoni nîwatûmanire kûrî mûtarakwe wa kûu Lebanoni ûkiuga atî ‘Nenganîra mwarîguo avikue nî mûvîcîwa.’ Nyamû mbaganu nîyavîtûkîrîre kuo na îgîkinyanga mwîgua ûcio.

2Atha 14:9 ပူးပေါင်းရင်းမြစ်များ

1Atha 4:33

Nîwagwetire ûvoro wîgiî mîtî, ambîrîrîtie na mûtarakwe ûrîa ûrî Lebanoni, nginya hisofu ûrîa ûmeraga rûthingorî. Wana nîwagwetire ûvoro wîgiî nyamû cia kîthaka, iconi, nyamû irîa ikurumaga nthî, wana nthamaki.

2Maû 25:18

Nake Joashi, mûthamaki wa Isiraeli nîwacokerie Amazia, mûthamaki wa Juda atîrî, “Vîndî îmwe mûtî warî na mîgua wî kîrîmarî Kîam Lebanoni nîwatûmanire kûrî mûtarakwe wî kîrîmarî Kîam Lebanoni ûkiuga, ‘Nengera mwarîguo avikue nî mûvîcîwa.’ Nwatî nyamû ya kîthaka Kîam Lebanoni nîyavîtûkîrîre kûu kîrîmarî na îgîkinyanga mûtî ûcio warî na mîgua ûkiunîkanga.

2Maû 33:11

Kwoguo Ngai-Mûnene nîwatûmire anene a athigari a mbaara a kuuma Asîria mathiî makatharîkîre Juda. Nîmaanyitire mûthamaki Manase na makîmwîkîra icûvî, makîmwova na mvîngû cia gîcango na makîmûvira Babuloni.

Ayubu 31:18

Nîûndû ûtûûrorî wakwa wonthe mbîthîrîtwe ngîmarera nîrî ta îthe, Kuuma nîrî mwana mbîthîrîtwe ngîmenyerera aka a ndigwa.

Ntha 3:2

Nake mûraika wa Ngai-Mûnene nîwaumîrîre Musa. Mûraika ûcio aarî rûrîrîmbîrî rwa mwaki waumaga kîthakarî. Nake Musa nîwaroririe na akîona kîthaka gîgîakana mwaki, nwatî gîtiavîcaga.

Nthi 26:9

Mûndû mûritu akîgeria gûtûmîra nthimo, nîta mûrîu akîgeria gwîkûûra mwîgua njara.

Rwîmbo rwa Nyîmbo 2:2

Ta ûrîa yûa rîthagîrwa rîrî rîthaka mîguarî, nîguo mwendwa wakwa ekariî gatagatî ka erîtu.

Isaia 34:13

Mîgua nîkaamera kûndû kwao kûrîa kûgitîre, ria na mîgua nîgaakûra kûndû kûrîa kûrî na nthingo cia vinya. Kûu nîkuo gûgatûûraga ciathi na nyaga.

Ezek 20:49

Nînaacokire ngiuga atîrî, “Ngai-Mûnene! Andû aya mararia ûvoro wakwa makiugaga: ‘Kinthî mûndû ûyû ndaragia maûndû na ngerekano?’ ”

Hosea 9:6

Rîrîa mûkaûrîra gûcûkangua kwa vûrûri wenyu, nîmûkaagwatwa ûgeni Misiri, nwatî mûkathikwa Memufisi. Igîîna cienyu cia sîlûva igecûra mavûngo, mîgua îgecûra magemarî menyu.

1Akor 12:15

Kûgûrû nwa kuge atîrî, “Nîûndû tînie njara, ndirî kîîga Kîam mwîrî.” Nwatî kuga ûguo gûtingîgiria kûgûrû rûtige gûtuîka kîîga Kîam mwîrî.

1Sam 13:6

Rîrîa Afilisiti maatonyerere andû a Isiraeli na vinya ûndû andû a Isiraeli matangîavotire gwîtethia, andû amwe a Isiraeli nîmeethithire ngurungarî, marimarî, mîanyarî ya mathiga marîa manene, na ndaarî ya iriko cia manjî;