2Atha 14:28 - ÎVUKU RÎA ÛVORO MWARO

²⁸ Maûndû marîa mengî monthe marîa Jeroboamu eekire, mbaara irîa aarûire na ûcamba, vamwe na ûrîa aacokirie rîngî îtûûra rîa Damesiki na rîa Hamathi vûrûrirî wa Isiraeli na rîrîa mbererî rîarî rîa Juda, nîmandîke Îvukuurî rîa Maûndû ma Tene ma Athamaki Isiraeli.

2Atha 14:28 ပူးပေါင်းရင်းမြစ်များ

2Sam 8:6

Nîwacokire agîtuma ciîkaro cia athigari ake vûrûrirî wa Damesiki, na andû a Sîria nîmaatuîkire ndungata ciake na nîmaarutaga gooti kûrî Daudi. Ngai-Mûnene nîwatûmire Daudi avootane kûrîa kuonthe aathiîcaga.

1Atha 11:24

Rezoni nîwaûnganîtie gîkundi Kîam andû arîa maareganaga na wathani wa Daudi rîrîa Daudi aaûragire andû a Zoba. Rezoni nîwatuîkire mûtongoria wa gîkundi kîu. Andû acio nîmaathiîre Damesiki na magîtûûra kuo nake Rezoni agîtuîka mûthamaki wao.

1Atha 14:19

Maûndû marîa mengî monthe marîa Jeroboamu eekire, mbaara irîa aarûire na ûrîa aathanire, nîmandîke Îvukuurî rîa Maûndû ma Tene ma Athamaki a Isiraeli.

2Atha 1:18

Maûndû mau mengî monthe marîa mûthamaki Ahazia eekire mandîkîtwe maûndûrî ma tene ma athamaki a Isiraeli.

2Atha 14:16

Jehoashi nîwakwire na akîthikwa mbîrîrarî cia athamaki a Isiraeli kûu Samaria; nake mûvîcî, Jeroboamu nîwatuîkire mûthamaki vuva wake.

2Atha 14:29

Jeroboamu nîwakwire na akîthikwa mbîrîrarî cia athamaki a Isiraeli, nake mûvîcî Zakaria nîwatuîkire mûthamaki vuva wake.

1Maû 5:17

Andû aya onthe maandîkirwe mûtaratararî wa njiarwa cia Gadi vîndî îrîa Jothamu aarî mûthamaki wa Juda, nake Jeroboamu arî mûthamaki wa Isiraeli.

Amosi 1:5

Nîngaaunanga ivingo cia îtûûra rîa Damesiki, na njûkangie arîa matûûraga Kîamndarî Kîam Aveni, na ûrîa wathanaga Bethedeni; na andû a Sîria nîmakaathiî îthamîriorî. Ûguo nîguo Ngai-Mûnene arauga.