2Atha 14:11 - ÎVUKU RÎA ÛVORO MWARO

¹¹ Nwatî Amazia ndeegua ûguo. Kwoguo Jehoashi mûthamaki wa Isiraeli nîwathiîre marî na athigari ake na makîrûa na Amazia mûthamaki wa Juda. Maarûîre vandû vetagwa Bethi Shemeshi kûu Juda.

2Atha 14:11 ပူးပေါင်းရင်းမြစ်များ

2Atha 13:12

Maûndû marîa mengî monthe marîa Joashi eekire wa vamwe na ûrîa aarûire na Amazia, mûthamaki wa Juda arî na ûcamba nîmandîke Îvukuurî rîa Maûndû ma Tene ma Athamaki a Isiraeli.

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

2Maû 25:20

Nwatî Amazia ndaathikîrîria, nîûndû warî mûvango wa Ngai atî Amazia na andû ake mavootwe nîûndû nîmaagoocete ngai cia mîvuanano cia Edomu.

Josh 15:10

Nîwacokete ûkîthiûrûrûka Baali na mwena wa îthûîro ûkîthiî werekerete vûrûri ûrîa ûrî irîma wa Edomu na ûkîvîtûkîra mwena wa rûgûrû wa kîrîma Kîam Jearimu (kana Kesaloni) na ûkînyûrûrûkîra Bethishemeshi na Timina.

Josh 19:38

Yironi, Migidaleli, Horemu, Bethanathi na Bethishemeshi. Mau monthe maarî matûûra manene îkûmi na kenda vamwe na icagi irîa ciarî vakuvî namo.

Josh 21:16

Aini, Juta, na Bethi Shemeshi wa vamwe na kûndû gwa kûrîthia. Matûûra mau monthe maarî kenda na maarî vûrûrirî wa Juda na vûrûrirî wa Simeoni.

Atir 11:28

Nwatî mûthamaki wa Aamoni ndathikîrîria ndûmîrîri îo yaumîte kûrî Jefitha.