2Atha 13:23 - ÎVUKU RÎA ÛVORO MWARO

²³ Nwatî Ngai-Mûnene nîwamatugire na akîmeguîra ntha. Ndaamatiganîria macûkangue, nwatî nîwamatethirie nîûndû wa kîrîkanîro kîrîa aarûthîte na Iburahimu, Isaka na Jakovu. Ngai-Mûnene ndaanatiganîria andû ake nginya ûmûnthî.

2Atha 13:23 ပူးပေါင်းရင်းမြစ်များ

Kîam 6:3

Nake Ngai-Mûnene nîwaugire atîrî, “Vinya wakwa wa kûvotithia mûndû gûtûûra tî wîkara ndaarî ya mûndû tene na tene; nîûndû mûndû nî kîûmbe gîa gûkua. Kuuma rîu gûtirî mûndû ûgatûûraga makîria ya mîaka îgana rîa mîrongo îrî (120).”

1Atha 8:28

Ngai-Mûnene, Ngai wakwa, thikîrîria mavoya na mathaithana makwa marîa nie ndungata yaku nîrakûthaitha namo ûmûnthî.

2Atha 13:24

Rîrîa Hazaeli, mûthamaki wa Sîria aakwire, mûvîcî Benihadadi nîwatuîkire mûthamaki vuva wake.

2Atha 13:4

Jehoahazi nîwacokire akîvoya Ngai-Mûnene. Nake Ngai-Mûnene nîwegwire mavoya make, nîûndû nîwonire ûrîa mûthamaki wa Sîria aavinyîrîrîtie andû a Isiraeli.

2Atha 14:26

Ngai-Mûnene nîwonire andû a Isiraeli makîthînîka mûno, nîûndû gûtiarî na mûndû wanarî ûmwe ûngîamatethirie.

2Atha 14:27

Nwatî Ngai-Mûnene ndaarî na mworoto wa kûthiria viû andû a Isiraeli gûkû nthî. Kwoguo nîwamavonokirie kûvîtûkîrîra kûrî Jeroboamu, mûvîcî wa Joashi.

2Atha 17:18

Kwoguo Ngai-Mûnene nîwamengatire onthe. Aatigaririe andû a mûvîrîga wa Juda onga tu.

2Atha 17:20

Ngai-Mûnene nîwaregire andû onthe a Isiraeli; nîwamaverithirie na akîmarekereria kûrî andû aganu mûno nginya akîmengata maume kûrî ke.

2Atha 17:23

nginya rîrîa Ngai-Mûnene aamengatire makiuma kûrî ke, wata ûrîa aaugîte na njîra ya arathi ndungata ciake cionthe, atî nîageka. Kwoguo andû a Isiraeli nîmaavirirwe îthamîriorî Asîria, kûrîa matwîre nginya ûmûnthî.

2Atha 24:20

Ngai-Mûnene nîwarakarirue mûno nî andû a Jerusalemu na a Juda nginya akîmengata. Zedekia nîwareganire na mûthamaki wa Babuloni.

Thaburi 105:8

Ke atûûraga aririkanaga kîrîkanîro gîake tene na tene, avingagia ciîranîro ciake kûrî njiarwa ngiri na ngiri.

Thaburi 105:9

Nîavingagia kîrîkanîro kîrîa aarûthire na Iburahimu, maûndû marîa erîîre Isaka na mwîvîtwa.

Thaburi 106:45

Nîwaririkanire kîrîkanîro gîake nîûndû wao, na akîricûkwa nîûndû wa wendo wake mwîngî ûrîa ûtathiraga.

Thaburi 51:11

Ndûkamîngate nyume kûrî we; na ndûkarute roho waku mûtheru kûrî nie.

Thaburi 78:38

Nwatî Ngai nîwaeguîrîre andû ake ntha, na akîmarekera mevia mao. Mavinda meengî nîwerigagîrîria kûrakara, na nîwerigagîrîria mang'ûrîka.

Thaburi 86:15

Nwatî we Mwathani, ûrî Ngai wî ntha na wendo, nîûkiragîrîria, ûrî wendo ûtathiraga na wî mwîvokeku.

Ntha 33:19

Ngai-Mûnene nîwacokirie atîrî, “Nie, nîngaatûma riiri wakwa ûvîtûkîrîre mbere yaku na nîngaagweta rîîtwa rîakwa ‘Ngai-Mûnene’ mbere yaku. Ngonanagia wendo kûrî mûndû ûrîa ngwenda kwonia wendo na ngegucagîra ntha mûndû ûrîa ngwenda kwîguîra ntha.

Jeremia 12:15

Narîkia kûmakûûra nîngameguîra ntha rîngî, na nîmacokie wa mûndû vûrûrirî wake kûrîa aagaîrwe.

Maca 3:32

wana ethîrwa nîatûmaga twîgue kîeva: ke arî ntha nîûndû wa wendo wake mwîngî ûtathiraga.

Alawi 26:42

nîngaavingia kîrîkanîro kîrîa naarûthire na Iburahimu, Isaka na Jakovu, na ndirikane vûrûri ûrîa naamwîrîre atî nîngaamûva.

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Gûco 32:36

Ngai-Mûnene nîakaarekereria andû ake, rîrîa akoona vinya wao wathira. Nîakeeguîra ntha andû onthe a Isiraeli, na gûtirî Mûisiraeli ûkeethîrwa atigarîte arî mwoyo, arî ngombo kana atarî ngombo.

2Ath 1:9

Nao nîmakaathînîka nîûndû Ngai nîakaamaverithia tene na tene. Nîmakaaigwa varaca na Mwathani na varaca na riiri wa ûnene wake.

Atir 10:16

Kwoguo nîmaatere ngai icio maarî nacio na magîtungatîra Ngai-Mûnene. Nake Ngai-Mûnene nîwegwire ntha nîûndû wa ûrîa Aisiraeli maanyarirîkîte.