2Atha 13:18 - ÎVUKU RÎA ÛVORO MWARO

¹⁸ Elisha nîwacokire akîra mûthamaki atîrî, “Oca mîguî îo îngî na ûringe nthî nayo.” Nake mûthamaki nîwocire mîguî îo îngî na akîringa nthî nayo maita mathatû, agîcoka agîtiga.

2Atha 13:18 ပူးပေါင်းရင်းမြစ်များ

2Atha 13:17

Elisha nîwerire Joashi atîrî, “Vingûra ndirica îrîa îrî mwena wa îrathîro.” Nake Joashi nîwekire wa guo. Elisha nîwacokire akîmwîra atîrî, “Ikia mûguî!” Vîndî wa îo mûthamaki aaikirie mûguî, mûrathi Elisha nîwaugîrîrie atîrî, “We, wî mûguî wa Ngai-Mûnene. Mûguî ûcio nîguo Ngai-Mûnene akaavoota andû a Sîria naguo. Nîûkaarûa na andû a Sîria kûu Afeku nginya rîrîa ûkaamavoota.”

2Atha 13:19

Elisha nîwarakarirue nî mûthamaki na nîwamwîrire atîrî, “Ûngîaringa nthî maita matano kana matandatû, na nî ûngîethîrwa ûvootete andû a Sîria viû; nwatî rîu ûkaamavoota maita mathatû tu.”

2Atha 13:25

Jehoashi, mûthamaki wa Isiraeli nîwacokire akîvoota Benihadadi maita mathatû na akîîgwatîra rîngî matûûra manene ma Isiraeli marîa moocetwe nî Benihadadi kuuma kûrî îthe Jehoahazi marî mbaararî.

2Atha 4:6

Rîrîa nyûngû cionthe ciecûrire mûndûmûka nîwaûririe kana varî na nyûngû îngî yatigarîte. Nake ûmwe wa avîcî nîwamwîrire atîrî, “Gûtirî nyûngû îngî.” Maguta nîmaacokire magîtiga kuuma.

Ntha 17:11

Vîndî îrîa yonthe Musa eethagîrwa aûkîrîrîtie njara ciake, andû a Isiraeli nîmaavootanaga. Na rîrîa agwîthia njara ciake Amaleki makambîrîria kûvootana.