2Atha 13:14 - ÎVUKU RÎA ÛVORO MWARO

¹⁴ Rîrîa mûrathi Elisha aarwarire mûrimû ûrîa watûmire akue, Joashi, mûthamaki wa Isiraeli nîwathiîre kûmûcerera. Nîwamûrîrîre akiugaga atîrî, “Vava, vava! Njamba îrîa îrarûagîrîra andû a Isiraeli!”

2Atha 13:14 ပူးပေါင်းရင်းမြစ်များ

Kîam 48:1

Josefu ekaranga, nîwerirwe atî îthe nî mûrwaru. Kwoguo nîwocire avîcî ake aîrî Manase na Efiraimu na akîthiî kwona Jakovu.

Kîam 49:33

Rîrîa Jakovu aarîkirie kwarîria avîcî ake, nîwamamire rîngî akînakua.

Kîam 50:1

Josefu nîwenamîrîre varî îthe, akîmûkumbatîria na akîmûmumunya akîrîraga.

2Atha 13:12

Maûndû marîa mengî monthe marîa Joashi eekire wa vamwe na ûrîa aarûire na Amazia, mûthamaki wa Juda arî na ûcamba nîmandîke Îvukuurî rîa Maûndû ma Tene ma Athamaki a Isiraeli.

2Atha 13:13

Joashi nîwakwire na akîthikwa mbîrîrarî cia athamaki kûu Samaria, nake Jeroboamu wa kaîrî nîwatuîkire mûthamaki vuva wake.

2Atha 13:15

Elisha nîwerire Joashi atîrî, “Oca ûta na mîguî.” Nake Joashi nîwocire ûta na mîguî.

2Atha 2:12

Elisha nîwonire gîkaari kîu na akiugîrîria atîrî, “Ûûi vava, ûûi vava! Mûndû ûrî vinya, ûrîa ûrûagîrîra Isiraeli! Nîwathiî!” Nwatî Elisha ndaacoka kwona Elija rîngî. Elisha nîwacokire akîgwata nguo ciake ke mwene na agîitembûrania icunjî igîrî.

2Atha 20:1

Kavindarî wa kau Hezekia nîwarwarire na aarî vakuvî gûkua. Mûrathi Isaia, mûvîcî wa Amozu nîwathiîre kûrî ke na akîmwîra atîrî. “Ngai-Mûnene akwîra wîgae, nîûndû tîûvora, nîûgûkua.”

2Atha 6:21

Rîrîa mûthamaki wa Isiraeli oonire andû a Sîria nîwaûririe Elisha atîrî, “Vava, nîmaûrage? Nîmaûrage?”

Thaburi 12:1

Tûtethie, Ngai-Mûnene! Gûtirî mûndû mwaro ûtigarîte, andû arîa evokeku nî athiru gûkû nthî.

Nthi 11:11

Îtûûra nîrîtuîkaga rîa vata nîûndû wa irathimo cia andû arîa athingu, nwatî mîario ya andû arîa aganu nîîtûmaga îtûûra rîcûke.

Isaia 57:1

Mûndû mûthingu nîakucaga na gûtirî mûndû ûmakaga; andû aro mangîkua, gûtirî mûndû ûmenyaga atî Ngai nîkwa amagitagîra matikanyitwe nî maûndû macûku.

Ezek 14:14

Kethîrwa arûme acio athatû, Nuhu, Danieli na Ayubu matûûraga vûrûri ûcio, mîoyo yao nwayo îngîkaavonokua nîûndû wa ûthingu wao.” Ûguo nîguo Ngai-Mûnene augîte.

Ezek 22:30

Naacaririe mûndû gatagatîrî kao ûrîa ûngîtuma rûthingo na arûngame mbere yakwa vandûrî va andû a vûrûri nîguo ndikamacûkangie, nwatî ndianona wanarî ûmwe.

Zakaria 1:5

Arathi nîmatûûraga tene na tene? Methe menyu ma tene marî kû?

Maariko 6:20

nîûndû Herode arîkia kûmenya atî Johana aarî mûndû mûthingu na mûtheru, nîwamwîtigîre, na kwoguo akîmûgitîra. Nake Herode nîwendaga kûthikîrîria Johana wana ethîrwa nîwathînîkaga mûno ngororî yake amwîgua.

Johana 11:3

Kwoguo Mariamu na Maritha nîmaatûmanire Jesû akeerwe atîrî, “Mwathani, mûrata waku nîmûrwaru.”

Ciîko 13:36

Vîndî îrîa Daudi aarî mwoyo, nîwavingirie wendi wa Ngai. Ke nîwacokire agîkua na akîthikwa, na mwîrî wake ûkîorera mbîrîrarî.

Afil 2:26

Nîwîriragîria kûmwona muonthe na nîmûmaku mûno amenya atî nîmweguîte atî aarî mûrwaru.