2Atha 12:9 - ÎVUKU RÎA ÛVORO MWARO

⁹ Mûthînjîri-Ngai Jehoiada nîwacokire agîoca kathandûkû, agîtûra îrima gîkunîkorî gîa ko na agîkaiga vakuvî na metha ya kîgongoona, mwena wa ûrîo mûndû agîtonya hekarûrî. Nao athînjîri-Ngai arîa maarangîrîte mûrango wa hekarû nîmeekîrire kathandûkûrî kau mbeca cionthe irîa ciaviragwa hekarûrî.

2Atha 12:9 ပူးပေါင်းရင်းမြစ်များ

2Atha 12:8

Kwoguo athînjîri-Ngai nîmeetîkîrire atî matigoocania mbeca rîngî na magîtîkia atî matigaatuma rîngî hekarû kûrîa kûtharûku.

2Atha 22:4

“Thiî kûrî Hilikia, mûthînjîri-Ngai mûnene ûmwîre atare mbeca irîa arangîri a hekarû maûnganîtie kuuma kûrî andû.

2Atha 23:4

Mûthamaki Josia nîwacokire akîatha mûthînjîri-Ngai mûnene, Hilikia, athînjîri-Ngai arîa maamûtethagîrîria, na arangîri a kîvingo Kîam hekarû marute hekarûrî ya Ngai-Mûnene indo cionthe irîa ciatûmagîrwa kûgooca Baali, irîa ciatûmagîrwa kûgooca Ashera, na cionthe îrîa ciatûmagîrwa kûgooca indo cionthe cia îgûrû. Nîwavîvîrie indo icio cionthe nja ya îtûûra rîa Jerusalemu mîgûndarî ya Kîamnda gîa Kidironi, na nîwakuire mûu wa cio akîûvira Betheli.

2Atha 25:18

Nebuzaradani, mûnene wa arangîri a mûthamaki nîwanyitire Seraia, mûthînjîri-Ngai mûnene na Zefania, mûthînjîri-Ngai mûtethereria wa Mûthînjîri-Ngai mûnene vamwe wa arangîri engî athatû a kîvingo marî mîgwate.

1Maû 15:18

Kwarî na gîkundi gîa kaîrî Kîam Alawi, nao nî: Zekaria, Jaazieli, Shamiramothi, Jehieli, Uni, Eliabu, Benaia, Maaseia, Matithia, Elifelehu, Mikineia na arangîri a ivingo, Obedi-edomu na Jeieli.

1Maû 15:24

Nao athînjîri-Ngai, Shebania, Joshafati, Nethanieli, Amasai, Zekaria, Benaia na Eliezeri nîmaathuurirwe matuîke a kûvuva tûrumbeta marî mbere ya îthandûkû rîa kîrîkanîro. Obedi-edomu na Jehia wanao maarî arangîri a îthandûkû rîa kîrîkanîro.

Thaburi 84:10

Gûtinda hekarûrî yaku mûthenya ûmwe, nîwaro gûkîra gûtinda kûndû kwîngî mîthenya ngiri. Nîkava kûrûngama mûromorî wa hekarû ya Ngai wakwa, gûkîra gûtûûra nyombarî cia andû arîa aganu.

Jeremia 35:4

Nînamavirire nyombarî ya Ngai-Mûnene, kûu kanyombarî ga ciana cia Hanani mûvîcî wa Igadalia, mûndû wa Ngai. Kanyomba kau kaarî vakuvî na nyomba ya atongoria îgûrû rîa nyomba ya Maaseia mûvîcî wa Shalumu, mûrangîri wa mûrango wa hekarû.”

Jeremia 52:24

Nake Nebuzaradani, mûnene wa arangîri nîwanyitire Seraia Mûthînjîri-Ngai, Mûnene wa athînjîri-Ngai, na Zefania ûrîa warî mûnini wake, na arangîri engî athatû.

Maariko 12:41

Rîrîa Jesû eekarîte nthî hekarûrî vakuvî na varîa andû maavothagîra, nîwaroririe andû makîvotha. Nacio itonga nyîngî nîciarekirie mbeca nyîngî mûno.

Luka 21:1

Jesû nîwaroririe na akîona itonga ikîrekia mûvothi wacio kathandûkûrî ka mûvothi.