2Atha 12:16 - ÎVUKU RÎA ÛVORO MWARO

¹⁶ Mbeca irîa ciarutagwa irî matega ma mavîtia na irîa ciarutagwa irî matega ma kûtheria mevia, itiaviragwa hekarûrî; nîûndû ciarî cia athînjîri-Ngai.

2Atha 12:16 ပူးပေါင်းရင်းမြစ်များ

Nehemia 13:13

Nînathuurire Shelemia mûthînjîri-Ngai; Zadoku, mûndû warî mûûgî maûndûrî ma Watho, na Pedaia Mûlawi matuîke arûngamîrîri a nyomba cia kwigwa indo. Nake Hanani mûvîcî wa Zakuri wa Matania atuîke wa kûmatethagia. Andû acio nîmecîkene atî nî evokeku na wîra wao warî wa kûgaîra andû ao indo.

Hosea 4:8

Metongetia na maketha ma andû akwa arîa evia, nîmeriragîria mûno kwona magîka mevia.

Alawi 4:24

Nî akaaigîrîra njara yake kîongorî Kîamyo na amîûragîre varîa nyamû ya matega ma kûvîvua yûragagîrwa Ngai-Mûnene akîonaga. Rîîrî nî îtega rîa kûtheria wîvia.

Alawi 4:29

Mûndû ûcio nî akaaigîrîra njara yake kîongorî Kîamyo na amîûragîre varîa matega ma kûvîvua marutagîrwa.

Alawi 7:7

Kûrî na watho ûmwe ûrîa ûnyitîte îtega rîa kûtheria wîvia na îtega rîa kûthiria wîvia. Naguo nî atî, mûthînjîri-Ngai ûrîa ûkûruta îgongoona rîu nîke ûrîcaga nyama icio.

Ndari 18:19

“Nînakûva we avîcî aku na erîtu aku matega monthe ma mwanya marîa andû a Isiraeli makaandutagîra matûûre marî menyu. Gîkî nîgîtûûra kîrî kîrîkanîro gîakwa nawe na njiarwa ciaku na gîtikaagarûrwa.”