Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2Atha 11:4 - ÎVUKU RÎA ÛVORO MWARO

4 Nwatî mwakarî wa mûgwanja, Jehoiada nîwatûmanîre anene a athigari arîa maagitagîra mûthamaki wana arangîri a mûciî wa mûthamaki, na akiuga mathiî kûrî ke hekarûrî. Nîwarûthire kîrîkanîro nao na akîmevîtithia marî kûu hekarûrî, agîcoka akîmonia Joashi, mûvîcî wa mûthamaki Ahazia.

အခန်းကိုကြည့်ပါ။ ကော်ပီ




2Atha 11:4
24 ပူးပေါင်းရင်းမြစ်များ  

Josefu nîwacokire akîra andû ake mevîte atîrî, “Rîrîa Ngai akaamûtongoria amûvire vûrûrirî ûcio, nîmûgaakuua mavîndî ma mwîrî wakwa mûthiî namo.”


Joabu nîke warî mûnene wa athigari onthe a mbaara a Isiraeli; nake Benaia mûvîcî wa Jehoiada nîke warî mûnene wa athigari arîa maarangagîra Daudi;


Benaia mûvîcî wa Jehoiada nîke warî mûnene wa athigari arîa maarangagîra Daudi, nao avîcî a Daudi nîo maarî athînjîri-Ngai.


Vandûrî va cio Solomoni nîwarûthire ngo cia gîcango na akîinenganîra kûrî anene a agitîri a kîvingo Kîam mûciî wa mûthamaki nîguo maimenyagîrîre.


Nînîvîta na Ngai-Mûnene, Ngai waku ûrîa ûtûûraga mwoyo, atî mûthamaki nîaugîte ûcarue mavûrûrirî monthe nthî ng'ima. Rîrîa mûthamaki wa vûrûri mûna auga atî ndûrî vûrûrirî wake, Ahabu nîwendaga mûthamaki ûcio evîte atî ndûrî vûrûrirî ûcio.


Mûthînjîri-Ngai Jehoiada nîwatûmire mûthamaki Joashi na andû marûthe kîrîkanîro na Ngai-Mûnene atî makethagîrwa marî andû a Ngai-Mûnene. Nîwacokire akîrûtha kîrîkanîro na mûthamaki na andû.


Nîwathiîre na anene a athigari, arangîri a mûthamaki, na arangîri a mûciî wa mûthamaki na nîmaaumagaririe mûthamaki kuuma hekarûrî makîvîtûkîrîra vandû varîa vetagwa kîvingorî Kîam Arangîri na akîthiî agîkarîra gîtî gîake Kîam ûthamaki.


Jehosheba eekarire na kamwana kau akathithîte hekarûrî îvinda rîa mîaka îtandatû. Vîndî îo Athalia nîke wathanaga vûrûrirî ûcio.


Anene a athigari nîmeekire wata ûrîa mûthînjîri-Ngai Jehoiada amaathire na nîmaamûvirîre andû ao: arîa maarutaga wîra mûthenya wa thavatû na arîa mataarutaga wîra mûthenya wa thavatû.


Kwoguo, mûthamaki Joashi nîwetire mûthînjîri-Ngai Jehoiada na athînjîri-Ngai acio engî na akîmaûria atîrî, “Mûrarega gûtuma hekarû rîngî kûrîa kûtharûku nîkî? Kuuma rîu kûthiî na mbere, tîkwa mûkaaigaga mbeca irîa mûgoocanagia. Mûkaainenganagîra nîguo itûmagîrwe gûtuma rîngî hekarû kûrîa kûtharûku.”


Mûthamaki nîwarûngamire vakuvî na gîtugî na akîrûtha kîrîkanîro na Ngai-Mûnene. Nîwamwîrîre atî akaamwathîkagîra, akaavingagia mawatho make, maathani make na kîrîra gîake na ngoro yake yonthe na mwoyo wake wonthe na kûvingia maûndû monthe megiî kîrîkanîro gîkî wata ûrîa kwandîkîtwe îvukuurî rîîrî. Nao andû onthe nîmeranîre atî nîmakûvingia kîrîkanîro.


na andû ao. Athînjîri-Ngai acio maarî atongoria a nyomba ciao maarî ngiri îmwe magana mûgwanja ma mîrongo îtandatû (1,760). Andû acio maarî na ûvoti wa mawîra monthe marîa maarutagwa hekarûrî.


Nîmaarûthire kîrîkanîro atî makaathîkagîra Ngai-Mûnene, Ngai wa methe mao na ngoro yonthe mwoyo wonthe.


“Rîu nînduîte kûrûtha kîrîkanîro na Ngai-Mûnene, Ngai wa Isiraeli, nîguo ndagatûrakarîre rîngî.


Nîmaanyitanîre na andû ao a Isiraeli, na atongoria ao mumarî ûcio, ûrîa warî ûgwatie mûndû kîrumi angîuna. Nîmeranîre atî makathîkagîra Watho wa Ngai, ûrîa Ngai aavecanire na njîra ya Musa ndungata yake. Nîmaaugire atî makaathîkagîra na mekage ûrîa maathani monthe ma Ngai-Mûnene, mwathi wetû maugîte wa vamwe na mawatho make.


Nao atongoria nîmaacokirie atîrî, “Nîtûgwîka ûguo wauga, na nîtûkûmacokeria indo ciao tûtagwîtia kîndû.” Nînaacokire ngîta athînjîri-Ngai na ngîtûma mevîte na mauge atî nîmagwîka ûguo meranîra.


Nîûndû wa maûndû monthe marîa mekîkîte, nîtwathondeka kîrîkanîro kîrûmu na twandîkanîra. Nao atongoria etû, Alawi, athînjîri-Ngai wetû nîmekîra mîvûri yao kîrîkanîrorî kîu.


Na rîrîa anene a athînjîri-Ngai na mûnene wa arangîri a hekarû meegwire ûvoro ûcio, nîmaamakire na makîrigwa nî ûrîa gwekîkîte kûrî atûmwa.


Kwoguo mûnene wa arangîri nîwathiîre marî na athigari na makîvira atûmwa Kîammarî. Nwatî mûnene ûcio na athigari acio matiatûmîra vinya nîûndû nîmeetigagîra matikarivwe na mathiga nî andû.


Kwoguo mûthenya ûcio, Joshua nîwarûthire kîrîkanîro gatagatî ka Ngai-Mûnene na andû a Isiraeli marî kûu Shekemu. Nîwacokire akîmanengera mawatho ma kûrûmagîrîra.


Jonathani nîwendire Daudi mûno na kwoguo nîwathondekire kîîranîro na Daudi, atî magaatûûra marî arata.


Nao oîrî nîmaathondekire kîîranîro kîtheru Kîam ûrata mbere ya Ngai-Mûnene. Vuva wa ûguo, Daudi nîwekarire kûu Horeshu nake Jonathani akînûka mûciî.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ