2Atha 10:6 - ÎVUKU RÎA ÛVORO MWARO

⁶ Jehu nîwacokire akîmandîkîra maarûa ya kaîrî akîmeera atîrî, “Ethîrwa nîmûnyitîte mbaru, na nî mwîvarîrîtie kûmbathîkîra, mûkaandetere atongoria a njiarwa cia mwathi wenyu gûkû Jezireeli rûyû îthaa wata rîîrî. ” Vîndî îo anake mîrongo mûgwanja (70) a mûthamaki Ahabu maatûûraga kwa atongoria a îtûûra rînene rîa Samaria arîa maamareraga.

2Atha 10:6 ပူးပေါင်းရင်းမြစ်များ

2Atha 10:5

Kwoguo mûmenyereri wa nyomba ya mûthamaki, atongoria a îtûûra rînene rîa Samaria, atongoria a mîvîrîga na andû arîa maamenyagîrîra anake a Ahabu nîmaatûmanire kûrî Jehu na makiuga atîrî, “Tue tûrî ndungata ciaku, na nîtwîvarîrîtie gwîka maûndû monthe marîa ûgûtwîra twîke. Nwatî tî tîtûthuura mûndû wanarî ûmwe atuîke mûthamaki. We îka wa ûrîa ûrona kwagîrîrîte.”

2Atha 10:7

Kwoguo rîrîa maanyitire maarûa îo, nîmaanyitire anake onthe mîrongo mûgwanja a mûthamaki Ahabu na makîmaûraga. Nîmeekîrire ciongo ciao ikavurî na makîvirîra Jehu kûu Jezireeli.

2Atha 10:9

Kîraûko gwakîa, Jehu nîwaumire na akîthiî kîvingorî gîa îtûûra. Nîwarûngamire mbere ya andû onthe arîa maarî vo na akiuga atîrî, “Mue mûtirî na mavîtia. Nie nînie naavangire ûrîa ngûregana na mwathi wakwa, na ngîmûraga. Nwatî nû waûragire aya onthe?

2Atha 9:32

Jehu nîwarorererie ndiricarî na akîûria atîrî, “Nîûrîkû ûrî mwena wakwa? Nîûrîkû?” Ngaramba ithatû cia mûthamaki nîciamûrorererie ndiricarî.

Ayubu 21:19

Uugaga atî Ngai averithagia ciana nîûndû wa waganu wa methe. Naarî! Tiga Ngai amaverithie o ene nîguo mamenye mevia mao.

Ndari 25:4

Kwoguo Ngai-Mûnene nîwerire Musa atîrî, “Ûngania atongoria onthe a andû a Isiraeli na ûmaûrage mûthenya andû onthe makîonaga, nîguo marakara makwa îgûrû rîao mathire.”

Mathaayo 12:30

“Mûndû wa wonthe ûtarî vamwe nanie nî nthû yakwa, na mûndû wa wonthe ûtandethagîrîria gûcokanîrîria, nîkwa anyagarûkanagia.

Luka 9:50

Nwatî Jesû nîwacokerie Johana na arutwa acio engî atîrî, “Mûtiagîrîrwe nî kûmûkaania, nîûndû mûndû wa wonthe ûtarî nthû yenyu nî wa thiritû yenyu.”

Gûco 5:9

Ndûgaciînamîrîre kana ûigooce. Nîûndû nie Ngai-Mûnene, Ngai waku, nî Ngai wî wîru. Ngaakinyîria ciana waganu wa methe, nginya rûciaro rwa kathatû na rwa kana rwa andû arîa mamenete.