2Atha 10:19 - ÎVUKU RÎA ÛVORO MWARO

¹⁹ Kwoguo mbîtîrani arathi onthe a Baali, andû onthe arîa mamîgoocaga, na athînjîri-Ngai a yo onthe; na mûtigatige wanarî ûmwe, nîûndû nînîrenda kûrutîra Baali îgongoona rînene mûno, na mûndû ûrîa ûtagûûka nîkwa akaûragwa.” (Jehu eekire ûguo na wara nîguo aûrage andû onthe arîa magoocaga Baali.)

2Atha 10:19 ပူးပေါင်းရင်းမြစ်များ

1Atha 18:19

Rîu athana andû onthe a Isiraeli magomane kîrîmarî gîa Karimeli tûcemanie nao kuo. Mûke na arathi magana mana ma mîrongo îtano (450) a Baali na arathi magana mana (400) a Ashera, ngai ya nga, arîa marîcanagîra na Jezebeli.”

1Atha 22:6

Ahabu, mûthamaki wa Isiraeli nîwaûnganirie arathi ta magana mana (400) vamwe na akîmaûria atîrî, “Nthiî ngatharîkîre îtûûra rîa Ramothi-gileadi, kana mbîkare?” Nao nîmaamûcokerie atîrî, “Thiî ûkarîtharîkîre, Ngai-Mûnene nîagûkûvotithia kûvootana.”

2Atha 10:18

Jehu nîwerire andû onthe a Samaria maûngane vamwe na akîmeera atîrî, “Mûthamaki Ahabu aatungatîre Baali vanini, nwatî nie nînîmîtungatîra makîria.

2Atha 3:13

Elisha nîwerire mûthamaki wa Isiraeli atîrî, “Nîngûtethia nîkî? Thiî kûrî arathi a aguo na nyûkwe.” Nwatî mûthamaki wa Isiraeli nîwacokerie Elisha atîrî, “Naarî! Nî Ngai-Mûnene ûtwîtîte vamwe tûrî athamaki athatû nîguo atûnenganîre kûrî mûthamaki wa Moabu.”

Ayubu 13:7

Mûreciria nî Ngai mûratungatîra rîrîa mûraria maveeni? Mûreciria rîrîa mûrathana ûcio nî wendi wake?

Nthi 29:5

Mûndû ûrîa ûnyûrûragia mûndû ûrîa wîngî, aigaga mûtego wa kwînyita ke mwene.

2Akor 11:3

Nînîretigîra atî mwavota kûveenererua wata ûrîa njoka yavenererie Awa na mûtiganîrie ûma na wîrutîri wenyu kûrî Kristû. Na njîra ta îo Awa nîwaveenirue nî njoka na njîra ya wara wayo.

2Akor 4:2

Nîtûreganîte na maûndû ma nthoni marîa mekagîrwa nthithorî. Nîtûreganîte na maûndû ma wara, kana kûgarûrania ciugo cia Ngai ituîke cia maveeni. Nwatî twaragia ûvoro wa ma tûrî mbere ya Ngai tûkîîrîgagîrîra atî andû onthe arîa marî na thamiri mbaro nîmagûtwîtîkîra.

1Ath 2:3

Kûmûthaitha gwetû gûtiumanîte na mavîtia, ngoro njûku kana wara.