2Atha 10:10 - ÎVUKU RÎA ÛVORO MWARO

¹⁰ Ûguo nî kwonania atî maûndû monthe marîa Ngai-Mûnene aaririe megiî njiarwa cia Ahabu nîmavingu. Ngai-Mûnene ekîte ûrîa aaugire na njîra ya ndungata yake Elija.”

2Atha 10:10 ပူးပေါင်းရင်းမြစ်များ

1Atha 21:19

Ûmwîre, nie Ngai-Mûnene namwîra atî, ‘Vuva wa kûûraga Nabothi, nîkwa ûrenda gwîyocera indo ciake wanacio?’ Ûmwîre nauga, atî ‘vandû wa varîa nthakame ya Nabothi yetîkire na îgîcûnwa nî ngui nwavo igaacûnîra nthakame yaku!’ ”

1Atha 21:29

“Nîwonete ûrîa Ahabu enyivîtie mbere yakwa? Nîûndû nîekîte ûguo, ndikaamûretere ûndû mûcûku ûtûûrorî wake; nwatî ngaarete ûndû mûcûku nyombarî yake vîndî ya ûtûûro wa mûvîcî.”

2Atha 10:17

Rîrîa maakinyire Samaria, Jehu nîwaûragire andû onthe a nyomba ya Ahabu arîa maatigarîte. Eekire ûguo wata ûrîa Ngai-Mûnene aarîtie na njîra ya Elija.

2Atha 15:12

Ûguo nîguo kîîranîro Kîamvingire kîrîa Ngai-Mûnene eerîre Jehu rîrîa aamwîrire atîrî, “Njiarwa ciaku nîigekarîra gîtî Kîam ûthamaki Kîam Isiraeli nginya rûciaro rwa kana.”

2Atha 9:36

Rîrîa arûme acio maacokire kûrî Jehu na makîmwîra ûvoro ûcio, Jehu nîwaugire atîrî, “Ûguo nîguo Ngai-Mûnene aaugîte nîgûgeekîka, rîrîa aaririe na njîra ya ndungata yake Elija Mûtishibi atî; ‘Ngui nîikaarîa mwîrî wa Jezebeli;

Esita 6:10

Nake mûthamaki nîwerire Hamani atîrî, “Thiî narua woce nguo icio na mbarathi îo na ûve Moridekai ûrîa Mûyahudi gîtîîo kîu. Mûmwîke maûndû monthe marîa mwagweta. Nîmûkûmwîthîrîria arî vau mwîrîgarî wa mûciî wa mûthamaki.”

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”

Maariko 13:31

Îgûrû na nthî nîikaathira, nwatî ciugo ciakwa itikaathira.

1Sam 15:29

Nake Ngai wa Isiraeli ûrîa ûrî riiri ndaveenanagia kana ericûkwe, nîûndû ke ndekariî ta mûndû.”

1Sam 3:19

Nake Samueli nîwakûrire arî ûrûmwe na Ngai-Mûnene; nake Ngai-Mûnene agîtûma maûndû monthe marîa Samueli aarîtie mavinge.