2Atha 1:3 - ÎVUKU RÎA ÛVORO MWARO

³ Nwatî mûraika wa Ngai-Mûnene nîwerire mûrathi Elija kuuma Tishibe athiî agacemanie nao na amaûrie atîrî, “Nîkwa gûtarî ngai gûkû Isiraeli atî nîguo mûthiî mûkaûrie ûtaaro kûrî Baalizebubu, ngai ya Ekironi?

2Atha 1:3 ပူးပေါင်းရင်းမြစ်များ

1Atha 11:33

Ngeeka ûguo nîûndû Solomoni nîandiganîrîtie na akagooca ngai cia mavûrûri marîa mengî. Nacio nî: Ashitorethu, ngai ya nga ya Asidoni; Kemoshi, ngai ya Amoabu; na Milikomu, ngai ya Aamoni. Solomoni nîatigîte gwîka ta ûrîa Daudi eekaga. Nîatigîte kûnûmîrîra, na nîatigîte kûvingia mawatho makwa, na agatiga kûrûmîrîra irîra ciamo irîa naamwathire.

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

1Atha 18:1

Vuva wa mîthenya mîîngî, mwakarî wa kathatû, Ngai-Mûnene nîwerire Elija atîrî, “Thiî wîyonithanie kûrî mûthamaki Ahabu, na nîngurithia mbura nthî.”

1Atha 18:36

Rîrîa îthaa rîa kûruta matega ma kîvwaî rîakinyire, mûrathi Elija nîwakuvîvîrie metha ya kîgongoona na akîvoya atîrî, “We Ngai-Mûnene, Ngai wa Iburahimu, Isaka, na Jakovu, onania ûmûnthî atî we nîwe Ngai wa Isiraeli na atî nie nîrî ndungata yaku na mbîkîte maûndû mama monthe na watho waku.

1Atha 19:5

Nîwamamire nthî rungu rwa mûtî na akîgwatwa nî toro. Wa rîmwe mûraika nîwamûvutirie na akîmwîra atîrî, “Ûkîra ûrîe.”

1Atha 19:7

Mûraika wa Ngai-Mûnene nîwacokire rîngî na akîmûvutia riita rîa kaîrî. Nîwamwîrire atîrî, “Ûkîra ûrîe, nîûndû rûgendo rûrîa ûkûthiî nî rûraca mûno.”

1Atha 21:17

Ngai-Mûnene nîwacokire akîra Elija, mûrathi wa kuuma Tishibe atîrî,

2Atha 1:2

Ahazia, mûthamaki wa Isiraeli arî Samaria nîwavarûkire kuuma ndiricarî ya nyomba yake ya îgûrû na akîrwara mûno. Kwoguo nîwatûmire anjaama akîmeera atîrî, “Thiîni kûrî Baali-zebubu, ngai ya îtûûra rîa Ekironi mûkamîûrie ûtaaro kana nîngûvora mûrimû ûyû.”

2Atha 1:6

Nao nîmaamûcokerie atîrî, “Kûrî mûndûmûrûme ûtûtûngire na atwîra tûcoke kûrî mûthamaki ûcio ûtûtûmîte na tûmwîre atî Ngai-Mûnene augîte atîrî, ‘Nîkwa gûtarî ngai gûkû Isiraeli atî nîguo ûtûme anjaama mathiî makaûrie ûtaaro kûrî Baalizebubu, ngai ya Ekironi? Kwoguo tîûvora mûrimû ûyû waku, nwatî nama we nîûgûkua!’ ”

2Atha 1:8

Nao nîmaamûcokerie atîrî, “Arekîrîte nguo ya guoya, na akeyova mûcivi wa rûûo kîûnûrî gîake.” Nake mûthamaki nîwaugire atîrî, “Ûcio nî Elija Mûtishibi.”

2Atha 5:15

Nîwacokire marî na ndungata ciake kûrî mûrathi Elisha na akîra Elisha atîrî, “Rîu nînamenya atî gûkû nthî kuonthe gûtirî ngai îngî tiga Ngai wa Isiraeli. Kwoguo nakûthaitha wamûkîre kîveo kuuma kûrî nie.”

2Atha 5:8

Nwatî rîrîa mûrathi Elisha eegwire atî mûthamaki wa Isiraeli nîatembûrangîte nguo ciake, nîwatûmanire kûrî ke akerwe atîrî, “Ûrakarîtue ûguo nî ndûî? Mwîre aûke kûrî nie wa rîu na nîakûmenya atî gûkû Isiraeli kûrî na mûrathi!”

Thaburi 76:1

Ngai nîecîkene Juda; rîîtwa rîake nî rînene Isiraeli.

Isaia 8:19

Andû nîmakaamwîra atîrî, “Thiîni mûkaûrie ûvoro kûrî ago na oni maûndû arîa maragia na tûmîgambo tûceke.” Nîmakaamwîra atîrî, “Nwanginya metagie ûtaaro kûrî arîa akuû vandûrî va arîa marî mwoyo?”

Jona 2:8

Arîa magoocaga mîvuanano îtarî kîene, nîmaatiganagîria wîvokeku wao kûrî we.

Maariko 3:22

Nao arimû amwe a watho, arîa maaumîte Jerusalemu maaugaga atîrî, “Arî na Belizebuli mûnene wa ndaimono! Belizebuli nîke ûmûvecaga ûvoti wa kûrutûrûra ndaimono.”

Ciîko 8:26

Mûraika wa Mwathani nîwerire Filipu atîrî, “Ûkîra na ûthiî werekerete îveti njîrarî îrîa yumîte Jerusalemu îthiîte Gaza.” (Njîra îo îvîtûkîrîrîte werûrî).

1Sam 17:46

Ûmûnthî Ngai-Mûnene nîakûmva we, ngûvoote na ngûnuke kîongo na njoke mve iconi na nyamû cia kîthaka ciimba cia athigari a Afilisiti irîe, nîguo andû a nthî mamenye atî Isiraeli kwîthagîrwa kûrî na Ngai.