2Atha 1:2 - ÎVUKU RÎA ÛVORO MWARO

² Ahazia, mûthamaki wa Isiraeli arî Samaria nîwavarûkire kuuma ndiricarî ya nyomba yake ya îgûrû na akîrwara mûno. Kwoguo nîwatûmire anjaama akîmeera atîrî, “Thiîni kûrî Baali-zebubu, ngai ya îtûûra rîa Ekironi mûkamîûrie ûtaaro kana nîngûvora mûrimû ûyû.”

2Atha 1:2 ပူးပေါင်းရင်းမြစ်များ

1Atha 11:33

Ngeeka ûguo nîûndû Solomoni nîandiganîrîtie na akagooca ngai cia mavûrûri marîa mengî. Nacio nî: Ashitorethu, ngai ya nga ya Asidoni; Kemoshi, ngai ya Amoabu; na Milikomu, ngai ya Aamoni. Solomoni nîatigîte gwîka ta ûrîa Daudi eekaga. Nîatigîte kûnûmîrîra, na nîatigîte kûvingia mawatho makwa, na agatiga kûrûmîrîra irîra ciamo irîa naamwathire.

1Atha 14:3

Ûthiî ûkuuîte mîgate îkûmi, tûgeki na kîthembe gîa ûûkî. Nake nîagûkwîra ûrîa gûgaatuîkîka kûrî kaana getû.”

1Atha 22:34

Nwatî mûndû ûmwe wa Sîria nîwagucirie ûta wake aterîgîrîrîte na akîrathîra mûthamaki wa Isiraeli gatagatî ka ngo yake ya cuuma ya kûgitîra kîthûri na varîa indo icio ciîngî cia mbaara inyitithanîrîtue. Nake mûthamaki wa Isiraeli nîwerire mûndû ûrîa warugutaga gîkaari gîake Kîam mbaara augîrîrîtie atîrî, “Nînagurarua! Garûrûka na ûndute mbaararî!”

1Atha 22:40

Rîrîa Ahabu aakwire, mûvîcî Ahazia nîwatuîkire mûthamaki vuva wake.

2Atha 1:16

na akîra mûthamaki atîrî, “Ngai-Mûnene akwîrîte atî nîûndû nîwatûmire anjaama makaûrie ûtaaro kûrî Baalizebubu, ngai ya Ekironi takwa Isiraeli gûtarî ngai îngîûrua ûtaaro, we tîûvora mûrimû ûyû waku, nwatî nîûgûkua!”

2Atha 1:3

Nwatî mûraika wa Ngai-Mûnene nîwerire mûrathi Elija kuuma Tishibe athiî agacemanie nao na amaûrie atîrî, “Nîkwa gûtarî ngai gûkû Isiraeli atî nîguo mûthiî mûkaûrie ûtaaro kûrî Baalizebubu, ngai ya Ekironi?

2Atha 1:6

Nao nîmaamûcokerie atîrî, “Kûrî mûndûmûrûme ûtûtûngire na atwîra tûcoke kûrî mûthamaki ûcio ûtûtûmîte na tûmwîre atî Ngai-Mûnene augîte atîrî, ‘Nîkwa gûtarî ngai gûkû Isiraeli atî nîguo ûtûme anjaama mathiî makaûrie ûtaaro kûrî Baalizebubu, ngai ya Ekironi? Kwoguo tîûvora mûrimû ûyû waku, nwatî nama we nîûgûkua!’ ”

2Atha 17:16

Nîmaaunire mawatho monthe ma Ngai-Mûnene Ngai wao, makîîrûthîra mîvuanano îîrî ya tûcaû twa Cuuma îrî mîrarûre. Wana nwa maarûthire mûvuanano wa ngai ya nga ya Ashera, na makagoocaga indo cionthe cia îgûrû, na magatungatîra Baali.

Ayubu 31:3

Na kinthî mûtino ndûnyitaga arîa matarî athingu, naguo mûthiro ûkanyita arîa aganu?

Rwîmbo rwa Nyîmbo 2:9

Mwendwa wakwa ekariî ta nthwariga, kana nthiia ya njamba îtarî ngûrû. Arûngamîte vakuvî na rûthingo, aroreretie ndiricarî, aroreretie mwanyarî.

Isaia 19:3

Nîngaathiria ûrûme wa andû a Misiri, na njûkangie mîvango yao. Nîmakaaûria ûtaaro kûrî mîvuanano na aringi ciama, na kûrî ago na arogi.

Isaia 2:6

Rîu we Ngai, nîûtiganîrîtie andû aku, njiarwa cia Jakovu, nîûndû aringi a mbûgû kuuma mwena wa îrathîro mecûrîte kwao, na oni maûndû ta Afilisiti, na nîmanyitanagîra na andû ageni.

Isaia 37:12

Methe makwa nîmaacûkangirie mavûrûri ma Gozani, Harani, Rezefu na andû a Edeni arîa maatûûraga Telasari; ngai cia mavûrûri mau nîciamavonokirie?

Isaia 37:19

na magaikia ngai ciao mwakirî nîûndû itiarî ngai cia ma, nwatî ciarî mîvuanano yaumîtue nî andû ya mîtî na ya mathiga; kwoguo nîciacûkangirue.

Mathaayo 10:25

Kwoguo mûrutwa agîrîrwe nî kwîganîra nîguo atuîke ta mûmûruti, na ngombo nayo îtuîke ta mûmîathi. Ethîrwa andû metaga mwene mûciî Belizebuli, andû a mûciî wake magetagwa marîîtwa macûku makîria!

Maariko 3:22

Nao arimû amwe a watho, arîa maaumîte Jerusalemu maaugaga atîrî, “Arî na Belizebuli mûnene wa ndaimono! Belizebuli nîke ûmûvecaga ûvoti wa kûrutûrûra ndaimono.”

Luka 11:15

Nwatî andû amwe gatagatîrî kao nîmaambîrîrie kuga atîrî, “Nî Belizebuli mûnene wa ngoma ûmûvecaga ûvoti wa kûrutûrûra ngoma.”

Ciîko 20:9

Mwanake ûmwe wetagwa Eutîko nîwekarîte ndiricarî. Na wa ûrîa Paûlo aathiîcaga na mbere kwaria nwaguo Eutîko athaagîrîrua nî toro. Na mûthiiarî ke nîwanyitirwe nî toro viû na akîgwa nthî kuuma ngorovarî ya kathatû. Rîrîa maamwocire, aarî mûkuû.

Josh 15:11

Nîwacokire ûkîvîtûka Timina na ûkathiî nginya îriarî rîa Mediterania. Mbere ya ûkinya îriarî rîa Mediterania nîwavîtûkîrîrîte kîrîmarî îgûrû kîrîa kîrî mwena wa rûgûrû wa Ekironi, nîwegatire ûthiîrîrîte Shikeroni, kîrîmarî Kîam Baali na ûkîthiî ûgîkinya Jamunia na ûkîthirîra îriarî rîa Mediterania.

Atir 11:24

Îigîre kîrîa Kemoshi, ngai yaku îkûveete? Natue nîtwîgwatîra kûrîa Ngai-Mûnene, Ngai wetû atûvete.

Atir 5:28

Ng'ina wa Sisera nîwarorererie ndiricarî, nîwarîrire arî vuva wa ndirica akîûria atîrî, “Nîkwa ngari yake ya mbaara yacererwa kû îtarî nginyu? Nîkwa mbarathi ciake itaracokanga nîkî?”

1Sam 5:10

Kwoguo nîmaakuire îthandûkû rîa kîrîkanîro rîa Ngai na makîrîvira îtûûrarî rîngî rîa kûu Filisiti rîetagwa Ekironi. Nwatî rîrîa rîakinyire kuo, andû a Ekironi nîmaanegenire mûno makiugaga atîrî, “Taroriani! Nîmarete îthandûkû rîa Kîrîkanîro rîa Ngai wa Isiraeli gûkû nîguo tûûragwe tuonthe vamwe na andû etû!”