2Atha 1:17 - ÎVUKU RÎA ÛVORO MWARO

¹⁷ Kwoguo Ahazia nîwakwire wata ûrîa Ngai-Mûnene aaugîte kûvîtûkîrîra kûrî Elija. Ahazia ndaarî na mwana wa kavîcî, kwoguo Joramu, mûrwang'ina nîwatuîkire mûthamaki vuva wake. Vîndî îo yarî mwaka wa kaîrî wa Jehoramu, mûvîcî wa Jehoshafati arî mûthamaki wa Juda.

2Atha 1:17 ပူးပေါင်းရင်းမြစ်များ

1Atha 17:16

Wata ûrîa Ngai-Mûnene eeranîrîte kûvîtûkîrîra kûrî Elija, mûtu ndwathira mbakûrirî kana maguta mathira mûcuvarî.

1Atha 22:38

Gîkaari gîake Kîam mbarathi nîkîathambîrue kariarî ga kûu Samaria. Ngui nîciacûnire nthakame yake namo maraa makîîthambia na manjî ma karia kau wata ûrîa Ngai-Mûnene aaugîte.

1Atha 22:42

Jehoshafati aatuîkire mûthamaki arî na ûkûrû wa mîaka mîrongo îthatû na îtano (35), na nîwathanire Juda îvinda rîa mîaka mîrongo îîrî na îtano (25) arî Jerusalemu. Ng'ina eetagwa Azuba, mwarî wa Shilihi.

1Atha 22:51

Mwakarî wa îkûmi na mûgwanja (17) Jehoshafati arî mûthamaki wa Juda nîrîo Ahazia mûvîcî wa Ahabu aatuîkire mûthamaki wa Isiraeli. Aathanire kûu Isiraeli arî Samaria îvinda rîa mîaka îîrî (2).

2Atha 1:18

Maûndû mau mengî monthe marîa mûthamaki Ahazia eekire mandîkîtwe maûndûrî ma tene ma athamaki a Isiraeli.

2Atha 10:17

Rîrîa maakinyire Samaria, Jehu nîwaûragire andû onthe a nyomba ya Ahabu arîa maatigarîte. Eekire ûguo wata ûrîa Ngai-Mûnene aarîtie na njîra ya Elija.

2Atha 3:1

Mwakarî wa îkûmi na înana Jehoshafati arî mûthamaki wa Juda, Jehoramu, mûvîcî wa Ahabu nîwatuîkire mûthamaki wa Isiraeli na akîathana arî Samaria îvinda rîa mîaka îkûmi na îîrî.

2Atha 9:36

Rîrîa arûme acio maacokire kûrî Jehu na makîmwîra ûvoro ûcio, Jehu nîwaugire atîrî, “Ûguo nîguo Ngai-Mûnene aaugîte nîgûgeekîka, rîrîa aaririe na njîra ya ndungata yake Elija Mûtishibi atî; ‘Ngui nîikaarîa mwîrî wa Jezebeli;

2Maû 17:1

Jehoshafati nîwatuîkire mûthamaki wa Juda vuva wa îthe Asa na agîtûma ûthamaki wake ûgîe na vinya wa kûrûa na Isiraeli.

Gûco 34:5

Kwoguo, Musa ndungata ya Ngai-Mûnene nîwakuîrîre kûu vûrûrirî wa Moabu wata ûrîa Ngai-Mûnene aaugîte.