2Ath 3:8 - ÎVUKU RÎA ÛVORO MWARO

⁸ Tûtietîkagîra kûrîa irio cia mûndû tûtakûrîva. Nîtwarutaga wîra na vinya mûno ûtukû na mûthenya nîguo tûtigatuîke mûrigo kûrî mûndû wanarî ûmwe gatagatîrî kenyu.

2Ath 3:8 ပူးပေါင်းရင်းမြစ်များ

2Atha 6:2

Twîtîkîrie tûthiî Jorodani tûgateme mîtî nîguo tûtume vandû va gûtûûra.” Nake Elisha nîwamacokerie atîrî, “Thiîni.”

Nehemia 5:18

Wa mûthenya nîkwathondekagwa kîndû gîa kûrîwa. Irio icio ciarî ndegwa îmwe, ng'ondu irîa mbaro mûno ithathatû, na ngûkû nyîngî. Wa mîthenya îkûmi yathira nînavecanaga ndivei ya kûrugwa wa rîo. Kavinda kau konthe ndietia irio irîa mûnene aagîrîrwe nî gwîtia nîûndû nînaicî ûrîa andû maarî na mûrigo mûnene.

Nthi 31:27

Mûndûmûka mwaro nîamenyagîrîra mûciî wake waro, ndethagîrwa arî kîgûûta.

Mathaayo 6:11

Tûve ûmûnthî irio cietû cia gûtwîgana.

Ciîko 18:3

na agîkarania akîrutithanagia wîra nao nîûndû ke aarî mûtumi wa magema wa tao.

Ciîko 20:34

Mue ene nîmwîcî atî nie nîndutîte wîra na njara ino ciakwa nîguo mone indo cionthe irîa nie na arîa tûrekaranagia nao tûravataraga.

1Akor 4:12

Tue ene nîtwînogagia tûkîruta wîra na njara cietû. Vîndî îrîa tûkûrumwa nî andû nîtûmarathimaga na vîndî îrîa tûkûnyarirwa nî andû nîtûmagîrîria.

1Akor 9:4

Anga tue tûtirî na kîvooto gîa kwîthîrwa tûkîrîa na tûkînyua nîûndû wa wîra ûrîa tûrutaga?

2Akor 11:27

Nînarutire wîra mûrito wa mînoga na maita meengî ngatura toro. Nînavûtaga na nganyonda, nînethagîrwa ndarî na irio cia kwîgana, nyomba kana nguo.

2Akor 11:9

Na rîrîa twarî namue ndiamwîtia ûtethio rîrîa nendaga mbeca. Arata akwa kuuma Makedonia nîmaandetere kîndû kîonthe kîrîa naavatarîte. Ndiatuîka mûrigo kûrî mue na ndigaatuîka mûrigo wana rî.

Aefeso 4:28

Mûndû wa wonthe wîaga nîatigane na wîi na ambîrîrie kûruta wîra nîguo ethûkûmagîre na njîra îno mbagîrîru kîrîa avatarîte ûtûûrorî na avotage gûtethia athîni.

1Ath 2:9

Ariû na aarî a îthe wetû, nîmûraririkana ûrîa twarutaga wîra na tûkîthînîka. Twarutaga wîra ûtukû na mûthenya nîguo tûtigatuîke mûrigo kûrî mûndû wana ûmwe wa cienyu vîndî îrîa twamûvunjagîria ûvoro mwaro wa Ngai.

1Ath 4:11

Îkaragani mûtarî na înegene, mûkîmenyagîrîra maûndû menyu na mûkîrutaga wîra na njara cienyu nîguo mwîyonagîre kîndû gîa kûrîa wata ûrîa twamwîrire.

2Ath 3:12

Na rîîtwa rîa Mwathani wetû Jesû Kristû, nîtûkwatha andû acio na tûmere atî mekarage na mîtugo mîaro na marutage wîra nîguo meyonagîre kîndû gîa gwîtethia mûtûûrîrerî wao.