2Ath 3:6 - ÎVUKU RÎA ÛVORO MWARO

⁶ Ariû na aarî a îthe wetû, tûramwatha na rîîtwa rîa Mwathani wetû Jesû Kristû atî mûtikathiîcanagie na ariû na aarî a îthe wetû arîa igûta na matarûmagîrîra maûndû marîa twamûthomithirie.

2Ath 3:6 ပူးပေါင်းရင်းမြစ်များ

Mathaayo 18:17

Ethîrwa mûrwanyûkwe tîamathikîrîria, îra kanitha ûvoro ûcio; na angîrega kûthikîrîria kanitha, mûtue ta mûndû ûtetîkîtie kana ta mwîtia mbeca cia gooti.

Aroma 16:17

Ariû na aarî a îthe wetû, nîramûthaitha atî: mwîmenyagîrîre kûrî andû arîa maretaga nyamûkano na kûvîngithia mûndû. Andû acio nîmareganaga na maûndû marîa mwathomithirue. Îthemageeni andû ta acio.

1Akor 11:2

Nînîmûgathagîrîria nîûndû nîmûndirikanaga vingo cionthe na nîmûrûmagîrîra waro kîrîra kîrîa namûkinyîrie.

1Akor 5:4

Vîndî îrîa mûcemanîtie vamwe na rîîtwa rîa Mwathani wetû Jesû, na ngethîrwa nîrî vamwe namue kîîroho, na njîra ya vinya wa Mwathani wetû Jesû,

1Akor 5:9

Maarûarî îrîa namwandîkîre, nie nînaamwîrire mûtikagîcage na ngwatanîro na andû arîa mavûraga ûmaraa.

2Akor 2:10

Ethîrwa mue nîmwovera mûndû, wa nanie nînovera mûndû ûcio. Nakîo kîrîa nie novanîra ethîrwa naarî na ûndû wa kwovanîra nie novanîre nîûndû wenyu nîrî mbere ya Kristû.

Aefeso 4:17

Na rîîtwa rîa Mwathani nîramûkaania mûtikathiî na mbere gwîkara ta andû a Ndûrîrî. Meciria mao nî ma mana.

Akol 3:17

Maûndû monthe marîa mûgekaga kana mûkaugaga, mekageni mûgîcokagîria Ngai Îthe wetû ngatho rîîtwa rîa Mwathani Jesû.

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

1Ath 4:11

Îkaragani mûtarî na înegene, mûkîmenyagîrîra maûndû menyu na mûkîrutaga wîra na njara cienyu nîguo mwîyonagîre kîndû gîa kûrîa wata ûrîa twamwîrire.

1Ath 5:14

Ariû na aarî a îthe wetû, tûramûthaitha mûkanagie igûta itige ûgûta, ûmagîrîriani iguoya, tethagiani arîa matarî na vinya na mûkiragîrîrie andû onthe.

2Ath 2:15

Kwoguo ariû na aarî a îthe wetû, îkaragani mwîkindîrîtie na mûnyitîte mûno maûndû marîa twamûthomithirie na njîra ya kûmûvunjîria na ya maarûa îrîa twamwandîkîre.

2Ath 3:7

Nîûndû mue nîmwîcî waro atî nîmwagîrîrwe nî gwîka maûndû marîa twekaga. Tue tûtiarî igûta vîndî îrîa twekaraga namue.

1Tim 5:21

Nîrî mbere ya Ngai na ya Jesû Kristû na mbere ya araika atheru, nîrakwatha ûvingagie maûndû mau nakwîra ûtagûcagûrania kana kîmenyano.

1Tim 6:5

na ngarari vîndî cionthe kuuma kûrî andû arîa matarî na meciria maro na matiganagîria ûma. Andû ta aya meciragia gûtuîka mûkristiano nî njîra îmwe ya gûtonga.

2Tim 3:5

Ciîko ciao nîta cia andû mecî Ngai, nwatî nîmaatigire kûmwîtîkia. Îîthemage andû ta acio.

2Tim 4:1

Nîrakûthaitha nîrî mbere ya Ngai na ya Jesû Kristû ûrîa ûgaatuîra andû arîa marî mwoyo na arîa akuû, na nîûndû nî araûka kwathana arî mûthamaki atî:

2Joh 1:10

Ethîrwa mûndû nwa aûke kûrî mue atakûthomithia kîrîra gîa Kristû, mûtikamûgwate ûgeni kwenyu mûciî wana mûtikamûkethie.