2Ath 3:15 - ÎVUKU RÎA ÛVORO MWARO

¹⁵ Mûtikamûtue ta nthû yenyu, nwatî mûkanagieni ta arî mûriû kana mwarî wa îthe wetû.

2Ath 3:15 ပူးပေါင်းရင်းမြစ်များ

Thaburi 141:5

Mûndû mûthingu nwa amverithie kana akangania arî na wendo mwîngî, nwatî ndingîtîkîra gûkumua nî andû arîa aganu, nîûndû vîndî cionthe mvoyaga matigane na ciîko ciao cia waganu.

Nthi 25:12

Mûndû mûûgî akaanîtie mûndû ûkûthikîrîria, ekariî ta gîcûvî Kîam thaavu kana mathaga ma thaavu ntheri.

Nthi 9:9

Thomithia mûndû mûûgî, na nîakaaûvîga makîria. Thomithia mûndû mûthingu na nîakoongerera ûmenyo.

Mathaayo 18:15

“Ethîrwa Mûrwanyûkwe nwa akûvîtîrie, thiî ûmwîre mavîtia make mûrî aîrî tu. Ke angîkûthikîrîria, nîmwacokanîrîra.

1Akor 4:14

Ndirandîka maûndû mama nîguo nîmûconorithie. Nwatî nîramandîka nîguo nîmûtaare takwa mûrî ciana ciakwa irîa mendete.

1Akor 5:5

nîmwagîrîrwe nî kûnenganagîra mûndû ta ûcio kûrî Caitani nîguo mwîrî wake ûcûkangue, naguo roho wake nîûkaavonokua mûthenya ûcio wa Mwathani.

2Akor 10:8

Nîûndû nie wana ngegatha vanini makîria ûvororî wîgiî vinya ûrîa tûvetwe nî Mwathani ndingîconoka. Nîûndû vinya ûcio nî wa gwaka wîtîkio wenyu na tî wa kûûthûkia.

2Akor 13:10

Nîramwandîkîra ûguo nîrî kûraca namue, nîguo vîndî îrîa ngaaûka ndikamûvinyîrîrie ngîvûthîra vinya ûrîa mvetwe nî Mwathani. Mvetwe vinya ûcio nîguo mvote kûmûtethia nwatî tî kûmûcûkia.

Agal 6:1

Ariû na aarî a îthe wetû, mûndû ûmwe wa gîkundi kîenyu angîka ûndû mûcûku, mue arîa matongoragua nî Roho nîmwagîrîrwe nîkûmûrûnga na njîra ya thayû. Îîmenyagîrîreni mue ene nîguo mûtikagwe mageriorî.

1Ath 5:14

Ariû na aarî a îthe wetû, tûramûthaitha mûkanagie igûta itige ûgûta, ûmagîrîriani iguoya, tethagiani arîa matarî na vinya na mûkiragîrîrie andû onthe.

2Ath 3:13

Nwatî mue Ariû na aarî a îthe wetû, mûtîkanoge nî gwîka waro.

2Ath 3:6

Ariû na aarî a îthe wetû, tûramwatha na rîîtwa rîa Mwathani wetû Jesû Kristû atî mûtikathiîcanagie na ariû na aarî a îthe wetû arîa igûta na matarûmagîrîra maûndû marîa twamûthomithirie.

Tito 3:10

Mûndû ûrîa ûretaga nyamûkano, mûkanagie riita rîa mbere na rîa kaîrî na ûkînatigana nake.