2Ath 3:14 - ÎVUKU RÎA ÛVORO MWARO

¹⁴ Ethîrwa kûrî mûndû ûkaarega kwathîkîra ûrîa tûmwîrîte maarûarî îno, menyani mûndû ûcio na mûtikathiîcanie nake nîguo aconoke.

2Ath 3:14 ပူးပေါင်းရင်းမြစ်များ

Ezira 9:6

Na ngîvoya ngiugaga atîrî, “Ngai wakwa, nîregua ngîconoka mûno ngîûkîrîria ûthiû wakwa mbere yaku. Mevia metû maûmbanîrîrîte na îgûrû makavîtûka ciongo cietû, nîmathiîte magakinya îgûrû.

Thaburi 83:16

We Ngai-Mûnene, tûma magîe na gîconoko, nîguo mavote gûgûcaria.

Nthi 5:13

Ndiathikagîrîria arîa maanthomithagia, kana nthikîrîria kîrîra Kîam arîa maandaaraga.

Jeremia 3:3

Kwoguo mbura nene nîmvingîrîrie, wana îrîa nini nîndigu kuura; kûnarî ûguo we wîigaga ta îraa; na ndwîgucaga nthoni.

Jeremia 6:15

O nîmaaconokire rîrîa mekire maûndû marîa marî magigi? Narî matiaconoka wanarî vanini, na mationa ûndû ûngîtûma megua nthoni. Kwoguo makaagwa ta ûrîa arîa engî magûcaga, vîndî îrîa ngamaverithia, ûcio ûkethîrwa ûrî mûthiia wao. Ûguo nîguo nie Ngai-Mûnene nauga.”

Zefania 3:2

Ndathikagîrîria mûgambo wa wonthe, ndetîkagîra kûrûngwa. Ke ndetîkagia Ngai-Mûnene, na ndakuvîvagîria Ngai wake.

Ndari 12:14

Nwatî Ngai-Mûnene nîwacokerie Musa atîrî, “Kethîrwa îthe nîwamûtuîrîre mata ûthiû, Miriamu angîagîîre gîconoko îvinda rîa mîthenya mûgwanja. Kwoguo nîengatwe kuuma kûrîa mûtûûraga îvinda rîa kiumia kîmwe, na vuva wa ûguo acokue.”

Mathaayo 18:17

Ethîrwa mûrwanyûkwe tîamathikîrîria, îra kanitha ûvoro ûcio; na angîrega kûthikîrîria kanitha, mûtue ta mûndû ûtetîkîtie kana ta mwîtia mbeca cia gooti.

Aroma 16:17

Ariû na aarî a îthe wetû, nîramûthaitha atî: mwîmenyagîrîre kûrî andû arîa maretaga nyamûkano na kûvîngithia mûndû. Andû acio nîmareganaga na maûndû marîa mwathomithirue. Îthemageeni andû ta acio.

1Akor 4:14

Ndirandîka maûndû mama nîguo nîmûconorithie. Nwatî nîramandîka nîguo nîmûtaare takwa mûrî ciana ciakwa irîa mendete.

1Akor 5:11

Ûndû ûrîa naugaga nî atî mûtiagîrîrwe nî kûgîa ngwatanîro na mûndû wa wonthe ûrîa wîîtaga mûriû kana mwarî wa îthe wetû na ethîrwe nî mûvûûri ûmaraa, kana nî mûkoroku, kana nî mûvoi mîvuanano kana nî mûrumani, kana nî mûrîu wa njovi, wana kana nî mûcunani. Mue wana nginya mûtikaarîcanagîre na mûndû ta ûcio.

1Akor 5:9

Maarûarî îrîa namwandîkîre, nie nînaamwîrire mûtikagîcage na ngwatanîro na andû arîa mavûraga ûmaraa.

2Akor 10:6

Na nîtûkaaverithia ûndû wa wonthe ûtathîkaga mue mwarîkia kwonania wathîki wenyu viû.

2Akor 2:9

Nie namwandîkîre maarûa îo ngîmûgeria nîguo menye kana nîmwîthagîrwa mwîvarîrîtie kûmbathîkîra maûndûrî monthe.

2Akor 7:15

Nîûndû wa ûguo wendo wake kûrî mue nîûthiîte ûkîgîcaga vinya makîria aririkana ûrîa mue muonthe mwevarîrîtie kwathîkîra kîrîra gîake. Wana nîmwamûnyitire ûgeni mûrî na gîtîîo kînene.

Gûco 16:12

Athîkagîrani maathani mama na kinyi na mûririkanage atî vîndî îmwe mwatûûraga Misiri mûrî ngombo.

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

Akol 4:16

Mwarîkia kûthomerwa maarûa îno, mînenganîreni kûrî kanitha îrîa îrî Laodikia, nîguo wanao mathomerwe yo. Namue mûgaacoka mûthome maarûa îrîa ariû na aarî a îthe wetû a Laodikia makaamûtûmîra.

1Ath 4:8

Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.

2Ath 3:6

Ariû na aarî a îthe wetû, tûramwatha na rîîtwa rîa Mwathani wetû Jesû Kristû atî mûtikathiîcanagie na ariû na aarî a îthe wetû arîa igûta na matarûmagîrîra maûndû marîa twamûthomithirie.

Tito 2:8

Aragia ûvoro wa ma ûrîa ûtangîrutwa mavîtia nîguo arîa mareganaga nawe maconokage nîûndû matirî na ûndû mangîtûthitanga naguo.

Tito 3:10

Mûndû ûrîa ûretaga nyamûkano, mûkanagie riita rîa mbere na rîa kaîrî na ûkînatigana nake.

File 1:21

Nîrandîka maarûa îno nîrî na mwîvoko atî we nîûgwîka ûguo nakûria wîke. Nîrî na ma we nîûgwîka wana makîria ya ûguo.

Ahib 13:17

Athîkagîrani atongoria enyu na mûrûmagîrîre maûndû marîa mamwathaga mwîke. Nîo mamenyagîrîra mîoyo yenyu na nwanginya makeera Ngai ûrîa maarutaga wîra wao. Ethîrwa mûkaamathîkagîra makaarutaga wîra wao marî na gîkeno. Ethîrwa mûtikaamathîkîra, makaûrutaga matarî na gîkeno na kwoguo mûtingîtetheka.

2Joh 1:10

Ethîrwa mûndû nwa aûke kûrî mue atakûthomithia kîrîra gîa Kristû, mûtikamûgwate ûgeni kwenyu mûciî wana mûtikamûkethie.