2Ath 3:1 - ÎVUKU RÎA ÛVORO MWARO

¹ Ngîrîkîrîria ariû na aarî a îthe wetû, tûvoyagîreni nîguo ndûmîrîri ya Mwathani îtambe na îvenya na andû mamîamûkîre na gîtîîo wata ûrîa gwekîkire gatagatîrî kenyu.

2Ath 3:1 ပူးပေါင်းရင်းမြစ်များ

Thaburi 138:2

Nyînamagîrîria ûthiû mberekerete hekarû yaku ntheru, na ngagûcokeria ngatho, nîûndû wa wîvokeku waku na wendo waku ûtathiraga; nîûndû nîûnenevetie rîîtwa rîaku na kiugo gîaku gûkîra maûndû monthe.

Mathaayo 9:38

Kwoguo voyani nîguo mwene maketha atûme aruti wîra nîguo makaûnganie maketha make.”

Luka 10:2

Nake Mwathani nîwamerire atîrî, “Maketha nî meengî, nwatî aruti wîra nî anini. Thaithani mwene maketha atûme aruti wîra mûgûndarî wake.

Ciîko 12:24

Nayo ndûmîrîri ya Ngai nîyathiîre na mbere na gûtamba na îgîkinyîra andû eengî.

Ciîko 19:20

Na nîûndû wa maûndû mau ma vinya meekîkîte, andû eengî nîmegwire kiugo Kîam Mwathani na magîtîkia.

Ciîko 6:7

Kwoguo ndûmîrîri ya Ngai nîyathiîre na mbere gûtamba. Nao arutwa nîmoongererekire mûno kûu Jerusalemu, na athînjîri-Ngai eengî magîtuîka etîkia.

Aroma 15:30

Ariû na aarî a îthe wetû, nîûndû wa Mwathani wetû Jesû Kristû na nîûndû wa wendo ûrîa tûvetwe nî Roho Mûtheru, nîramûthaitha mûnyitanîre nanie kûvoya Ngai na kîîo nîûndû wakwa.

1Akor 16:9

Nîûndû gûkû kûrî na kanya ga kûruta wîra mûnene na mwaro wana ethîrwa kûrî na andû eengî mararegana nanie.

2Akor 1:11

Wanamue nîmwagîrîrwe nî gûtûtethia na mavoya nîguo andû engî magaacokia ngatho kûrî Ngai vandûrî vetû nîûndû wa irathimo irîa tûgwatîte kuuma kûrî Ngai nîûndû wa mavoya mao meengî.

2Akor 13:11

Mûthiiarî ariû na aarî a Vava, tigwani na waro. Thondekani mîkarîre yenyu, athîkagîrani ûrîa mbugîte. Îgucanagani mûndû na ûrîa wîngî, îkaragani na thayû. Nake Ngai ûrîa ûvecanaga wendani na thayû akethagîrwa namue.

Akol 4:3

Na rîrîa rîonthe mûkûvoya, tûvoyagîreni wa natue, nîguo Ngai atûvecage kanya karo ga kûvunjia ndûmîrîri îgiî nthitho ya Kristû. Kîu nîkîo gîtûmîte njovwe njeera.

1Ath 1:5

Nîûndû rîrîa twamûretere Ûvoro Mwaro tûtiamûretera na ciugo ntheri, nwatî twamûretere ûrî na vinya na ûrî na Roho Mûtheru na tûkîmenyaga waro atî nî wa ma. Mue nîmwîcî ûrîa twatûûraga rîrîa twarî namue. Twatûûraga ûguo nîûndû wenyu.

1Ath 1:8

Ndûmîrîri ya Mwathani îrîa yumîte kûrî mue ndîtambîte Makedonia na Akaia kuonga, nwatî ûvoro wîgiî ûrîa mwîtîkîtie Ngai nîûtambîte kûndû kuonthe. Kwoguo gûtirî vata wa kuga wa naarî ûndû.

1Ath 2:1

Ariû na Aarî a îthe wetû, mue nîmwîcî atî gûka gwetû kûrî mue gûtiarî kwa mana.

1Ath 2:13

Na kûrî ûndû wîngî ûtûmaga tûcokie ngatho kûrî Ngai tûtagûtigithîrîria. Vîndî îrîa twamûretere ndûmîrîri ya Ngai, nîmwamîgwire na mûkîmîtîkîra. Mûtiamîtîkîra ta ndûmîrîri ya andû nwatî mwamîtîkîre ta ndûmîrîri ya Ngai na nî ma nî ya Ngai na nîyo îraruta wîra ndaarî yenyu mue arîa mwîtîkîtie.

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

1Ath 5:17

Voyagani mûtagûtigithîrîria

1Ath 5:25

Ariû na aarî a îthe wetû, tûvoyagîreni.

2Tim 2:9

Nîûndû wa kûvunjia ûvoro mwaro, nînyariragwa na ngekîrwa mvîngû ta mûgeri ngero. Nwatî ûvoro wa Ngai tî mwove na mvîngû.