2Ath 2:14 - ÎVUKU RÎA ÛVORO MWARO

¹⁴ Ngai aamwîtire na njîra ya ûvoro mwaro ûrîa twamûvunjîrie nîguo mûtuîke a kûgaa riiri wa Mwathani wetû Jesû Kristû.

2Ath 2:14 ပူးပေါင်းရင်းမြစ်များ

Thaburi 16:11

We nîûmonagîrîria njîra îrîa îthiîte mwoyorî, nîrî varî we mbîthagîrwa mbîcûrîtwe nî gîkeno gîkinyanîru, njararî yaku îrî na vinya varî gîkeno gîa tene na tene.

Mathaayo 25:21

Nake mwathi wake nîwamwîrire atîrî, ‘Nîwîkîte waro we wî ndungata mbaro. Nîwîvokekete na tûindo tûnini, na kwoguo nîngûgûtua mûmenyereri wa indo nyîngî. Tonya tûkenanîre vamwe!’

Johana 17:22

Nie nîmavete riiri wata ûrîa we wamvere nîguo matuîke kîndû kîmwe wata ûrîa we nanie tûrî kîndû kîmwe.

Johana 17:24

“Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.

Aroma 16:25

Nîtûkumieni Ngai! Ke arî na ûvoti wa gûtûma mwîkare mûkindîrîtie wîtîkiorî wenyu kûringana na Ûvoro mwaro wîgiî Jesû Kristû ûrîa mvunjagia, na kûringana na kûguûrîrua nthitho ya ûvoro wama ûrîa wethîrîtwe ûrî mûthithe gwa kavinda karaca mûno.

Aroma 2:16

Kwoguo, kûringana na ûvoro mwaro ûrîa mvunjagia ûguo nîguo gûkethîrwa gwîkariî mûthenya ûrîa Ngai na njîra ya Jesû Kristû agaatua ciira wa maûndû ma nthitho marîa marî ngororî cia andû.

Aroma 8:17

Ethîrwa tûrî ciana cia Ngai, tûrî agai a irathimo irîa aigîrîte andû ake. Wana nîtûkagaa vamwe na Kristû kîrîa Ngai amwigîrîte. Nwatî nwanginya tûthînue ta Kristû nîguo tûkaagîa na riiri ta ke.

Aefeso 1:18

Mvoyaga Ngai avingûre metho ma ngoro cienyu, nîguo mûmenye nî kîîrîgîrîro kîrîkû atwîtîrîte na mûmenye ûtonga na riiri wa îgai rîrîa erîrîte andû ake.

1Ath 1:5

Nîûndû rîrîa twamûretere Ûvoro Mwaro tûtiamûretera na ciugo ntheri, nwatî twamûretere ûrî na vinya na ûrî na Roho Mûtheru na tûkîmenyaga waro atî nî wa ma. Mue nîmwîcî ûrîa twatûûraga rîrîa twarî namue. Twatûûraga ûguo nîûndû wenyu.

1Ath 2:12

Tue, nîtwamûûmagîrîria, nîtwamûthaithaga na nîtwekaraga tûkîmûringagîrîria mûtûûrage na mûtûûrîre ûrîa ûkenagia Ngai ûrîa ûmwîtaga ûthamakirî wake ûrîa ûrî na riiri.

2Tim 2:12

Ethîrwa nîtûkûthiî na mbere kûmîrîria, nîtûkaathana nake. Ethîrwa nwa tûmûkaane, wanake nîagaatûkaana.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

2Pet 1:3

Vinya wa Ngai nîûtûvete indo cionthe irîa tûvatarîte nîguo tûtûûre tûrî na ûngai ûrîa wa ma. Tûrî na indo icio nîûndû nîtûmenyete Jesû ûrîa watwîtire nîguo tûkaagaa riiri na wega wake.

Kûguû 21:23

Îtûûra rîu înene rîtiarî na vata wa riûa kana mweri wa kûrîmûrîkîra, nîûndû riiri wa Ngai na wa Gatûrûme nîguo warîmûrîkagîra na taa warî Gatûrûme.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.