2Ath 1:4 - ÎVUKU RÎA ÛVORO MWARO

⁴ Kwoguo nîtwîtîîaga nîûndû wenyu tûrî makanitharî mengî ma Ngai. Twîtîîaga îgûrû rîgiî ûrîa mûmagîrîria na mûgetîkia wana ethîrwa nîmûranyarirwa na mûkathînua.

2Ath 1:4 ပူးပေါင်းရင်းမြစ်များ

Aroma 12:12

Îkaragani mûkenete nîûndû mûrî na kîîrîgîrîro. Kiragîrîriani vîndî ya mathîna na mûvoyage vîndî cionthe.

Aroma 2:7

Andû amwe nîmakîragîrîria gwîka waro, gûcaria riiri, gîtîîo na gûtûûra mwoyo. Nao nîmakaavewa mwoyo wa tene na tene.

Aroma 8:25

Nwatî ethîrwa nîtwîrîgagîrîra kîrîa tûtakwona, nîtûgîetagîrîra tûkirîrîrîtie.

1Akor 7:17

Mûndû wa wonthe gatagatîrî kenyu agîrîrwe nî gwîkara kûringana na wîra ûrîa Mwathani aamûveere na wa ûrîa Ngai aamwîtire ekariî. Ûguo nîguo mbathanîte makanitharî monthe.

2Akor 12:10

Nie nîmbîganîtwe nî gûtura vinya, kwonerwa, mathîna, kûnyarirwa na kûnyamarua nîûndû wa Kristû. Nîûndû rîrîa ngwîgua ndarî na vinya, nîrîo mbîthagîrwa nîrî na vinya makîria.

2Akor 7:14

Nîûndû rîrîa nonanirie mwîtîîo kûrî ke nîûndû wenyu, mue mûtianjonorithia. Kwoguo mwîtîîo wetû kûrî Tito nîwonanîtie atî nî wa ma wata ûrîa tûtwîre tûmwîraga ûma.

2Akor 7:4

Nie nînîmwîvokete mûno; nînîtîîaga mûno nîûndû wenyu. Nîrî na ûmîrîru mathînarî metû monthe na nîmbîcûrîtwe nî gîkeno kîngî.

2Akor 9:2

Nie nîmbicî atî mue nîmûrenda gûtethia, nanie nînetîire kûrî andû a Makedonia nîûndû wenyu na ngîmeera atîrî, “Ariû na aarî a îthe wetû a Akaia methîrîtwe mevarîrîtie gûtethia kuuma mwaka mûthiru.” Wendi wenyu wa kûvecana nîûtûmîte amwe ao mende kûvecana.

2Akor 9:4

Nwatî ethîrwa nwa tûke na andû amwe kuuma Makedonia na mone atî mue mûtirî evarîriu, tue nîtûgaaconoka wana tûtagûtara gîconoko kîenyu nîûndû nîtwîthîrîtwe tûmwîvokete mûno.

1Ath 1:3

Tûrî mbere ya Ngai Îthe wetû, nîtûririkanaga tûtagûtigithîrîria maûndû marîa mwîkîte nîûndû wa gwîtîkia na wîra ûrîa mûrutîte nîûndû wa wendani wenyu. Natue nîtûririkanaga ûrîa mûtaanatigithîria kwîrîgîrîra Mwathani wetû Jesû Kristû.

1Ath 2:14

Ariû na aarî a îthe wetû, mathîna marîa mwonire nwa ta marîa moonirwe nî etîkia a Jesû Kristû a makanitha ma Ngai ma Judea. Mwanyaririrwe nî andû enyu wata ûrîa maanyaririrwe nî Ayahudi,

1Ath 2:19

Mue nî mue mwîrîgîrîro wetû, gîkeno gîetû na nthûmbî îrîa tûgetîîa nayo rîrîa Mwathani wetû Jesû Kristû agaaûka.

2Ath 3:5

Mwathani aromûtongoria nîguo mûmenye mûno wendani wa Ngai na ûkirîrîria ûrîa ûvecanagwa nî Kristû.

Ahib 10:36

Mue nîmwagîrîrwe nî gûkirîrîria nîguo mûvotage gwîka wendi wa Ngai, na nîmûkaavewa kîrîa eeranîre.

Ahib 6:12

Tûtingîenda mûtuîke igûta. Nwatî tûngîenda mwîgerekanie na andû arîa magaaga ciîranîro cia Ngai na njîra ya wîtîkio na gûkirîrîria.

Ahib 6:15

Iburahimu nîwekarire etererete, kwoguo nîwamûkîre kîrîa Ngai aamwîrîrîte.

Jakuvu 5:11

Tue tûmetaga arathime nîûndû nîmaaûmîrîrie. Nîmwîguîte ûvoro wîgiî ûkirîrîria wa Ayubu, na nîmwîcî ûrîa Mwathani aamûtanavîre mûthiiarî. Nîûndû Mwathani nîecûrîtwe nî ûtugi na ntha.

2Pet 1:6

ûmenyorî wenyu mwongagîrîre kwînyitia merirîria ma mwîrî, kwînyitia merirîria ma mwîrî mwongagîrîre ûmîrîru, ûmîrîrurî wenyu mwongagîrîre ûngai,

Kûguû 14:12

Ava varenda ûmîrîru wa andû a Ngai arîa mavingagia maathani make na mevokete Jesû.