2Ath 1:3 - ÎVUKU RÎA ÛVORO MWARO

³ Ariû na aarî a îthe wetû, nwanginya tûcokagie ngatho kûrî Ngai vîndî cionthe nîûndû wenyu. Tue nîtwagîrîrwe nî gwîka ûguo nîûndû wîtîkio wenyu nîûrakûra mûno, na wendani gatagatîrî kenyu nî ûrongerereka.

2Ath 1:3 ပူးပေါင်းရင်းမြစ်များ

Ayubu 17:9

Nwatî mûndû ûrîa wîtîkîtie Ngai ndavîngagwa, na mûndû ûrîa wîkaga maûndû maro, ongagîrîrwa wa mûthenya.

Thaburi 84:7

Nîmathiîcaga na mbere kûgîa vinya, nîmakoona Ngai ûrîa mûnene gûkîra ngai irîa kûu Zayuni.

Thaburi 92:13

Mekariî ta mîtî îvandîtwe nyombarî ya Ngai-Mûnene, îrîa îkûragîra hekarûrî ya Ngai wetû.

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Luka 15:32

Nwatî nîkûragîrîrîte tûkûngûîre na tûkene nîûndû mûrwanyûkwe ûyû ararî mûkuû nwatî rîu nîmûriûku, na ararî mûru na rîu nî mwoneku.’ ”

Luka 17:5

Nao atûmwa nîmeerire Mwathani atîrî, “Twongerere wîtîkio!”

Johana 15:2

Ke nîatemaga rûvûa wa ruonthe rwakwa rûrîa rûtaciaraga maciaro, na rûvûa wa ruonthe rûciaraga maciaro nîarûcaaga nîguo rûciare maciaro meengî.

Aroma 1:8

Ûndû wa mbere nie nîngûcokia Ngatho kûrî Ngai na njîra ya Jesû Kristû nîûndû wenyu muonthe. Nîûndû ûvoro wîgiî wîtîkio wenyu nîwîgucagwa nî andû onthe a nthî.

1Akor 1:4

Vîndî cionthe nînjokagia ngatho kûrî Ngai wakwa nîûndû wenyu, nîûndû wa wega wa Ngai ûrîa ke amûvete na njîra ya Jesû Kristû.

2Akor 10:15

Kwoguo tûtikwîgatha nîûndû wa wîra ûrîa andû engî marutîte makîria ya ûrîa Ngai atûvete. Vandû va ûguo, tûkwîvoka atî wîtîkio wenyu nîûkwongerereka na nîtûkaavota kûruta wîra mûnene makîria gatagatîrî kenyu ûrîa Ngai atûvete.

Aefeso 5:20

Na rîîtwa rîa Mwathani wetû Jesû Kristû, cokagiani ngatho kûrî Ngai Vava maûndûrî monthe.

Afil 1:7

Nîmbagîrîrwe nî kwîgua ûguo mbîgucaga nîûndû wenyu, nîûndû mwîthagîrwa mûrî ngororî yakwa vingo cionthe. Muonthe nîmûrutithanîtie wîra mwaro nanie ûrîa Ngai amvete. Mwekire ûguo vîndî îrîa naarî mwove njeera, wana rîrîa naarî na wîathi wa kûgitîra ûvoro mwaro na ngîtûma mwîtîkie mûtarî na nganja.

Afil 1:9

Îvoya rîakwa kûrî mue nî atî wendo wenyu ûthiî na mbere kwongerereka, vamwe na ûmenyo wa ma na gûkûûrana maûndû waro,

1Ath 3:12

Mwathani arotûma wendani gatagatîrî kenyu wongerereke, na mwendage andû onthe ta ûrîa tûmwendete.

1Ath 3:6

Nwatî rîu Timotheo nîacokete aumîte kûrî mue na nîaratûveere ndeto mbaro ciîgiî wîtîkio na wendo wenyu. Nîatwîrîte atî vingo cionthe nîmûtûririkanaga na njîra mbaro na atî nîmwendaga mûno gûtwona wata ûrîa wa natue twendaga mûno kûmwona.

1Ath 3:9

Rîu nîtûgûcokeria Ngai wetû ngatho nîûndû wenyu. Tûramûcokeria ngatho nîûndû wa gîkeno kîrîa tûrî nakîo tûrî mbere yake nîûndû wenyu.

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

2Ath 2:1

Ariû na aarî a îthe wetû, ûvororî wîgiî gûka kwa Mwathani wetû Jesû Kristû na ûrîa tûgaacemania vamwe nîguo tûmûtûnge, nie nîngûmûria atî;

2Ath 2:13

Ariû na aarîa îthe wetû, nwanginya tûcokagie ngatho kûrî Ngai vîndî cionthe nîûndû wenyu mue arîa mwendetwe nî Mwathani. Nîûndû Ngai nîwamûthuurire mûrî a mbere nîguo amûvonokie na njîra ya kûtherua nî Roho mûtheru na gwîtîkia ûvoro wa ma.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

2Pet 1:13

Nîreciria nî ûndû mwaro mbîkare ngîmûririkanagia maûndû mama îvinda rîonthe rîrîa ngûtûûra mwoyo.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.