2Akor 9:5 - ÎVUKU RÎA ÛVORO MWARO

⁵ Kwoguo nînoonire kwagîrîte mbûrie ariû a îthe wetû aya maûke kûrî mue mbere ya mbûka nîguo mavarîrîrie kîveo kîrîa mweranîre kûvecana. Nakîo gîkeethîrwa kîvecanîtwe na kwîyendera na tî kûringîrîrua.

2Akor 9:5 ပူးပေါင်းရင်းမြစ်များ

Kîam 33:11

Nakûthaitha wamûkîre kîveo gîkî nakûretere. Ngai nîandathimîte na nîrî na indo cia kwîgana.” Jakovu nîwamûringîrîrie nginya agîciamûkîra.

2Atha 5:15

Nîwacokire marî na ndungata ciake kûrî mûrathi Elisha na akîra Elisha atîrî, “Rîu nînamenya atî gûkû nthî kuonthe gûtirî ngai îngî tiga Ngai wa Isiraeli. Kwoguo nakûthaitha wamûkîre kîveo kuuma kûrî nie.”

1Akor 16:2

Wa mûthenya wa Jumaviri, wa mûndû nwa nginya aigage mbeca kûringana na ûrîa athûkûmîte. Wa mûndû nîwagîrîrwe nî kwiga mûthithû nîguo gûtikethîrwe kûrî na vata wa kûngania mbeca rîrîa ngaaûka.

2Akor 8:6

Kwoguo nîtwaûririe Tito athiî na mbere kûmûtethia mûrîkie ûtungati ûcio wa mwanya nîûndû nîke wawambîrîrîtie.

2Akor 9:3

Nwatî nîndûmîte ariû a îthe wetû aya nîguo wîtîîi wetû nîûndû wenyu maûndûrî mama ndûkagarûrûke ûtuîka wa mana. Nwatî wata ûrîa nie naaugire, mue mûkethîrwa mûrî evarîriu na ûtethio wenyu.

2Akor 9:6

Ririkanani atî mûndû ûrîa ûvandaga tûnini agaaketha tûnini. Nake ûrîa ûvandaga nyîngî agaaketha nyîngî.

Afil 4:17

Nie ndirenda iveo kuuma kûrî mue, nwatî nîrenda mûgîe na maciaro marîa maumanaga na ûvecani.

Atir 1:15

Nake Akisa nîwacokirie atîrî, “Mva ithima cia manjî, nîûndû mûgûnda ûrîa ûmvete ûrî vûrûrirî mûmagaru mûno.” Kwoguo Kalebu nîwavere Akisa mûgûnda wî na ithima cia manjî mwena wa rûgûrû wana wa îveti.

1Sam 25:27

Mwathi wakwa, amûkîra kîveo gîkî nakûretere na ûkînengere anake aku.

1Sam 30:26

Rîrîa Daudi aacokire Zikilagi, nîwavecanire indo imwe cia irîa ciatavîtwe kûrî arata ake arîa maarî atongoria a Juda, na akîmeera atîrî, “Gîkî nîkîo kîveo kîenyu kîrîa kiumîte kûrî indo irîa itavîtwe kuuma kûrî nthû cia Ngai-Mûnene.”