2Akor 7:7 - ÎVUKU RÎA ÛVORO MWARO

⁷ Na tûtiaûmîrîrue nî gûka gwake kuonga, nwatî wana nîûndû wa kûmenya ûrîa mwamûmîrîrie. Ke nîwatwîrire ûrîa mûrî na wendi mwîngî wa kwenda kûmona, ûrîa mûrî na kîeva na ûrîa mwîvarîrîtie kûngitîra. Kwoguo wana nîmûkenu mûno rîu.

2Akor 7:7 ပူးပေါင်းရင်းမြစ်များ

Thaburi 141:5

Mûndû mûthingu nwa amverithie kana akangania arî na wendo mwîngî, nwatî ndingîtîkîra gûkumua nî andû arîa aganu, nîûndû vîndî cionthe mvoyaga matigane na ciîko ciao cia waganu.

Thaburi 30:5

Marakara ma Ngai-Mûnene nî ma kavinda kanini, na wega wake nî wa tene na tene. Nwa kwîthîrwe kûrî na kîrîro ûtukû, nwatî kîraûko kwîthîrwe na gîkeno.

Thaburi 38:18

Nînîraumbûra mevia makwa; mevia makwa nî maratûma nthînîke.

Thaburi 51:1

Mbîguîra ntha, we Ngai, nîûndû wa wendo waku ûtathiraga. Theria mevia makwa, nîûndû wa ntha ciaku nyîngî!

Mathaayo 26:75

Nake Petero nîwaririkanire ûrîa Jesû aamwîrîte atî, “Mbere ya ngûkû îgambe nîûkwîthîrwa ûngaanîte maita mathatû.” Nake Petero nîwaumire nja na akîrîra arî na ûrûrû mwîngî mûno.

Mathaayo 5:4

Kûrathimwa nî arîa marî na kîeva; nîûndû nîmakaaûmîrîrua!

Luka 22:44

Jesû arî na ûrûrû mwîngî ngororî yake, nîwavoire na kîo kîîngî mûno. Nayo nthithina yake nîyagwîcaga nthî îkariî ta matata manene ma nthakame.]

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Aroma 1:12

Ûrîa nîrauga nî atî tuonthe tûkaaûmanagîrîria ûndû ûmwe nî wîtîkio ûrîa tûrî naguo: Mue mûgunîke nî wîtîkio wakwa na nie ngunîke nî wîtîkio wenyu.

1Akor 5:2

Na mue nîmwîtîîaga! Vandû va gwîtîîa mwagîrîrwe nî gwîcûrwa nî kîeva na mwîngate mûndû ûcio wîkîte gîîko kîu aume gatagatîrî kenyu.

2Akor 1:14

nîûndû rîu mûtaûkîrîtwe nî maûndû mamwe marîa matwîgiî. Rîrîa mûthenya wa Mwathani wetû Jesû ûgaakinya nîmûgetîîa nîûndû wetû wata ûrîa twîthagîrwa tûgîtîîa nîûndû wenyu.

2Akor 1:4

Ke nîatûmagîrîria mathînarî metû monthe nîguo tûvotage kûmîrîria arîa engî marî na mathîna ma mîthemba yonthe, tûgîtûmagîra ûmîrîru wata ûrîa tue ene tûgwatîte kuuma kûrî Ngai.

2Akor 2:9

Nie namwandîkîre maarûa îo ngîmûgeria nîguo menye kana nîmwîthagîrwa mwîvarîrîtie kûmbathîkîra maûndûrî monthe.

2Akor 5:2

Na rîu tue nîtûcayaga, tûkîîriragîria mûno gwîkîrwa nyomba îrîa yumaga îgûrû.

2Akor 7:6

Nwatî Ngai ûrîa ûmagîrîria arîa marî na mathîna, nîwatûmîrîrie rîrîa Tito aûkire.

2Akor 7:8

Nîûndû wana ethîrwa maarûa îo yakwa nîyatûmire mwîgue kîeva, nie ndirerira. Nînîngîeririre rîrîa naamenyire atî maarûa îo nîyamwîguithirie kîeva wana ethîrwa mwegwire kîeva kavinda kanini.

2Akor 8:16

Nîtûgûcokia ngatho kûrî Ngai ûrîa ûtûmîte Tito agîe na wendi wa kûmûtethia ta ûrîa tûrî naguo.

Afil 1:20

Nînîîriragîria mûno, na ngerîgîrîra atî ndigaaconoka nî ûndû wana ûrîkû, nwatî ngeethagîrwa nîrî na ûmîrîru rîu na vingo cionthe, nîguo mwîrî wakwa wonthe ûtûmage Kristû akumue ethîrwa nîrî mwoyo kana nîrî mûkuû.

Akol 2:5

Nîûndû wana ethîrwa tûtirî vamwe kîîmwîrî, tûrî vamwe kîîroho na nîreciria ûrîa mûngîtetheka. Nîngenete nî kwona mûvango wenyu mwaro na ûrîa mûtwîre mwîtîkîtie Kristû mwîkindîrîtie.

1Ath 3:6

Nwatî rîu Timotheo nîacokete aumîte kûrî mue na nîaratûveere ndeto mbaro ciîgiî wîtîkio na wendo wenyu. Nîatwîrîte atî vingo cionthe nîmûtûririkanaga na njîra mbaro na atî nîmwendaga mûno gûtwona wata ûrîa wa natue twendaga mûno kûmwona.

1Ath 3:8

Nîrî nama atî rîu nîtûgûtûûra mwoyo ethîrwa nîmûgûtûûra mwîkindîrîtie waro ndaarî ya Mwathani.

Ahib 2:1

Nîûndû wa ûguo, nwanginya tûnyitie waro ûvoro wa ma ûrîa twîguîte nîguo tûtikaume kûrî guo.

Jakuvu 5:17

Elija aarî mûndû wa tatue. Nîwavoire arî na kîîo atî gûtikaure na gûtiaura mbura gûkû nthî kwa îvinda rîa mîaka îthatû na nuthu.

2Joh 1:4

Nie nînakenire mûno nona ciana imwe ciaku ikîrûmîrîra ûvoro wa ma wata ûrîa twathirwe nî Vava wetû.

Juda 1:3

Arata akwa ende, nie nînendete mûno kûmwandîkîra ûvoro wîgiî ûvonokio ûrîa tûnyitanagîra tuonthe. Nwatî nînonire kûrî kwagîrîru nîmwandîkîre, nîguo nîmwîkîre vinya mûthiî na mbere kûrûîrîra wîtîkio ûrîa Ngai aaveere andû ake rita rîmwe na rîa kwîgana.