2Akor 7:2 - ÎVUKU RÎA ÛVORO MWARO

² Tûvingûrîreni ngoro cienyu. Tue tûtivîtîrîtie mûndû, tûticûkîtie mûndû, kana tûkaveenia mûndû wana ûrîkû.

2Akor 7:2 ပူးပေါင်းရင်းမြစ်များ

Ndari 16:15

Musa nîwarakarire mûno na akîra Ngai-Mûnene atîrî, “Ndûkamûkîre matega mao. Gûtirî kîndû wanarî kîmwe Kîamo mbocete, na ndirî mûvîtîriu mûndû wanarî ûmwe gatagatîrî kao.”

Mathaayo 10:14

Na ethîrwa gûtirî mûndû wana ûmwe ûkûmûgwata ûgeni kana amûthikîrîrie, mûkiuma mûciî ûcio kana îtûûrarî rîu, rivarivani rûkûngû kuuma magûrûrî menyu.

Mathaayo 10:40

“Mûndû wa wonthe ûmûgwataga ûgeni nînie agwataga ûgeni; na mûndû wa wonthe ûngwataga ûgeni agwataga ûgeni ûrîa wandûmire.

Luka 10:8

Îtûûrarî wa rîonthe rîrîa mûkaathiîcaga, na andû akuo mamûgwate ûgeni, rîcagani irio irîa makaamûvecaga.

Ciîko 20:33

Nie ndianacumîkîra sîlûva, thaavu kana nguo cia mûndû wana ûrîkû.

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 11:16

Nie nîngûcokera wa rîngî atî gûtirî mûndû wana ûrîkû wagîrîrwe nî gwîciiria atî nî mûritu. Nwatî ethîrwa nîguo mwîciragia, nyamûkîrani ta mûndû mûritu nîguo nanie nîtîîe vanini.

2Akor 11:9

Na rîrîa twarî namue ndiamwîtia ûtethio rîrîa nendaga mbeca. Arata akwa kuuma Makedonia nîmaandetere kîndû kîonthe kîrîa naavatarîte. Ndiatuîka mûrigo kûrî mue na ndigaatuîka mûrigo wana rî.

2Akor 4:2

Nîtûreganîte na maûndû ma nthoni marîa mekagîrwa nthithorî. Nîtûreganîte na maûndû ma wara, kana kûgarûrania ciugo cia Ngai ituîke cia maveeni. Nwatî twaragia ûvoro wa ma tûrî mbere ya Ngai tûkîîrîgagîrîra atî andû onthe arîa marî na thamiri mbaro nîmagûtwîtîkîra.

Afil 2:29

Mwamûkîreni mûrî na gîkeno ta mûrû wa îthe wetû rîîtwarî rîa Mwathani. Vecagani andû onthe gîtîîo na makîria arîa mavana take,

Akol 4:10

Nîmwakethua nî Arisitariko ûrîa twovetwe njeera nake, wana Maariko mûrwethe wa Baranaba. (Mue nîmûrîkîtie gûtaarwa atî Maariko angîûka, mûmûgwate ûgeni).

1Ath 2:10

Mue mûrî aira wana Ngai nî mûira wetû atî rîrîa twarî namue, mue arîa mwîtîkîtie twarî na mîtugo mîaro na îtaarî na ûcuke.

File 1:12

Nie nîramûtûma rîu acoke kûrî we, na ngîgûtûmîra ke, nî ta ngoro yakwa nîragûtûmîra.

File 1:17

Kwoguo ethîrwa nîwicî atî nîtûrutithanagia wîra wa Mwathani nawe, amûkîra Onesimo wata ûrîa ûngînyamûkîra.

2Joh 1:10

Ethîrwa mûndû nwa aûke kûrî mue atakûthomithia kîrîra gîa Kristû, mûtikamûgwate ûgeni kwenyu mûciî wana mûtikamûkethie.