2Akor 7:15 - ÎVUKU RÎA ÛVORO MWARO

¹⁵ Nîûndû wa ûguo wendo wake kûrî mue nîûthiîte ûkîgîcaga vinya makîria aririkana ûrîa mue muonthe mwevarîrîtie kwathîkîra kîrîra gîake. Wana nîmwamûnyitire ûgeni mûrî na gîtîîo kînene.

2Akor 7:15 ပူးပေါင်းရင်းမြစ်များ

Kîam 43:30

Josefu nîwacokire akîthenguta vau wa rîmwe nîûndû ngoro yake nîyecûrîtwe nî gîkeno nîûndû wa mûrwang'ina. Nîwegucaga takwa angîrîra, kwoguo nîwatonyire nyomba kûrîa aararaga na akîrîrîra kuo.

1Atha 3:26

Ng'ina wa kaana kau kaarî mwoyo nîwecûrirwe nî ntha cia kavîcî gake, na akîra mûthamaki atîrî, “Mwathi wakwa, nakûthaitha ndûkaûrage kaana kau! Kanenganîre kûrî mûndûmûka ûcio!” Nwatî mûndûmûka ûcio wîngî nîwaugire atîrî, “Gatikethîrwe karî gakwa kana gake; nîgatinanue maita maîrî.”

Ezira 10:9

Mîthenyarî îo îthatû, arûme onthe kuuma vûrûrirî wa Juda na wa Benjamini nî maagomanire Jerusalemu na magîkara kîvarorî Kîam hekarû. Mûthenya wa mîrongo îîrî wa mweri wa kenda kwarî na mbura nene mûno, na andû arîa maagomanîte kûu Jerusalemu nî maatetemaga nîûndû wa maûndû mau na nîûndû wa mbura.

Ezira 9:4

Nînekarire nthî nîrî na kîeva nginya mathaa ma kîgongoona gîa kîvwaî. Andû arîa maaumîte îthamîriorî na nîmaamakîte nîûndû ûcio nîmaagomanire manthiûrûrûkîrîtie nîûndû Ngai wa Isiraeli nîwatûkaanîtie na akiuga tûtigatukane nao.

Ayubu 21:6

Nîreciria maûndû marîa monete ngamaka, mwîrî wakwa ûratetema nî guoya.

Thaburi 119:120

Nînîrainaina nîûndû wa gûgwîtigîra; na nînîregua guoya wa matuîro maku.

Thaburi 2:11

Goocagani Ngai-Mûnene na gîtîîo mûkinainaga,

Rwîmbo rwa Nyîmbo 5:4

Mwendwa wakwa nîwanyitire mûrango, na mwîrî wakwa ûgîcûrwa nî gîkeno.

Isaia 66:2

Nie mwene nînie naûmbire indo ino cionthe, na kwoguo indo ino cionthe nî ciakwa. Nwatî mûndû ûrîa ûngenagia, nî ûrîa wînyivagia na wîrirîte, ûrîa ûndîîte na ûmbathîkagîra.

Hosea 13:1

Rîrîa andû a Efiraimu maririe, andû nîmaatetemire; andû a Efiraimu maarî na ûvoti mûnene mûno kûu Isiraeli, nwatî nîmaambîrîrie kûgooca Baali, na makîîretera gîkuû.

Johana 16:21

Rîrîa mûndûmûka ageerie kûgîa na mwana nîagîcaga na kîeva nîûndû îvinda rîake rîa kwîgua ûrûrû nîrîkinyu, nwatî agîa na mwana nîakenaga na akariganagîrûa nî ûrûrû nîûndû mwana nî mûciare gûkû nthî.

Ciîko 16:29

Nake mûrangîri ûcio wa njeera nîwetirie taa, agîtonya ndaarî avinyûrîte, na akinainaga nî guoya, nîwegwîthirie magûrûrî ma Paûlo na Sailasi.

1Akor 2:3

Kwoguo rîrîa naûkire kûrî mue, ndiarî na vinya na nînatetemaga nîûndû wa guoya.

2Akor 2:9

Nie namwandîkîre maarûa îo ngîmûgeria nîguo menye kana nîmwîthagîrwa mwîvarîrîtie kûmbathîkîra maûndûrî monthe.

2Akor 6:12

Tûtivingîte ngoro cietû kûrî mue, nî mue mûvingîte ngoro cienyu kûrî tue.

Aefeso 6:5

Mue ngombo, athîkagîrani athani enyu mûrî na guoya na mûkinainaga. Îkagani ûguo mûrî na ngoro îmwe takwa mûrathîkîra Kristû.

Afil 1:8

Ngai nî mûira atî nîraria ûma vîndî îrîa nguga atî wendo wakwa kûrî mue wîthagîrwa umîte ngororî ya Jesû Kristû ke mwene.

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

Akol 3:12

Mue mûrî andû a Ngai. Ke nîwamwendire na nîwamûthuurire mûtuîke andû ake. Kwoguo îgucanagîrani ntha, tanavanagîrani, îînyivagieni, îthagîrwani mûrî avoreri na mûrî akirîrîria.

2Ath 3:14

Ethîrwa kûrî mûndû ûkaarega kwathîkîra ûrîa tûmwîrîte maarûarî îno, menyani mûndû ûcio na mûtikathiîcanie nake nîguo aconoke.

1Joh 3:17

Mûndû angîthîrwa nî mûtongu na one mûrwang'ina kana mwarwang'ina arî na thîna nwatî arege kûmwîguîra ntha, mûndû ûcio nwa ethîrwe endete Ngai?