2Akor 6:5 - ÎVUKU RÎA ÛVORO MWARO

⁵ Tue twanarivwa, kwovwa njeera, twanaûkîrîrwa nî kîrîndî, twanarutithua wîra wîna mînoga na nîtwekaraga ûtukû tûtakûmama na tûtarî na irio cia kûrîa.

2Akor 6:5 ပူးပေါင်းရင်းမြစ်များ

1Atha 22:27

Ûmere mamûvingîre njeera na mamûrûmagie tûirio tûnini na manjî, nginya rîrîa ngaacoka nîrî na thayû.”

2Maû 16:10

Mûthamaki Asa nîwarakarire mûno nî ciugo cia mûrathi Hanani na nîwamûvingîrithirie njera. Kuuma vîndî îo Asa nîwambîrîrie kûvinyîrîria andû amwe.

Isaia 53:5

Nwatî aativirue nîûndû wa mevia metû, aathînirue nîûndû wa waganu wetû. Aaverithirue nîguo tûgîe na mwoyo, na tûkîvonua na njîra ya ivoko irîa aarivirwe.

Jeremia 33:1

Kiugo Kîam Ngai-Mûnene nîgîakinyîre Jeremia rîngî wa arî mûvingîre nyombarî ya arangîri atî:

Jeremia 38:6

Kwoguo nîmocire Jeremia makîmwova na mîkanda na makîmwikia kîrikorî Kîam manjî Kîam Malikia mûvîcî wa Mûthamaki kîrîa Kîamrî kûrîa arangîri meekaraga. Kîriko kîu gîtiarî na manjî, Kîamrî na ndaka ntheri. Maamûnyûrûrûkirie mamwovete na mîkanda, nake Jeremia nîwavorokere ndakarî.

Ezek 3:17

“Mûndû nînagûtua mûrangîri wa andû a Isiraeli. Kwoguo thikîrîria ûrîa ngûkwîra na ûthiî ûgakaanie andû a Isiraeli vandûrî vakwa.

Mathaayo 14:10

Kwoguo Herode nîwatûmanire njeera Johana agatinue kîongo.

Mathaayo 14:3

Mbere ya ûguo Herode nîwathanîte Johana anyitwe, ovwe na mvîngû na acoke aikue njeera. Herode eekire ûguo nîûndû wa Herodia ûrîa warî mûka wa mûrwang'ina Filipu.

Mathaayo 9:15

Nake Jesû nîwamacokerie atîrî, “Mûreciria atî andû arîa metîtwe ûvikirî nwa megue kîeva vîndî îrîa marî vamwe na mûvikania? Ûguo gûtingîvotekeka. Nwatî mûthenya nîûgaakinya rîrîa mûvikania akaathengutua gatagatîrî kao, na vîndî îo nîmakenyerekia.

Ciîko 13:3

Kwoguo rîrîa maarîkirie kwînyerekia na makûvoya, nîmaaigîrîre Baranaba na Saûlo njara, na makîmatûma.

Ciîko 14:19

Nao Ayahudi amwe nîmaakinyire maumîte matûûrarî ma Antiokia ya Pisidia na Ikonia, na makîonithia andû ûrîa makûregana na Paûlo. Kwoguo nîmaamûrivire na mathiga na makîmûkururia makîmûruta nja ya îtûûra rîu magîîciragia atî ke aarî mûkuû.

Ciîko 14:23

Na wa kanitha wa kanitha nîmaamîthuurîre athuuri na njîra ya kûvoya na kwînyerekia. Athuuri acio nîmeevokete Mwathani, na kwoguo Paûlo na Baranaba nîmaamaigire njararî cia Mwathani.

Ciîko 17:5

Nwatî Ayahudi amwe nîmegwire wîru, makîrete vamwe andû aganu arîa maaûrûraga thokorî, na makîthondeka gîkundi. Nao nîmaambîrîrie gacagaca kûu îtûûrarî rîu rîonthe na makîtharîkîra nyomba ya mûndû ûmwe wetagwa Jasoni. Andû acio maacaragia Paûlo na Sailasi, nîguo mamavire nja kûrî andû.

Ciîko 20:31

Kwoguo îîmenyagîrîreni! Vîndî cionthe ririkanagani kwa îvinda rîa mîaka îthatû nie ndiatiga kûmûkaania ngîtûrûraga methori ûtukû na mûthenya.

Ciîko 23:10

Nacio ngarari nîciengîvire mûno nginya mûnene wa mbûtû ya athigari akîambîrîria kwîgua guoya akîona takwa Paûlo agûtembûranganua tûcunjî nî Ayahudi. Kwoguo mûnene ûcio wa mbûtû ya athigari nîwathire athigari ake akîmeera manyûrûrûke mathiî varîa Paûlo aarî, mamûrute vo na vinya na mamûvire kûrîa athigari maambîte magema.

Ciîko 23:35

nîwamwîrire atîrî, “Nie ngaakûthikîrîria vîndî îrîa arîa makûthitangîte magaakinya.” Nake mûnene ûcio nîwacokire akîathana akiuga Paûlo arangîrwe arî kûu mûciî ûrîa watumîtwe nî Herode.

Ciîko 24:27

Rîrîa mîaka îîrî yavîtûkire, Porikio Fesito nîwocire wîra wa Feliki, na agîtuîka mûnene wa thirikari. Feliki nîwendaga kwîyendithia kûrî Ayahudi, kwoguo nîwatigire Paûlo arî njeera.

Ciîko 26:10

Na ûguo nîguo nekire nîrî Jerusalemu. Nînaverwe ûvoti nî anene a athînjîri-Ngai na nînaikirie andû eengî a Ngai njeera. Na rîrîa andû acio a Ngai maatuîrîrwe kûûragwa, nînetîkanirie na ûvoro ûcio.

Ciîko 26:29

Nake Paûlo nîwamwîrire atîrî, “Wana ethîrwa nî kavinda gakuvî kana karaca, îvoya rîakwa kûrî Ngai nî atî we na arîa engî onthe manthikîrîrîtie ûmûnthî matuîke tanie, wa tiga tu matikovwe na mînyororo ta îno!”

Ciîko 28:30

Paûlo nîwekarire îvinda rîa mîaka îîrî nyombarî îrîa ke mwene aakomborete, na andû onthe arîa maamûceragîra nîwamanyitaga ûgeni.

Ciîko 5:18

Nîmaanyitire atûmwa na makîmavingîra njeera îrîa yavingagîrwa andû onthe.

1Akor 15:10

Nwatî wega wa Ngai nîguo ûtûmîte nduîke ûrîa nie nîrî, na wega ûrîa ke aamveere ndwarî wa mana. Vandû va ûguo nîndutîte wîra na vinya mûno gûkîra atûmwa arîa engî onthe, wana ethîrwa na ma nie tînie naûrutire, nwatî nî wega wa Ngai ûrîa wîthagîrwa ûrî vamwe nanie waûrutire.

1Akor 4:11

Nginya îvindarî rîîrî tue nîtûvûtaga, tûkanyonda na tûgekîra matangari. Nîtûrivagwa na tûgatura ciîkaro.

1Akor 7:5

Mûtikaaimanage mîîrî yenyu, tiga nwanga mûrîkanîrîte atî nîmûgwîkara mûtakûmenyana kîîmwîrî gwa kavinda kanini nîguo mûgîcage na kavinda ga kûvoya. Nwatî vuva wa kavinda kau cokanagîrani wa rîngî nîguo Caitani ndakamûgerie nîûndû wa gûtura ûvoti wa kwatha merirîria ma mwîrî.

2Akor 11:27

Nînarutire wîra mûrito wa mînoga na maita meengî ngatura toro. Nînavûtaga na nganyonda, nînethagîrwa ndarî na irio cia kwîgana, nyomba kana nguo.

Aefeso 3:1

Nîûndû wa gîtûmi gîkî, nie Paûlo njovetwe nîûndû wa gûtungatîra Jesû Kristû, nîmvoyaga Ngai nîûndû wenyu mue andû a Ndûrîrî.

Gûco 25:3

Mûndû ûcio ndakaarivwa ivoko makîria ya mîrongo îna; nîûndû kûrivwa makîria ya icio nî gûconorithia mûndû ûcio kûrî andû.

Afil 1:13

Na nîûndû wa gîtûmi gîkî arangîri onthe a nyomba ya mûthamaki na andû arîa engî onthe nîmamenyete atî nie njovetwe njeera nîûndû nîrî ndungata ya Kristû.

1Ath 2:9

Ariû na aarî a îthe wetû, nîmûraririkana ûrîa twarutaga wîra na tûkîthînîka. Twarutaga wîra ûtukû na mûthenya nîguo tûtigatuîke mûrigo kûrî mûndû wana ûmwe wa cienyu vîndî îrîa twamûvunjagîria ûvoro mwaro wa Ngai.

1Tim 4:10

Ûvoro ûyû nîguo ûtûmaga tûthînîke na tûrute wîra na vinya, nîûndû tûrî na kîîrîgîrîro kûrî Ngai mûtûûra mwoyo ûrîa arî ke Mûvonokia wa andû onthe na makîria arîa metîkîtie.

2Tim 1:8

Ndûgaconoke rîrîa ûkumbûra Mwathani wetû, kana wîgue ûgîconoka nîûndû wakwa nie njovetwe nîûndû wa Kristû. Vandû va ûguo, nîwagîrîrwe nî kûgwatanîra nanie mînyamaarorî nîûndû wa ûvoro mwaro, nîûndû Ngai nîke ûtûvecaga vinya.

2Tim 2:9

Nîûndû wa kûvunjia ûvoro mwaro, nînyariragwa na ngekîrwa mvîngû ta mûgeri ngero. Nwatî ûvoro wa Ngai tî mwove na mvîngû.

2Tim 4:5

Nwatî nwanginya wîkarage wîîguîte vingo cionthe. Ûmagîrîria mathîna, rutaga wîra wa kûvunjia ûvoro mwaro na ûrutage wîra waku wonthe wa gûtungatîra Ngai.

Ahib 11:36

Amwe nîmaanyûrûragua na makarivwa na ivoko, na engî nîmoovirwe na mînyororo na makîvirwa njeera.

Ahib 13:17

Athîkagîrani atongoria enyu na mûrûmagîrîre maûndû marîa mamwathaga mwîke. Nîo mamenyagîrîra mîoyo yenyu na nwanginya makeera Ngai ûrîa maarutaga wîra wao. Ethîrwa mûkaamathîkagîra makaarutaga wîra wao marî na gîkeno. Ethîrwa mûtikaamathîkîra, makaûrutaga matarî na gîkeno na kwoguo mûtingîtetheka.

Ahib 13:23

Nîngwenda mûmenye atî Mûrû wa îthe wetû Timotheo nî araumire njeera. Ethîrwa nîagûka narua, nîtûgaaûka nake ngîûka kûrî mue.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.