2Akor 6:3 - ÎVUKU RÎA ÛVORO MWARO

³ Tue nîtûgeragia mûno tûtigatuîke mûvînga kûrî mûndû nîguo gûtikagîe mûndû ûngîona wîra wetû ûrî mûcûku.

2Akor 6:3 ပူးပေါင်းရင်းမြစ်များ

Mathaayo 17:27

Nwatî tue tûtirenda kûrakaria andû aya. Na kwoguo thiî îriarî na wikie ndwano. Warîkia kûnyita nthamaki ya mbere, mîvingûre kanyua ka yo na nîûkwona mbeca. Mbeca îo nîmbîganu ya kûrîva gooti ya hekarû; mîoce na ûthiî ûrîve gooti yakwa na yaku.”

Mathaayo 18:6

“Mûndû wa wonthe angîvîtithia kamwe ga twana tûtû tûmbîtîkîtie, nîkava mûndû ûcio overerwe îthiga rîa kîthîi ngingo, na acoke aikue îriarî kûrîa kûrikîru.

Ciîko 19:27

Kûronekana kûrî na ûgwati. Wîra ûyû wetû nîûkûgîa na îgweta rîcûku. Na twa ûguo wonga, andû nîmakwambîrîria gwîciiria atî hekarû ya ngai îo ya Aritemi ndîrî na vata. Ûnene wa ngai îo nîûgûcûkangua. Aritemi nîyo ngai ya mûndûmûka îrîa îgoocagwa nî andû onthe arîa marî Asia na marî kûndû kuonthe kwa nthî!”

Aroma 14:13

Kwoguo nîtûtige gûtucanîra. Vandû va ûguo twagîrîrwe nî gûtua atî tûtigeke ûndû wana ûmwe ûrîa ûngîtûma mûndû ûrîa wîngî avîngwe kana agwe meviarî.

1Akor 9:12

Ethîrwa andû arîa engî marî na kîvooto gîa kûvewa nîmue indo cienyu cia gûkû nthî, na kinthî tue tûtirî na kîvooto kînene makîria? Nwatî tûtianatûmîra kîvooto gîkî. Vandû va ûguo, nîtûûmagîrîria maûndû monthe nîguo tûtigeke ûndû wana ûmwe ûngîgiria andû mavunjie Ûvoro Mwaro wîgiî Kristû.

1Akor 9:22

Vîndî îrîa nîrî gatagatîrî ka arîa matarî na vinya wîtîkiorî nduîkaga wa tao nîguo nîmagucîrîrie. Kwoguo nînduîkaga maûndû monthe kûrî andû onthe, nîguo mvonokie amwe gatagatîrî kao na njîra cionthe irîa nîngîvota.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 8:20

Nîtûrageria gûtikagîe na ûndû ûngîtûma andû magîe na înegene ûvororî wîgiî ûrîa tûgûtûmîra mbeca ino mûrutîte na wendo.