2Akor 6:2 - ÎVUKU RÎA ÛVORO MWARO

² Ngai augîte atîrî: “Rîrîa kavinda gaakinyire gakwa ga gûgwîka waro nie nînaakwîguire; rîrîa mûthenya wakinyire wakwa wa gûkûvonokia nie nînaagûtethirie.” Tathikîrîria! Gaka nîko kavinda karîa kagîrîru, ûmûnthî nîguo mûthenya wa kûvonokua!

2Akor 6:2 ပူးပေါင်းရင်းမြစ်များ

Thaburi 69:13

Nwatî we Ngai-Mûnene, nîwe mvoyaga; îtîkîra îvoya rîakwa we Ngai, vîndî îrîa ûngîenda. Njokeria îvoya rîakwa nîûndû wa wendo waku ûtathiraga, nîûndû we nîûvingagia kîîranîro gîaku gîa kûvonokania.

Isaia 49:8

Ngai-Mûnene arauga atîrî, “Vîndî îrîa mbagîrîru, nînagûcokerie îvoya rîaku, mûthenya wa kûvonokania nînagûtethirie; nîngwigîte na ngarûtha kîrîkanîro na andû a mavûrûri monthe na njîra yaku. Nîngaatûma ûtûûre rîngî vûrûrirî ûrîa watiganîrue ûtarî kîndû, ûtuîke îgai rîenyu.

Isaia 61:2

Nîandûmîte manîrîre mwaka wa Ngai-Mûnene wa gûtugana, na mûthenya wa Ngai wetû wa kwîrîvîrîria nî mûkinyu, na nyûmîrîrie arîa onthe maracakaya.

Ezek 16:8

“Rîrîa navîtûkîrîre vakuvî nawe rîngî, nînoonire atî nama warî mwîrîtu mûkinyiu wa kûmbwa. Nînarutire nguo yakwa ya îgûrû ngîgûkunîka nîguo ûthithe njaga. Nîtwarîkanîre nawe atî nîtûkûvikania, nawe nîwatuîkire wakwa.” Ûguo nîguo Ngai-Mûnene arauga.

Luka 18:37

Nao andû nîmaamûcokerie atîrî, “Nî Jesû wa Nazarethi ûvîtûkîte.”

Luka 4:19

na atî îvinda nîrîkinyu rîrîa Mwathani akûvonokia andû ake.”

Ahib 3:13

Vandû va ûguo, ûmanagîrîriani mûndû na ûrîa wîngî mûthenya wa mûthenya rîrîa rîonthe kiugo “Ûmûnthî” gîkaagwetagwa gîkîaria ûvoro ûmwîgiî nîguo gûtikagîe mûndû wana ûmwe gatagatîrî kenyu ûkaaûmia ngoro nîûndû wa mevia.

Ahib 3:7

Kwoguo wata ûrîa Roho Mûtheru augîte atîrî, “Ûmûnthî mûngîgua mûgambo wa Ngai,

Ahib 4:7

Ûndû ûyû nîwonanîtue nî Ngai na njîra ya kûvanga mûthenya wîngî ûrîa wîtagwa “Ûmûnthî.” Ngai aaririe ûvoro ûcio vuva wa mîaka mîîngî na njîra ya Daudi ta ûrîa Mandîko Matheru maugîte atîrî, “Ûmûnthî mûngîgua mûgambo wa Ngai, mûtikaûmie ngoro cienyu.”