2Akor 6:17 - ÎVUKU RÎA ÛVORO MWARO

¹⁷ Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

2Akor 6:17 ပူးပေါင်းရင်းမြစ်များ

Ezira 10:11

Rîu umbûrani mevia menyu kûrî Ngai-Mûnene, Ngai wa methe menyu ma tene na mûcoke mwîke maûndû marîa mamûkenagia. Îyamûranieni na andû arîa matûûraga vûrûrirî ûyû na mûte aka enyu acio ageni.”

Ezira 6:21

Îgongoona rîu rîa pasaka nîrîarîrwe nî andû onthe a Isiraeli arîa maaumire îthamîriorî wana nî andû arîa engî maariganîtie nao na maatiganîrîtie maûndû mao marîa matarî ma kûgooca Ngai. Andû acio nîmaatuîkîte a kûgoocaga Ngai-Mûnene, Ngai wa Isiraeli.

Nthi 9:6

Tiganani na andû arîa matarî na ûûgî, na nî mûgûtûûra mwoyo. Tiga ûmenyo ûkwonie mîthiîre mîaro.”

Isaia 52:11

Thiîni, thiîni, mume kûu Babuloni, mûtikavutie kîndû wa kîonthe kîrî mûgiro! Îîtherieni mue mûkuuaga indo cia Ngai-Mûnene.

Jeremia 15:17

Ndiekarania vamwe na arîa magangarîte, kana ngenanîra nao; nekarire nienga nîûndû nîwarakarîte nînie, necûrîtwe nî marakara.

Jeremia 51:6

Ûrani mume Babuloni mûvonokie mîoyo yenyu! Babuloni îraverithua nîûndû wa mavîtia mayo, nîûndû gaka nîko kavinda ka Ngai-Mûnene ga kwîrîvîrîria, araverithia Babuloni kûringana na mavîtia mayo.

Ndari 16:21

“Umani varî andû aya nîguo nîmathirie wa rîmwe!”

Ndari 16:26

Musa nîwerire andû atîrî, “Umani magemarî ma andû aya evia mûrûngame varaca nao, na mûtikavutie kîndû wanarî kîmwe Kîamo, kana mûthiranîrue vamwe nao nîûndû wa mevia mao.”

Ndari 16:45

“Thengutîra andû aya a Isiraeli nîguo nîmathirie wa rîu!” Nao oîrî nîmaaturumithirie mothiû mao nthî,

Ciîko 2:40

Petero nîwamaarîrie na akîmathaitha na ciugo nyîngî akîmeeraga atîrî, “Îîvonokieni kuuma îverarî rîrîa rîgûka kûrî andû a rûciaro rûrû rwaganu!”

Aroma 15:7

Kwoguo amûkanagîrani mûndû na ûrîa wîngî, wata ûrîa Kristû aamwamûkîre nîguo Ngai akumague.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

Gûco 14:6

na nyamû wa yonthe mbatûkanu mavûngû na îcokagîra.

Kûguû 18:4

Ngîcoka ngîgua mûgambo wîngî kuuma îgûrû ûkiuga atîrî: “Umani kûrî ke, andû akwa! Nîguo mûtikevie take, na mûtikaaverithue take.