2Akor 6:14 - ÎVUKU RÎA ÛVORO MWARO

¹⁴ Mûtikanagerie kûrutithania wîra vamwe na arîa matetîkîtie ta mûrî ûndû ûmwe nao. Kûngîvoteka atîa waro na ûcûku igîe na ngwatanîro? Kûngîvoteka atîa ûtheri na nduma itûûre vamwe?

2Akor 6:14 ပူးပေါင်းရင်းမြစ်များ

Kîam 24:3

Nîrenda wîvîte na rîîtwa rîa Ngai-Mûnene, Ngai wa îgûrû na nthî uuge, atî ndûgaacarîria mûvîcîwa mûndûmûka kuuma kûrî aarî a Kanaani arîa ndûûranagia nao.

1Atha 18:21

Nake Elija nîwathiîre kûrî andû acio na akîmaûria atîrî, “Nîmwîthîrwa mûrî na mathangania na nganja nginya rî? Ethîrwa Ngai-Mûnene nî Ngai, mûgooceni; nwatî ethîrwa Baali nîke Ngai, mûgooceni!” Nwatî andû matiamwîra wanarî ûndû.

2Maû 19:2

Nwatî mûrathi Jehu mûvîcî wa Hanani, nîwathiîre kûmûtûnga na akîmwîra atîrî, “Ûreciria nî kwagîrîrîte ûgatethie andû arîa aganu na ûkagwatanîre na arîa mathûrîte Ngai-Mûnene? Ûguo ûrekire nîûratûmire Ngai-Mûnene arakare nîwe.

Ezira 10:19

Nao nîmeeranîre atî nîmagûtecana na aka ao na nîmaarutire ng'ondu ya kîgongoona nîûndû wa mevia mao:

Thaburi 106:35

Nwatî nîmaanyitanîre na andû a ndûrîrî, na makîambîrîria gwîka tao.

Thaburi 119:63

Nie nîrî mûrata wa andû onthe arîa magwîtigîrîte, mûrata wa arîa mathîkagîra mawatho maku.

Thaburi 16:3

Andû arîa mevokete Ngai-Mûnene vûrûrirî kaî nî aro-î! Nîngenaga mûno ngîkarania nao.

Ntha 34:16

Anake enyu mangîkaavikia erîtu a andû acio ageni, erîtu acio makîgooca ngai ciao nîmagaatûma anake enyu matuîka tî evokeku na nîmakaagooca ngai cia erîtu acio.

Nthi 22:24

Ndûgatume ûrata na mûndû ûrîa ûrakaraga na îvenya, kana ûthiîcanie na mûndû wa mang'ûrîka.

Nthi 29:27

Andû arîa athingu nî mathûrîte arîa aganu, nao andû arîa aganu nî mathûrîte arîa athingu.

Alawi 19:19

“Athîkagîrani mawatho makwa. Mûtigatûme nyamû irîa mûrîthagia iciarane itarî cia kîruka kîmwe. Mûtikavande mîthemba îîrî ya mbeû mûgûndarî ûmwe. Mûtigekîre nguo îtumîtwe na itambaa cia mîthemba îîrî.

Malaki 2:11

Andû a Juda nîmaregete kwîvoka Ngai na nîmekîte maûndû marî na mûgiro Isiraeli na îtûûra rîa Jerusalemu. Nîmatûmîte hekarû ya Ngai-Mûnene îrîa endete îgwatwa nî mûgiro. Wana nîmavikîtie aka arîa magoocaga ngai ng'eni.

Malaki 2:15

Na kinthî tî Ngai-Mûnene watûmire we na mûka waku mûtuîke mwîrî ûmwe na mûgîe na ngoro îmwe? Endaga kwonania atîa? Ngai endaga tûgîcage na ciana imwîtigîrîte na imûkumagia. Kwoguo, menyererani atî gûtikethîrwe kûrî na mûndû gatagatîrî kenyu ûtarî mwîvokeku kûrî mûka ûrîa aavikirie arî mwîthî.

Johana 7:7

Andû a nthî matingîmûmena, nwatî nie nîmamenete nîûndû nînîmeraga atî nîmekaga maûndû macûku.

Ciîko 4:23

Nao Petero na Johana marekererua wa rîo nîmaacokire kûrî arata ao na makîmamenyithia maûndû monthe marîa meerîtwe nî anene a athînjîri-Ngai na athuuri.

1Akor 10:21

Mue mûtingîvota kûnyuîra gîkomberî Kîam Mwathani na mûcoke mûnyuîre gîkomberî Kîam ndaimono; mûtingîvota kûrîîra metharî ya Mwathani na mûcoke mûrîîre metharî ya ndaimono.

1Akor 15:33

Tigani kûveenua. “Nî ûndû mûcera na mûkûndû akûndûkaga wata guo.”

1Akor 5:9

Maarûarî îrîa namwandîkîre, nie nînaamwîrire mûtikagîcage na ngwatanîro na andû arîa mavûraga ûmaraa.

1Akor 6:6

Vandû va ûguo, mûkristiano arathiî îgootirî kûthitanga mûkristiano ûrîa wîngî na agetîkîria andû arîa matetîkîtie Kristû mamatuîre ciira!

1Akor 7:39

Mûndûmûka ûrîa mûviku ethagîrwa ovanîtue na mûthuuriwe vîndî yonthe îrîa mûthuuriwe arî mwoyo. Nwatî mûthuuriwe angîkua, nîwîtîkîrîtue kûvikua nî mûndûmûrûme wîngî wa wonthe ûrîa angîenda, nwatî mûndû ûcio nwa nginya ethîrwe arî Mûkristiano.

Afil 2:15

Nîguo mwîthagîrwe mûrî ciana cia Ngai nginyanîru ntheru na itarî na ûcuke, irîa itûûraga nthî îno îrî na andû aganu na evia. Mûrî gatagatîrî ka andû acio, nwanginya mûkengage ta njata irîa ikengaga matuurî,

Jakuvu 4:4

Mue andû aya mûtarî evokeku! Anga mûtiîcî atî gûtuma ûrata na nthî nîgûtuîka nthû ya Ngai? Andû arîa meriragîria gûtuma ûrata na nthî nîmetucaga nthû cia Ngai.