2Akor 5:9 - ÎVUKU RÎA ÛVORO MWARO

⁹ Makîria ya maûndû monthe twendaga gûkenia Mwathani wana ethîrwa tûrî mûciî gûkû nthî kana kûu îgûrû.

2Akor 5:9 ပူးပေါင်းရင်းမြစ်များ

Kîam 4:7

Ethîrwa nîûrekîte ûndû mwaro, ûngîrî mûkenu; nwatî nîûndû wîkîte ûndû mûcûku, mevia marî mûrangorî makîenda gûkwatha, nwatî nwanginya ûmatorie.”

Isaia 56:7

nîngaamavira kîrîmarî gîakwa Kîammûre, na ndûme magîe na gîkeno marî nyombarî yakwa ntheru, na nîngaamûkîra magongoona marîa makaarutagîra metharî yakwa. Nîûndû nyomba yakwa nîgeetagwa: ‘Nyomba ya kûvoyagîrwa nî andû a ndûrîrî cionthe.’ ”

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

Ciîko 10:35

Andû arîa magoocaga Ngai na mekaga ûrîa kwagîrîrîte, nîmetîkagîrwa nîke wana ethîrwa nî a rûrîrî rûrîkû.

Aroma 14:18

Rîrîa andû matungatîra Kristû na njîra ta îno, nîmakenagia Ngai na magetîkîrwa nî andû arîa engî.

Aroma 14:8

Ethîrwa nîtûgûtûûra mwoyo nîtûtûûra nîûndû wa Kristû, na ethîrwa nî tûgûkua nîtûkua nîûndû wa Kristû. Kwoguo wana ethîrwa nîtûgûtûûra mwoyo, kana nîtûgûkua tûrî a Mwathani.

Aroma 15:20

Vîndî cionthe mbîthîrîtwe ngîrirîria kûvunjia Ûvoro Mwaro kûrî andû arîa mataanegua ûvoro wîgiî Kristû, nîguo ndigatuîke ta mûndû ûtumaga îgûrû rîa mûcingi ûrîa wînjîtwe nî mûndû wîngî.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

2Akor 5:6

Kwoguo vîndî cionthe twîthagîrwa tûrî na ûmîrîru. Tue nîtwîcî atî vîndî îrîa tûrî mwoyo gûkû nthî tûrî na mwîrî, twîthagîrwa tûrî kûraca na Mwathani.

2Akor 5:8

Tûrî na ûmîrîru mûno na nwa twende kuuma mwîrîrî ûyû nîguo twîthagîrwe tûrî mûciî na Mwathani.

Aefeso 1:6

Tigani tûkumie Ngai nîûndû wa riiri wa wega wake, na nîûndû wa kîveo kîrîa atûvete mana na njîra ya Mûriû wake mwende!

Akol 1:10

Namue mûkaavotaga gûtûûra ta ûrîa Mwathani endaga na mûgeekaga maûndû marîa makenagia Mwathani vîndî cionthe. Namue mûkaagîcaga na maciaro maro maûndûrî monthe marîa mûgekaga na mûgakîragîrîria kûmenya Ngai.

Akol 1:29

Na nîguo maûndû mama monthe mekîke, nîndutaga wîra mûmû na ngathînîka ngîvûthagîra ûvoti mûnene ûrîa Kristû avecanaga na wonekanaga na njîra ya maûndû marîa mbîkaga.

1Ath 4:1

Na mûthiiarî, ariû na aarî a îthe wetû, nîmwathomire kuumana natue ûrîa mwagîrîrwe nî gûtûûra nîguo mûkenie Ngai na nwa guo mûratûûra. Rîu tûramûria na tûkamûthaitha na rîîtwa rîa Mwathani Jesû mûtûûre waro makîria.

1Ath 4:11

Îkaragani mûtarî na înegene, mûkîmenyagîrîra maûndû menyu na mûkîrutaga wîra na njara cienyu nîguo mwîyonagîre kîndû gîa kûrîa wata ûrîa twamwîrire.

1Tim 4:10

Ûvoro ûyû nîguo ûtûmaga tûthînîke na tûrute wîra na vinya, nîûndû tûrî na kîîrîgîrîro kûrî Ngai mûtûûra mwoyo ûrîa arî ke Mûvonokia wa andû onthe na makîria arîa metîkîtie.

Ahib 12:28

Kwoguo nîtwagîrîrwe nî gûcokia ngatho, nîûndû nîtwamûkagîra ûthamaki ûrîa ûtanginainua. Nîtûcokie ngatho na tûgooce Ngai na njîra îrîa îngîmûkenia tûrî na gîtîîo na kûmwîtigîra,

Ahib 4:11

Kwoguo nîtûgerie mûno tûtonye kîvurûkorî kîu, nîguo gûtikethîrwe kûrî mûndû wanarî ûmwe gatagatîrî getû ûkaaremwa nî gûtonya kîvurûkorî nîûndû wa ûremi ta ûcio wao.

2Pet 3:14

Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.