2Akor 5:18 - ÎVUKU RÎA ÛVORO MWARO

¹⁸ Maûndû mama monthe mekîtwe nî Ngai ûrîa watwîguithanirie nake ke mwene na njîra ya Kristû, na agîtûva wîra wa kwîgwithanagia andû nake.

2Akor 5:18 ပူးပေါင်းရင်းမြစ်များ

Isaia 52:7

Kaî nî ûndû mwaro-î kwona mûndû arî irîmarî aretete ûvoro mwaro, akîanîrîra ûvoro wa thayû, na akîanagîrîra ûvonokio! Arera andû a Zayuni atîrî, “Ngai wenyu nîke ûrathana!”

Isaia 57:19

Nînie Ngai-Mûnene ngaamava thayû, thayû kûrî arîa marî kûraca na arîa marî gûkuvî! Nînie ngaavonia andû akwa.

Ezek 45:15

Varî wa ng'ondu magana maîrî nîmakaaruta ng'ondu îmwe kuuma kûrî ndîthia cia andû a Isiraeli. Rîrî nî îtega rîa irio cia mûgûnda, îtega rîa kûvîvua na îtega rîa thayû nîguo andû arîa mamareta mavoroverue mevia mao. Ûguo nîguo Ngai-Mûnene augîte.

Danieli 9:24

“ ‘Mîaka mûgwanja maita mîrongo mûgwanja, nî îvinda rîrîa Ngai amûrîte rîa kûthiria waganu, mevia; kwovera andû arîa mekîte maûndû macûku, kûrete thayû wa tene na tene, gwîtîkîra cioneki na ûrathi, na kûvaka vandû varîa vatheru Mûno maguta.

Alawi 6:30

Nwatî ethîrwa kûrî nthakame wa yonthe îkaavirwa îgemarî rîa Ngai-Mûnene îrî ya gûtûmîrwa kûtheria mevia, nyamû îrîa yumîte nthakame îo ndîagîrîrwe nî kûrîwa, nwanginya îkaavîvua.”

Luka 10:5

Mûciî wa wonthe ûrîa mûgaatonyaga ambagani kuga atîrî, ‘Thayû ûrogîa mûciîrî ûyû!’

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Johana 3:16

Nîûndû Ngai nîwendire andû a gûkû nthî mûno nîwavecanire Mûriû wake wa mûmwe nîguo mûndû wa wonthe ûmwîtîkîtie ndagaakue nwatî agîe na mwoyo wa tene na tene.

Johana 3:27

Nake Johana nîwamacokerie atîrî, “Gûtirî mûndû ûngîgîa na kîndû Ngai atamûvete kîo.

Ciîko 10:36

Mue nîmwîcî ndûmîrîri îrîa Ngai aatûmire kûrî andû a Isiraeli. Ndûmîrîri îo yarî Ûvoro Mwaro wa thayû. Ûvoro ûcio waûkire na njîra ya Jesû Kristû ûrîa arî ke Mwathani wa andû onthe.

Aroma 11:36

Nîûndû indo cionthe ciaûmbirwe nîke na indo cionthe itûîre nîûndû wa ûvoti wake na nî ciake. Nake arokumua tene na tene! Ameni!

Aroma 5:1

Na rîu, nîûndû nîtûtuîtwe athingu nî Ngai na njîra ya gwîtîkia, nîtwîgucanîte na Ngai na njîra ya Mwathani wetû Jesû Kristû.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

1Akor 11:12

Kwoguo wata ûrî mûndûmûka aaûmbirwe kuuma kûrî mûndûmûrûme, nwataguo mûndûmûrûme aciaragwa nî mûndûmûka; na indo cionthe ciumaga kûrî Ngai.

1Akor 12:6

Kûrî mîthemba ngûrani ya ûtungata, nwatî Ngai ûrîa ûvecanaga vinya wa gûtungata kûrî mûndû wa mûndû nî ûmwe.

1Akor 3:5

Apolo nîkwa arî û? Nake Paûlo nû? Tue tûrî ndungata cia Ngai irîa ke aatûmîre nîguo mwîtîkie. Na wa mûndû wa ûmwe wa cietû arutaga wîra ûrîa Mwathani aamûveere arute:

1Akor 8:6

Nwatî tue twîtîkîtie atî kûrî Ngai ûmwe tu na nîke îthe wetû. Ke nîke waûmbire indo cionthe, na tûtûûraga nîûndû wake. Tue twîtîkîtie atî kûrî Mwathani ûmwe tu na ke nîke Jesû Kristû, na indo cionthe ciaûmbirwe na njîra yake na wa natue tûtûûraga nîûndû wake.

Akol 1:22

Nwatî rîu na njîra ya kûûragwa kîîmwîrî kwa Mûriû wake, Ngai nîarîkîtie kûmûtua arata ake nîguo amûrete mbere yake mûrî atheru na athingu na mûtarî na ûcuke.

Ahib 2:17

Ûguo nî kuga atî nwanginya angîatuîkire ta aa mûrwang'ina na aa mwarwang'ina na njîra wa yonthe nîguo atuîke Mûthînjîri-Ngai ûrîa mûnene, mwîvokeku na ûrî ntha wîrarî wa Ngai nîguo atûme andû moverwe mevia mao.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.

1Joh 2:2

Kristû ke mwene nîke ûtûmaga twoverwe mevia metû, na twa mevie metû tu, nwatî nî wana mevia ma andû onthe.

1Joh 4:10

Wendani wîkariî ûû: tî atî nîkwa twendire Ngai, nwatî nîke watwendire na agîtûma Mûriû wake atuîke wa gûtûma tûoverwe mevia metû.