2Akor 5:15 - ÎVUKU RÎA ÛVORO MWARO

¹⁵ Kristû aakwire nîûndû wa andû onthe nîguo andû arîa matûûraga mwoyo matigatûûre mwoyo nîûndû wao o ene, nwatî nîûndû wake ûrîa wakwire na akîriûkua nîûndû wao.

2Akor 5:15 ပူးပေါင်းရင်းမြစ်များ

2Atha 5:17

Naamani nîwacokire akîra Elisha atîrî, “Ethîrwa tîwamûkîra kîveo gîakwa, nakûthaitha wîtîkîrie mvewe mûthetu ûngîkuuwa nî nyûmbû igîrî nthiî naguo mûciî, nîûndû kuuma rîu kûthiî na mbere ndikaaruta magongoona mengî kana matega ma kûvîvua kûrî ngai îngî tiga Ngai-Mûnene.

Ezek 16:6

“Rîrîa naavîtûkîrîre vakuvî nawe nînoonire ûkîgaragara nthakamerî yaku na ngiuga ûtûûre mwoyo.

Ezek 37:14

Nîngaamwîkîra mîvevû yakwa ndarî yenyu na nîmûgaacoka gûtûûra mwoyo, na nîngaacoka nîmwige vûrûrirî wenyu. Namue nîmûkaamenya atî nie, Ngai-Mûnene nînie mbugîte ûguo na nîngeka guo.”

Ezek 37:9

Ngai nîwacokire akîmbîra atîrî, “We mûndû, rathîra rûvuvo kuuma mîena îrîa îna na ûrwîre Mwathani Ngai-Mûnene augîte rûvurutane nîguo rûtonye kûrî mîîrî îno yaûragirwe nîguo îgîe mwoyo.”

Habakuku 2:4

Ino nîyo ndûmîrîri: ‘Taroria arîa marî mwîtîîo nîmagacûkangua, nao arîa athingu nîmagatûûra nîûndû wa gwîtîkia Ngai.’ ”

Zakaria 10:9

Wana ethîrwa nînamanyaganîrîtie mavûrûrirî mengî, marî mavûrûrirî mau ma kûraca, nîmakaandirikana, na vamwe na ciana ciao nîmagaatigara na macoke mûciî kwao.

Luka 1:74

atî nîagaatûvonokia kuuma njararî cia nthû cietû, na atwîtîkîrie tûmûtungatagîre tûtarî na guoya,

Johana 5:24

“Nie nîramwîra na ma atî: mûndû wa wonthe wîgucaga ndûmîrîri yakwa na agetîkia Ngai ûrîa wandûmire, arî na mwoyo wa tene na tene. Mûndû ûcio ndagaacirithua nî Ngai, nîûndû ke nîmumu kûrî arîa akuû na agatonya kûrî arîa marî mwoyo.

Johana 6:57

Nie natûmirwe nî Vava mûtûûra mwoyo na wa nanie ndûûraga mwoyo nîûndû wake. Na njîra wata îo mûndû wa wonthe ûrîcaga mwîrî wakwa nîatûûraga mwoyo nîûndû wakwa.

Aroma 12:1

Kwoguo ariû na aarî a îthe wetû, nîûndû wa ntha nyîngî irîa Ngai atwonetie, namûthaitha mûrute mîîrî yenyu îrî ta îgongoona rîrî mwoyo kûrî Ngai, rîrî rîamûre nîûndû wa ûtungata wake na rîa kûmûkenia. Îno nîyo njîra yama ya kûgooca Ngai.

Aroma 4:25

Ke nî waûragirwe nîûndû wa mevia metû na agîcoka akîriûka nîguo tûtuîke athingu.

Aroma 6:2

Naarî! Tue twakwire ûvororî wa mevia kûngîvoteka atîa tûthiî na mbere na kwîvia?

Aroma 6:6

Nîtwîcî atî ûmûndû wetû wa tene nîwambirwe mûtharavarî vamwe na Kristû nîguo vinya wa mwîrî ûrîa wîvagia ûthirue na tûtigacoke gûtuîka ngombo cia mevia.

Aroma 8:10

Nwatî ethîrwa Kristû atûûraga ndaarî yenyu wana ethîrwa mîîrî yenyu nîgaakua nîûndû wa mevia, maroho menyu marî mwoyo nîûndû mûrî atue athingu.

Aroma 8:2

Nîûndû watho wa Roho ûrîa ûtûmaga tûtûûre tûrî ndaarî ya Jesû Kristû nîmûnjovoru kuuma kûrî watho wa mevia na gîkuû.

Aroma 8:6

Kwathwa nî mwîrî kûretaga gîkuû, nwatî kwathwa nî Roho kûretaga mwoyo na thayû.

1Akor 10:33

Îkagani wata ûrîa nie mbîkaga. Nîngeragia gûkenia andû onthe maûndûrî monthe marîa mbîkaga. Ngîka ûguo, ndiîthagîrwa ngîcaria ûrîa nîngîîguna nie mwene, nwatî mbîthagîrwa ngîcaria ûrîa nîngîguna andû onthe nîguo mavote kûvonoka.

2Akor 12:10

Nie nîmbîganîtwe nî gûtura vinya, kwonerwa, mathîna, kûnyarirwa na kûnyamarua nîûndû wa Kristû. Nîûndû rîrîa ngwîgua ndarî na vinya, nîrîo mbîthagîrwa nîrî na vinya makîria.

2Akor 3:6

Ngai nîke watûveere ûvoti wa gûtuîka ndungata cia Kîrîkanîro gîcerû. Kîrîkanîro gîkî gîcerû tî ta watho ûrîa mwandîke nwatî nî watho wa Roho. Watho ûrîa mwandîke ûretaga gîkuû, nwatî Roho avecanaga Mwoyo.

2Akor 5:16

Kwoguo kuuma rîu, tûtigûcoka gûtucagîra mûndû wa wonthe kûringana na meciria ma andû. Wana ethîrwa vîndî îmwe nîtwatuîrîre Kristû kûringana na ûrîa andû meciragia, rîu tûtiîkaga ûguo.

Agal 5:25

Ethîrwa tûtûûraga na njîra ya Roho, nwanginya atûtongoragie wana ûtûûrorî wetû.

Aefeso 4:17

Na rîîtwa rîa Mwathani nîramûkaania mûtikathiî na mbere gwîkara ta andû a Ndûrîrî. Meciria mao nî ma mana.

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

Akol 2:12

Nîûndû rîrîa mwavatithirue, nîmwathikirwe vamwe na Kristû, na vîndî wa îo mûkîriûkua vamwe nake nîûndû wa gwîtîkia vinya wa Ngai ûrîa ûrutaga wîra na wariûkirie Kristû.

Akol 3:1

Mue nîmwariûkirue vamwe na Kristû kwoguo îriragîrieni kîrîa kîrî îgûrû, kûrîa Kristû ekarîte mwena wa ûrîo wa Ngai.

Akol 3:17

Maûndû monthe marîa mûgekaga kana mûkaugaga, mekageni mûgîcokagîria Ngai Îthe wetû ngatho rîîtwa rîa Mwathani Jesû.

Akol 3:23

Ûndû wa wonthe ûrîa mûgekaga, wîkageni na wendi takwa mûrarutîra Mwathani wîra nwatî tî andû.

1Ath 5:10

Jesû aakwire nîûndû wetû nîguo tûtûûrage vamwe nake, wana ethîrwa tûrî mwoyo kana tûrî akuû.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

1Pet 4:6

Kîu nîkîo gîatûmire Ûvoro Mwaro ûvunjue kûrî arîa akuû. Wana ethîrwa nîmaatuîrîrwe marî mwoyo ta ûrîa atucagîra andû arîa engî, Ûvoro Mwaro nîwavunjirue kûrî o nîguo mîtûûrîrerî yao ya kîîroho mekarage ta Ngai.

1Joh 4:9

Ngai nîwonanirie ûrîa atwendete na njîra îno; ke nîwatûmire Mûrû wake wa mûmwe gûkû nthî nîguo tûgîe mwoyo nîûndû wake.

Kûguû 1:18

Nie nînie ûrîa ûrî mwoyo! Nie nînaakuîte, nwatî rîu nîrî mwoyo tene na tene. Nie nîrî na ûvoti îgûrû rîa gîkuû na vûrûri wa arîa akuû.