2Akor 5:13 - ÎVUKU RÎA ÛVORO MWARO

¹³ Nîûndû ethîrwa tûrî na meciria matarî maro, tûrî namo nîûndû wa Ngai; na ethîrwa tûrî na meciria maro, tûrî namo nîûndû wenyu.

2Akor 5:13 ပူးပေါင်းရင်းမြစ်များ

Jeremia 29:26

‘Ngai-Mûnene nîwagûtwire mûthînjîri-Ngai vandûrî va mûthînjîri-Ngai Jehoiada, na rîu nîwe mûtongoria hekarûrî. Nî wîra waku kwona atî mûndû wa wonthe wa ngoma, wîtucaga atî nî mûrathi hekarûrî ya Ngai-Mûnene nîwanyitwa na ovwa na mvîngû na aikua njeera.

Maariko 3:21

Rîrîa andû a mûciî wao meeguire ûguo, nîmaathiîre kûmûnyita, nîûndû andû maugaga atî, “Nîagûrûkîte.”

Aroma 12:3

Nîûndû wa wega ûrîa naveerwe nî Ngai, muonthe nîramwîra atîrî: Mûtigetue anene gûkîra ûrîa mwagîrîrwe nî kwîthîrwa mûrî. Vandû va ûguo îthagîrwani mûrî na meciria matarî ma mwîtîîo, kûringana na wîtîkio ûrîa Ngai avete wa mûndû wa mûndû.

2Akor 11:1

Nie nîngûmûthaitha mûngirîrîrie wana ethîrwa nîrî mûritu vanini. Ngirîrîriani.

2Akor 12:11

Nie mbîthagîrwa ngîka maûndû ta mûndû mûritu, nwatî nî mue mûtûmîte mbîka ûguo. Mue nîmue mwagîrîrwe nîkûngathîrîria. Nîûndû ndirî mûnini mûno gûkîra acio meîtaga “atûmwa” enyu a mwanya.

2Akor 12:6

Ethîrwa nwa mende gwîtîîa, ndingîthîrwa nîrî mûritu nîûndû nîngîthîrwa ngîaria ûma. Nwatî ndigwîtîîa nîûndû ndikwenda mûndû wana ûmwe eciria ûvoro wakwa makîria ya ûrîa amonaga kana egucaga kuuma kûrî nie.

2Akor 7:12

Kwoguo wana ethîrwa nînaandîkire maarûa îo, ndiamîandîkire nîûndû wa mûndû ûrîa wavîtirie kana mûndû ûrîa wavîtîrue. Vandû va ûguo namîandîkire nîguo nîmwonie cararûkû mbere ya Ngai ûrîa wîrutîri wenyu kûrî tue wîkariî.

Akol 1:24

Rîu nîngenaga nîûndû wa ûrîa nthînagua nîûndû wenyu. Nîûndû nî na njîra ya kûthînîka kîîmwîrî mvotaga gûtethereria kûrîkia matigari ma mathîna marîa Kristû aathînirue namo nîûndû wa mwîrî wake, ûrîa arî guo kanitha.

1Ath 1:5

Nîûndû rîrîa twamûretere Ûvoro Mwaro tûtiamûretera na ciugo ntheri, nwatî twamûretere ûrî na vinya na ûrî na Roho Mûtheru na tûkîmenyaga waro atî nî wa ma. Mue nîmwîcî ûrîa twatûûraga rîrîa twarî namue. Twatûûraga ûguo nîûndû wenyu.

2Tim 2:10

Kwoguo nyûmagîrîria maûndû monthe nîûndû wa andû arîa athuure nî Ngai, nîguo atî wanao mavonokue nî Jesû Kristû na magîe na riiri wa tene na tene.