2Akor 5:12 - ÎVUKU RÎA ÛVORO MWARO

¹² Tue tûtiramûringîrîria mûtwîtîkîre rîngî, nwatî tûrageria kûmûva gîtûmi kîrîa kîngîtûma mwîtîîe nîûndû wetû. Kwoguo mwarîkia gûkîmenya mûkaavotaga gûcokia ciûria cia arîa metîîaga nîûndû wa ûrîa andû monekanaga na tî ûndû wa ûrîa mekariî ngororî ciao.

2Akor 5:12 ပူးပေါင်းရင်းမြစ်များ

Nthi 27:2

Nîkava ûkumue nî andû arîa engî, gûkîra gwîkumia we mwene.

2Akor 1:14

nîûndû rîu mûtaûkîrîtwe nî maûndû mamwe marîa matwîgiî. Rîrîa mûthenya wa Mwathani wetû Jesû ûgaakinya nîmûgetîîa nîûndû wetû wata ûrîa twîthagîrwa tûgîtîîa nîûndû wenyu.

2Akor 10:12

Tue tûtikwenda kwîiga kana kwîgerekania na arîa menenevagia. Kaî o nî irimû-î! Marûthaga ithimi ciao cia kwîthima o ene nacio, na magetuîra na njîra ya ithimi wa icio.

2Akor 10:18

Nîûndû andû arîa metucaga aro tîo Ngai amûkagîra, nwatî amûkagîra arîa ke atûcaga aro.

2Akor 10:7

Taroria maûndû marîa marî mbere ya metho maku. Ethîrwa kûrî mûndû wicî atî nî wa Kristû, ke nîamenye atî wanatue tûrî a Kristû ta ke.

2Akor 10:8

Nîûndû nie wana ngegatha vanini makîria ûvororî wîgiî vinya ûrîa tûvetwe nî Mwathani ndingîconoka. Nîûndû vinya ûcio nî wa gwaka wîtîkio wenyu na tî wa kûûthûkia.

2Akor 12:11

Nie mbîthagîrwa ngîka maûndû ta mûndû mûritu, nwatî nî mue mûtûmîte mbîka ûguo. Mue nîmue mwagîrîrwe nîkûngathîrîria. Nîûndû ndirî mûnini mûno gûkîra acio meîtaga “atûmwa” enyu a mwanya.

2Akor 3:1

Anga tûreguîka ta kwa tûrambîrîria gwîtîîa rîngî? Nwa gûtuîke atî, ta andû amwe, tue nîtûkwenda maarûa cia gûtûgathîrîria tûgîûka kûrî mue kana tûkiuma kûrî mue?

2Akor 6:4

Vandû va ûguo, maûndûrî monthe marîa twîkaga twonanagia atî tûrî ndungata cia Ngai na njîra ya gûkirîrîria tûmîrîrîtie mathîna, morito na kûthînîka kwîngî.

Afil 1:26

nîguo rîrîa ngeethîrwa tûrî namue rîngî mûkeethîrwa mûrî na gîtûmi kîganu gîa gwîtîîa nîûndû wakwa mûtûûrîrerî wenyu mûrî na ûrûmwe na Kristû Jesû.