2Akor 4:15 - ÎVUKU RÎA ÛVORO MWARO

¹⁵ Maûndû mama monthe meekirwe nîûndû wenyu. Wata ûrîa wega wa Ngai ûgûkinyîra andû eengî makîria, nwaguo andû acio magaacokagia ngatho kûrî Ngai makîmûgoocaga.

2Akor 4:15 ပူးပေါင်းရင်းမြစ်များ

Thaburi 50:14

Gûcokeria Ngai ngatho nîrîtuîke îgongoona rîaku, na ûvingagie ûrî warîkanîre Ngai ûrî ûrî Îgûrû.

Thaburi 50:23

Mûndû ûrîa ûnjokagîria ngatho rîrî îgongoona nîandîîaga, nama, nîngaavonokia andû onthe arîa mambathîkagîra.”

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

1Akor 9:19

Nie ndirî ngombo ya mûndû wana ûmwe; nwatî nînîtuîte ngombo ya andû onthe nîguo ngucîrîrie andû eengî wa ûrîa nîngîvota.

2Akor 1:11

Wanamue nîmwagîrîrwe nî gûtûtethia na mavoya nîguo andû engî magaacokia ngatho kûrî Ngai vandûrî vetû nîûndû wa irathimo irîa tûgwatîte kuuma kûrî Ngai nîûndû wa mavoya mao meengî.

2Akor 8:19

Wa vamwe na ûguo, ke nîathuurîtwe nî andû a makanitha nîguo athiîcanie natue rîrîa tûkûruta wîra ûyû wa ûtethio. Tûreka ûguo nîûndû wa ûgooci wa Mwathani na twonanie atî nîtûrenda gûtethia.

Agal 1:24

Kwoguo nîmaakumirie Ngai nîûndû wakwa.

Akol 1:24

Rîu nîngenaga nîûndû wa ûrîa nthînagua nîûndû wenyu. Nîûndû nî na njîra ya kûthînîka kîîmwîrî mvotaga gûtethereria kûrîkia matigari ma mathîna marîa Kristû aathînirue namo nîûndû wa mwîrî wake, ûrîa arî guo kanitha.

1Tim 1:14

Nake Mwathani wetû nîamonetie wega wake mwîngî na nînîmwîtîkîtie na ngamwenda nîûndû wa kûgîa na ngwatanîro na Jesû Kristû.

2Tim 2:10

Kwoguo nyûmagîrîria maûndû monthe nîûndû wa andû arîa athuure nî Ngai, nîguo atî wanao mavonokue nî Jesû Kristû na magîe na riiri wa tene na tene.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

1Pet 4:11

Mûndû ûrîa ûvunjagia nwanginya avunjagie ndûmîrîri ya Ngai, na ûrîa ûtungataga nwanginya atungatage na vinya îrîa aveetwe nî Ngai, nîguo Ngai akumague na njîra ya Jesû Kristû maûndûrî monthe marîa mûgeekaga nîûndû riiri wonthe na vinya nî ciake tene na tene. Ameni.